قبل المغيب اول تلاوين الاشفاق

[frame="7 80"]السلام عليكم ورحمة الله وبركاته


للتواصل...



هذه مساجله لي مع الشاعر / بندر الذيابي




المساجله صوتياً :


[rams]http://www.hashiriya.jp/upload/source/up18560.mp3[/rams]







[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قبل المغيب اول تلاوين الاشفاق=ولليل مع نور النهار اندماجي
عديت مشراف(ن) عسير(ن) على الراق=تلحى غراميله سوافي العجاجي
عديت ابا ارمي اللوح لقصير الساق=ويوم اعتليته صار شي(ن) مفاجي
هاجوس هيج ماتخفيه الاعماق=من سبته مافي خفا الروح هاجي
ياليتني موميت لطير شعاق= ولابديت بعاليات الرتاجي
ما من مباديها سوى كشف الاوراق=ومخاطبات مع الضمير وتناجي
تسفر عن الحسره وتجريح الاحداق=ومحوالها لك لابس(ن) ثوب ناجي
ماينصبر عنها ولاهيب تنطاق= اصد عنها واقبل اقبال راجي
اصد صدت عاشق(ن) عاف ماذاق=واقبل علشان يتجدد نتاجي
يابندر اسندلك وانا خاطري تاق =للهرج معكم ياطليق الحجاجي
على اللذي فنجالها يوم ينساق =به للحَمار مع الشقار امتزاجي
مايمزجه رسام لونه اشتاق =يعطيبه اللوحه ظهور ابتهاجي
لاذاقها راعي خوى الراس تنفاق=جاله على سير السوالف مزاجي
يابندر اشكيلك خفى خاطر(ن) ضاق=وابدي على بعض الامور احتجاجي
ورى نديمي للصابيع طقاق=وشبه يعايرني بقلت خراجي
لن كان مطغيته طويلات الاعناق =انا ذراهن لاقفاها الهجاجي
وان كانه شره على قطعت الساق=قله تراني منه بحماه لاجي
عن يمته ماتاخذ الرجل مطراق=وان كان ماجاني هنا يمه آجي
وقله ترى الدنيا توافيق وارزاق=وعن ميلها مايدرقن المحاجي
ومدامهُ من حلوها ذاق ترياق=لايبتهج من شربتي للهماجي
لابد مقطف يوم من حلو الاعذاق=مادآمني لله ساجد وراجي
ومادام ماني للمطاليق دراق=واركد ليا جاء فالعلوم ارتجاجي
وليا ركد للمارتن كل تفاق = للجبخان بصيدهنه ملاجي
وليا انتثر مافي الدلي كيف ينحاق= ويا الليل مالك غير نور السراجي[/poem]


رد الشاعر / بندر الذيابي



[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه مآنمت لين الفجر ساق =مانمت لين الصبح باليل ماجي
قريحتي هاجت وجتني بمالاق=بعد البطى جت طايعه بند راجي
حييت يامن لصعب الشعر سواق=بيطار بر وخط نجمه وتاجي
علمك سمعته منك وحرقني احراق=زود عليه لوعتي وختلاجي
يآول ياوقت(ن) للبطال صفاق=حطيت من دون النشاما سياجي
وراك ماتصفح وتآمر بالاطلاق=وتعفي عن اللي من ردى الحض لاجي
المال يامال الغنى قسم ورزاق= مقسمه رب البشر بالمزاجي
كم واحد ربك عليه اغدق اغداق=مال(ن) وحال وعافيه وبتهاجي
وكم واحد(ن) من صفقت الفقر مافاق=يلوذ عن صفق الفقر بالمحاجي
والفقر عن درب المطاليق معاق= الا الضعيف اللي يبا الانعواجي
وانته مجار وجهك ابيض وبراق= ياسعد عين اللي بشرواك راجي
قرمن على الطولات بالطيب سباق=حتى ايش لونه هجى كل هاجي
يدامح الزلات يسمح الاخلاق=ياخاطر(ن) مايعرف الانزعاجي
الطير لو ماله جناحين ماراق=ولوما جناحينه ماوصل اللجاجي
هذا وفيهنه تقاليد وعراق= ممزوجت (ن) بدمي اهلها امتزاجي
تجبرك في حال (ن) تجي سلس ورقاق=حساسة(ن) بالحيل مثل الزجاجي
وشفت العلوم اللي تجي دق ودقاق=بعها وراك مع اليمن فالحراجي
ابرقتلك عن لب موضوعك ابراق= وليا ابعدت تبشر بنصر العواجي
خذ في يمينك سيف(ن) ابتر ودقاق=ليا جاء لبيضان السيوف اعتلاجي
سيف(ن) لراس اللي يعاديك حلاق=فعله يبا يبهجك خير ابتهاجي
انا على وضح النقاء مدرق ادراق=ابديت رائيي عقب ناجاء المناجي
واختم واقول الك التحيه والاشواق= عقب انتهى تصميمها والاخراجي[/poem]







لتحميل القصيده: {هنـــــــــــــــــــــــا}






تحياتي



غانم القاضي[/frame]

1

استماع ورجع بأذن الله

حجز 2

صح وصح وصح لساااااااااااااااااااااااااانك


انت والذيابي


مبدعين



تقبلوا اجابي

غانم القاضي

ياسلام عليكم يامبدعين

صح لسانك ولسان بندر الذيابي

صوت وصدى رائع يستحق الاعجاب


سلمت ولاهنت

تحياتي

مساجلة رائعة


صح لسانك ولسان الذيابي


تحياتي


.

[align=center]ماشاء الله


صوت وصدى رائعان

ومعاني جزله فيها عذوبه

صح لسانك ولسان بندر الذيابي


لك فائق الاحترام والتقدير

تحياتي[/align]

الاخ العزيز والشاعر القدير / زبن القاضي

لا تحتاج اشادة عز الله


مساجله مميزه شكل ومضمون


صح لسانك ولسان الشاعر الاخ / بندر الذيابي

وسلمتما ،،


..