مرسى ( هاجوس فكري )

مرسى
رقم 257

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا شرّد الصيد في فكري تصول وتجـول=في كل روضٍ زهى عشب الحيـا لاعبـه
هاتي من الجزل , و الا الهزل فيد الخبول=و الله ما اتبع طريـق خبـول متلاهبـه
ما يشكي المتن لو زادت عليه الحمـول=و الكل له مذهبه يـا ارواحنـا الذاهبـه
ولا تملك النفس غير العز حسب الأصول=ولا كل موت(ن) يصير الآدمـي راهبـه
في عالمٍ ملتهب للحـرب طـق الطبـول=يا طاش ما طاش خل الدير مـع راهبـه
و على ضفاف النهر تحفر وتهدم دحـول=تدفن جنايز و الأحيا وجيههـا شاهبـه
ولا عاد به من حلول إن قيل هذي حلول=واحـد وستيـن عـام نـدوّر الذاهبـه [/poem]

مرسى
رقم258

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جبال السرات من الصدى جاوبت لطويق=وعم الصدى وبارودهـا فـي مقامعهـا
يعيش الفتى عمره ومن بعد نوم ايفيـق=ليا اغتـر بالدنيـا وكثـرت مطامعهـا
قناة الفضا لو تعلـن اخبـار للتبريـق=عسى موجة التبريـق تختـم مشامعهـا
ويبين الصديق من العدو في نهار الضيق=ومن رافقـك للمصلحـة انتهـى معهـا
لو الحلف بالله ناخذه فرض بالتصديـق=زحازيح ما ترخـى لهرجـة مسامعهـا
ورود الخزامى نبتهـا مايبـي تنسيـق=وعسى عين شبه الريم نشفـت دامعهـا [/poem]

مرسى
رقم259

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ان قلت كلمـة حـق مانيـب ندمـان=تخرج علـن والكـل يسمـع صداهـا
والكلمة اللي زودها حسـاب نقصـان=أأدهـا مادامـهـا فــي صبـاهـا
ما اسمع, ما اري,ماينطق الكلمة لسان=اخيـر مـن كلمـة بعيـد(ن) مداهـا [/poem]

مرسى
رقم259

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياجارح القلب ياباني بصدري سكن = زرعت بذر الغلا , ويسقيه دم الوريد
تعال وانزع سهمك اللي بقلبي مكن =لا تترك السهم في قلبي وترحل بعيد
عالج جروح الغلا اللي من صدودك بكن = و دموعهن نزف دم ءبه الدواء ما يفيد
لو قلت وهج المشاعر في البعاد استكن = تأجج الشوق في صدري و ذاب الجليد
ولو تسأل حروف شعري جاوبن وحكن = واسترسلن لك حروفي لو طلبت المزيد [/poem]

مرسى
رقم260

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
القلب فز لصورةٍ و أبعـد الشـوح=للسيل يـوم انـه تخيّـل حـدوره
تصوير عبّر عن خفاياك بوضـوح=واشغلت تفكيري لو اعلن سـروره
ودي ولا ودي وكيف أجيّ و اروح=والشغل حاديني ونفسـي جسـوره
لو كان مالي مع هل البر مصلـوح=الـروح والله كـل يـومٌ تــزوره
ما ابغى تلوموني ليا اسرفت بالبوح=إن طاعني قاف القصيـد وبحـوره [/poem]

مرسى
رقم260

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إنطوي يا صفحة الذكرى ولا ابغى لك شهادة = التجارب في حياتي مالهن حد(ن) معيّن
كل ما أنهي تجربة في العمر كبّرت الوساده = نم قرير العين يافكري و في الدنيا تعيّن
كل عقل وما اهتواه وما يميل إله اعتقاده = و كل قاضي ما يحكم الا بما قدمه تبيّن
و لو يميل القلب مع خشفٍ زهى جيده قلاده = الخيول الله مجملها ولو هي ما تزيّن [/poem]

مرسى
رقم261

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تبادر لذهني قصة العام بالتشبيه = لو إن القصص ما اعلن بمضمونها الراوي
وكتبت الحروف اللي طرت مابها لبيه = و داعية المقفي ليا راح ما يأوي
أنا ما اخذ سلومي من الباش والا البيه = وعلى السلم الأول منهجي ما اتبع الغاوي
[/poem]

مرسى
رقم262

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نزف القلم تكتب بنزفك دواوين = وحطيت ديواني بمرسى هجوسي
لو المداد يصير دم الشرايين = ما دونك ابخل به بدنيا الدروسي
دنيا تدرسنا وتعطي مضامين = باللي جديد وبالليال المروسي
[/poem]

