نار القصيد

اخواني واخواتي

مجتمع الشعر والشعراء
والكتاب والنقاد في منتدى المرقاب
السلام عليكم ورحمة الله وبركاته

يسعدني ويشرفني الانظمام الى هذا المنتدى الراقي
والى شعراءه المميزين

واشارككم بهذه القصيده

اللتي اتمنى ان تلقى القبول لديكم

[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هات القلم ياصاحبي واكتابه=نار القصيد بخاطري مشبوبه
إن عودت للشعر حنا أولابه=من عصر صخر الغي ماهودوبه
يوم ان بعض الشعر ماله ثابه=فيه الحروف الوافيه مغلوبه
أشعارنا قبل النبي واصحابه=بالدم فجباه العدا مكتوبه
عدونا حفظه ولا غنّابه=واصحابنا من طيبهم غنوبه
لكن جاء وقتٍ يسوق ركابه=وركابه لغير السنع مشعوبه
فيه الهزيل يجوز ويحيابه=وفيه الجزيل يمر ماحيوبه
وياللي تبى تلعب مع اللعابه=وتحسب شمس المعرفه محجوبه
عندي خبر مضمون ويوصابه=قبلي موامين القضى وصوبه
مافيه موضوعٍ تحسب حسابه=ونهايته في خاطرك محسوبه
ألا قبل لا انته تفك كتابه=أخذوبه أهل المعرفه واعطوبه
بعض المراجل جوخةٍ كذابه=اللي تلبسها تزيد ذنوبه
وبعضهن بنتٍ عن الخطابه=ترضابهم نوبه وترفض نوبه
وبعضهن خطيبها تزهابه=ويعينها علاه زين دروبه
وتلبْسه لبسٍ سوات ثيابه=بالعز من راسه ليا عرقوبه
وبعضهن من كثر ماتشقابه=تلبسله ثياب الفرح مقلوبه
حتى لوحضوره سوات غيابه=فعيون منهم قبلها بلشوبه
واحدٍ تزينله ولاترضابه =لو انها في خاطره مرغوبه
تشب في راسه وروس أشنابه=ويشيب منها مالقى مطلوبه
واللي يبى حظه يقص اطنابه=يعلقه في وحده مخطوبه
راضيبها وهيه تبى ترضابه=لكن على من تكرهه مغصوبه
والناس كلن يقنعه ماجابه=وكلن يجيله فالزمن مكتوبه
وكلن ليامنك عرفت اصحابه= تقدر تحدد منهجه واسلوبه
وانا رفيقي لو يحث ركابه=وركابه بكثر الخطا مركوبه
اجوز عن شيٍ زعل بأسبابه=ولا أعامله بالعمله المضروبه
يقوله اللي مااختلف هندابه=لوكل صدقان الرخا باروبه
ولاله ورى المقفي هدف وطلابه=أخذ بمدات الغلا ماجوبه[/poem]

مسعد المطرفي