ألا أيّها الشيباني .. ؟؟

السلام عليكم ورحمة الله وبركاته

العذر والسموحه عن الغياب

وهنا بعض مما يستحقه المبدع / عبدالرحمن حمد الشيباني


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابطلع على المرقاب وأجمّل المرقاب=واغني من جداد القصائد هجينيّه
ما دام الهجوس النار وأفكاري الشبّاب=على القاف والمحراف سلام رديّه
عزمت وتقدّمت الجموع وفتحت الباب=جهارا نهارا وقفتي غير سريّه
هذا اللازم الحازم من الباب لا المحراب=على صالح الظن وعلى صافي النيّه
إذا كان ما نعلن وفانا مع الأصحاب=بلاشي نقول إن العلاقه أخَويّه
نقوم ونلوم اللي مايوفي قدر الاشناب=هذا اللي يحسب إن الوفا : طاق طاقيّه
وأنا واجبي بالذات فالماقف الغصاب=أوقف ولالي شكر في وقفتي ذيّه
ابيّن حقوق الكفو وأوضّح الأسباب=ولا بالتفت في واحدٍ ما التفت فيّه
ألا أيها الشيباني الكاتب الجذاب=تدور الليالي ما طفت نارك الحيّه
مسيرة سنينٍ نلت فيها فخر وإعجاب=من أوساط وأكابر ساحتنا الخليجيه
عرفنا معك وش قيمة الفكر والآداب=وعرفنا معك كيف الجهود الصَحَفيّه
وتوّجتها ( على سبيل المقال ) كْتاب=حوى من أساليب الفنون الكتابيّه
ما تلوي به أعناقٍ وما تملك بْه ألباب=وما ترتقي به ذائقة نقد أدَبيّه
أجد في كتاباتك ما احيّر به الكتّاب=مهارات فنيّه وقدرات فكريّه
ولا نيب لا واهم فقولي ولا مرتاب=لو أقول بانّك مبدعٍ ما خلق زيّه
هذا وأنت مرقابي عزيز ومن الأصحاب=مثال الصداقه والعلاقه الاخَويّه
تعدّي على المرقاب وتجمّل المرقاب=جهارا نهار وقفتك غير سريّه
( مابين الصدور ) الا محبه من الأحباب=( ِبمَذاق خاص ) تقدم( أشواق إضافيّه)
نجاحك يابوحمد فـ ( مَجلّة العرّاب )=يضاف لنجاحك في ( مدارات شعبيّه )[/poem]



* مابين الأقواس في البيت قبل الاخير من عناوين مواضيع ابوحمد