عند الضروره .... !!

:

ياليـل يـردف سـوادك نـور جــلاّي
من حين غاب الشفق مـا غـاب نـوره
لـولاي أغمـض عنـه وأصـد لـولاي
ألغـى غيابـه عـن عيونـي حضـوره
وإن كان تظليمتـك مـن عينـي وجـاي
بروزت لك فـي سـواد العيـن صـوره
رقعتـك لا تتسـع فـي عامـر أرجـاي
ويضيـق صـدر ٍ مصلـحـة ٍ أمــوره
لا تحتديني وأنـا محـدي علـى أقصـاي
أزريـت لـ. اجـاري النفـس الصبـوره
ما عاد ( أدان ) الهوى من كثر الأومـاي
ثبتّ فـالارض .. مـار الارض كـوره !!
ماكنّي أمشـي رويـدا وأحسـب اخطـاي
ولكننـي عايـش ٍ وســط معـمـوره
لـو زان جـو القصيـد وزان مـسـراي
شبـه الجزيـره تـرى شبـه مهجـوره
ياوين أحصّـل خـوي للـدور حمّـاي ؟
وين أنت .. وين أنت يـا حمّـاي دوره ؟
ماخلـوّا اصحابـي ولاشــي لـعـداي
عدوّي أصبح خـوي عنـد الضـروره !!
ماقلّـت احـلاي والاّ قـلّـت أخـطـاي
زاد البـلا فــي زمــان زاد جــوره
شماته .. ونمّـه .. وخبـث .. وتـزرّاي
وحياله .. وكذب .. ومخـادع .. وبـوره
أدرى زعـل واحـد ٍ مـا دوّر ارضــاي
وأطـرد مشاريـه لاحقنـي قـصـوره !
ياللي تشبّ الـك نـار ٍ تحـرق اشـواي
ولا تـبـا الكـبـد تلحقـهـا حــروره
حسنـاك تكفيـك .. وش تبغـا بحسنـاي
ومسـوّي ٍ خيـر كافيـنـي شــروره
قطـع العلاقـات ماهـو غايـة امنـاي
ووصـل القرابـات .. حـدّه فالخطـوره
يافالـح الـراي علمنـي وش الــراي
يمكنّـي أوحيـك ماوحيلـك مشـوره !!
أي والله آعــرف داي وعــارف ادواي
أخــذت مـــن دورة الأيـــام دورة
لو ماني ابذيـب ألـج الضلـع بعـواي ؟
ضيعـت صوتـي فالأصـوات الجهـوره
إلسانـي احصانـي وفعـلـي بيمـنـاي
وإلسان من لا ذكـر لـه فعـل .. ثـوره
أمـا آخصـم واحـد مثلـي وشــرواي
والاّ اركـدي يـا جــوارح ومـعـذوره
مـاوالله أنطـح سفيـه أعطيـه علبـاي
خليـط بيـن الـعـواده .. والـبـزوره
يقضع على ( سسته ) ويعلج على ( ياي )
مدهـون خـدّه .. ومدهونـه سـيـوره
مامت من خوصتـه لـو تبعـج اكـلاي
يعيـش وأدقّـهـا فــي وســط زوره



اقسم بالله انك علم ورمز ومبدع وكفى !!


..