نقلتها كما هي من فم راعيها

المشاركة الأصلية كتبت بواسطة نواف نايف

السلام عليكم ورحمة الله وبركاته

قصيدة للشاعر شداد بن ذياب الغنّامي

وبالرغم من محاولاتي لانضمامه للمرقاب إلا أن الشبكة العنكبوتية من ألد أعدائه

ولكن استحصلت على هذه الرائعة منه ورغبت في مشاركتكم معي في النهل من ابداع هذا الشاعر


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دكت هواجيس الخفا دكت الجيش=محزبات أكوار مافوقهن لاش
فج النحور يسابقن أبرق الريش=ضمر وحيل أسداس قنايهن عاش
عوص النضا لا زوّعن للمطاريش=جولٍ من الأدمي زبن دخش وحشاش
أقدامنا حفيّت ورى لقمة العيش=( واللي على حد السما كيف يناش )
وقتٍ لبسنا ضيقته كالدشاديش=تزيد ضيق عن امس والمغتني طاش
دنيّاً تبقط ماتفيد المحاويش=والوجه يندى كيف بالله نعتاش
دايم على الطيّب غثاها رشاريش=تصفق به الأرياح ويطير ماحاش
تكدش ليا منه تهنى المكاديش=ويضيع جهده لين يرجع على ماش
عيال الحمايل جالها شبه تهميش=وزمام أمور الخلق بيدين طواش
الحصن عيقت وأسبقن الأكاديش=والرمح عنه يعوض ويسد منقاش
الحظ ذب الريع مقفي يبي يعيش=( ويانايرٍ عني وأنا عنك منحاش )
يالله يارزاق ريف الهتاتيش=ياحامي اعتق بيت من فيل الأحباش
يامهلكٍ فرعون والجسم مانيش=يامحييٍ الصحراء بعد جدب برشاش
نطلبك غفرانك عن الجهل والطيش=ونفوسنا للعفو من عندك اعطاش[/poem]


وسلامتكم وصح لسان شاعرها

الله الله الله

شداد بن ذياب الغنامي



شاعر غني عن التعريف ومن كبار الشعراء



صح لسانه مدد على هذه الرائعه



ولاهنت يابو نايف على النقل



ودي وتقديري




...

المشاركة الأصلية كتبت بواسطة محمد الشويب

الله الله الله

شداد بن ذياب الغنامي



شاعر غني عن التعريف ومن كبار الشعراء



صح لسانه مدد على هذه الرائعه



ولاهنت يابو نايف على النقل



ودي وتقديري




...

أرحب يامحمد وهلا وغلا

وصح بدنك بالنيابه ولا عليك زود

مع الشكر لحضورك البهي