البقاء .. لـ (( الأملح )) .. !!

اذكر في أحد الأيام انني كونت علاقه مع عضو احد المنتديات ( ما يقصد المرقاب )

و كان له صوره .. و وقتها ما اعرف شي اسمه فوتوشوب لتمليح الصور..

و كنت مهتال من صفاء بشرته و نقاوتها.. و اقول هذا مصبوب صب ذهب ما شاء الله عليه..


و اللي يشوفنا يقول هذولا جيران و الا يعرفون بعض من سنين..

و بعد ثلاث سنوات من العلاقات ( النتيه ) المتينه و الأريحيه..

قابلته في يوم من الأيام على الطبيعه بعد ثلاث سنوات...

تصدقون اني سفطته ما سلمت عليه سلام وجه في المجلس؟؟
فقط ( مخامس ) الغرباء... و كيف حالك يا الطيب ..
عاد هو شد وجهي يم وجهه للسلام و قال كيف الحال يا ابو مهنا.. و مبتسم .. الا تعفط وجهه من الابتسامه..
طلع الرجال يعرفني .. بس انا قلت يمكن عشان انا مشهور عرفني..

صاحب الدعوه لم يقم بالتعريف بيننا .. على أساس اننا نعرف بعض ( بحسب ما يراه في المنتدى )
و اندهش صاحب الدعوه من الموقف.. و قال و الله اني احسبنكم زملاء عمل او جيران او من هالقبيل..


هذا العضو ليس موجوداً في المرقاب في الوقت الراهن.. لذلك لن آتي بإسمه..


انما الذي سوف آتي بإسمه هو ( الأملح ) ضيف الله الغنامي..

ابو سعود الله يقومه بالسلام و يشفيه و يعافيه و لا يبلانا

كنت اشوف صورته ( الممولحه ) في المرقاب...

و صار بيننا تآلف ( نتي ) كالعاده مع بقية الأعضاء...

في يوم من الأيام شاءت الأقدار ان اقابله في المنطقه الشرقيه..

دخلت .. سلـّمت .. ما عرفت الرجال لكنه شد ( خشتي ) الى خشته و سلم علي سلام وجه..

فيه واحد ثاني ( ملقوف ) و معه ( دب ) ثاني القف معه.. قاموا يعرفون بيننا .. شفق السريّع و سعود الذيابي
على ما أظن..

المهم جلست بعد السلام و مع أول فنجال قهوه ( ما بعد ذقته الى هاليحن ).. قال انا متابع لك يا ابو مهنا
في المرقاب و من أشد المعجبين و من هالكلام الرخيص.. لكن لي ملاحظه على بعض الأمور ..

وش هي .. قال كيت و كيت و كيت ..

انا لأول مره صراحه امسك اعصابي .. نزل عليّ وحي هاك الليله .. او صار لي نوبة صمت غير معتاده..

قلت طيب ابشر باللي يرد عليك بس خل لين آخذ الفنجال الاول اللي ما بعد شربته و انت مسكتني تحقيق..

باقي الهوشه ما راح اقولها.. لكن في الأخير عرفت انه ضيف الله الغنامي..
لا بارك الله لا في مشعان و لا في السواط الدب.. .. و لا كل اللي سووا الموآمره..


الشاهد من الهرج هذا كله ..

هو ( صور التميلح ) و مكياج ( الفوتوشوب ) السينمائي ..

<<< يا ويله من ضيف الله