مرسى
رقم263

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياضيف ياللي تسبر النزف و تحوف=في صفحة المرسى لك الشور والراي
ولك الأمان ولا يقرّب لـك الخـوف=هذا العهد منـي لـك امـد يمنـاي
و اغلا الورود من البساتين مقطوف = و العود الأزرق حشمة (ن) لك بمرساي
نوّخ ركاب وسج بالفكر والشوف = و اقطف زهر ما قد عرضته لشراي
[/poem]

مرسى
رقم264

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياليل لو معك عهد ولي معك تذكار و وعود = وشلون ما تنشد اللي معك سهران (ن) لحاله
قضيت ثلثينك ارعى للنجوم المرقبه و الوقت محدود = من قبل شهر رمضان يهل للأمه هلاله
يا ليل عهد الوفاء باقي ولي في عهدي قيود = لا البعد حلل قيود العهد والوصل استحاله
لو انتظر للوصال مع النجوم وهبت النود = طال انتظاري ولا امله و أنا ارجي لإتصاله
والسر بين الضلوع العوج ما بيحت لسدود = كميت سر الموده والموده ما لها قاضي عداله
لو بشتكي , ما لقيت اللي بيحكم حكم ويجود = و اشوف كتمان سدي للغلا ما به جهاله

[/poem]

مرسى
رقم265

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا اللي على التاجي البصمة وميثاقك =بصمتك ما تنمحي لو طالت سنيني
عطني بطاقة عبوري صوب خفاقك = والا انت صوّت لتتويجك شراييني
راهي ومافيه داعي تشعب نياقك = كل المزاين ملكته في نظر عيني
شمس الحقيقة توارى من ورى اشراقك = غطى عليها جبينك في دواويني

[/poem]

مرسى
رقم266

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يازمان الصمت كم شفنا هوايل = و الليال تدور والدنيا غريبة
وكل يوم يبين في الدنيا دلايل =من دهاليز الأمور اللي عجيبه

[/poem]

مرسى
رقم267

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو اقضي العصر كله فوق روس الرجوم = مابين سجّة و هجس ورفع صوتي غنا
ارتاح لليل لو يجلب كثير الهموم = مهما اتعب العين من طول السهر والعنا
يا ساجع الورق يا اللي في العلالي تحوم = بسألك هو كثر سجعك حقق ءلك المنا؟
[/poem]

مرسى
رقم268

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وسايل التقنيه هو ليه صار انقطـاع= الذبذبـه ليـه تفصـل باتصالاتهـا
يا ليتني من ملك علم الفضاء باختراع=ليصير كل اختراعي حسب وجهاتهـا
وما تطلبه من وصل يصير لي مستطاع = اقرب ءلها البعيد ويسمع اصواتها
الله جعل قدرها عندي سمو وارتفاع = قدر ومعزة كسبته من صفا ذاتها
[/poem]

مرسى
رقم269

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرسى هجوسي يـوم للعهـد ميثـاق = ليه الوفـاء راعيـه يشكـي زمانـه
من لا عرف عهد الوفـاء دوم ينعـاق = و راعِ الوفاء لا بـد يكسـب رهانـه
في عالـمٍ مفتـوح واحداثـه اطبـاق = من جاء مكانـه مـا يحصـل مكانـه
يغتاض بـه عاقـل ويرتـاح بـواق = و يُكسر حديدة من قسـى الخيزرانـه
و في عملة الوجهين لو سترهـا رواق = لا بـد مـا تظهـر وجيـه اللعـانـة [/poem]

مرسى
رقم270

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما ارد نفسي لبعض الهرج والزلّة = رفعت نفسي وكل(ن) يعرف ديونه
واللي رضى العيش حدر اقول ما انزل له = ولا اصعد لمن بالغرور يعيش في كونه
اقفي عن اللي غرورة دوم يحبل له = ولا همني لو صغرت بنظرة عيونه
و تحت النصايب دفنت اللي مضى كله = ومن غيض ساعة سليت وعشت من دونه
[/poem]

مرسى
رقم 271

[poem=font="Simplified Arabic,6,firebrick,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا حرف يا مشروح مانيب شارحـك=ولانيب عجزان (ن) ولانيـب قـاوي
يا صاحبي مانيب خاسـرك, رابحـك=عِـد الليالـي بالتجـارب رهــاوي
لا تتخـذ سلّـم طلـوع لمصالحـك=و في كل موقف حزم تلقى المخـاوي
يا صاحبي لا تخلط الجـد والضحـك=وقت الحقايق ماش شي ءمتسـاوي
وقت السعة تُظهر و تبدي تسامحـك=وفي وقت غيضي بك تضيع الهقاوي
ضمّدت لجروحك ولانيـب جارحـك=ولا كل جرح يفيـد معـه المـداوي
ولانيب لك هاجي ولانيـب مادحـك=دامك تبي بُعـدي علامـك حيـاوي
قلها بصراحه ياعسـى الله يصلحـك=وغير الصراحه دونـه الفيـن لاوي
و إن ما سترت أخطاك مانيب فاضحك=و الكل منـا فـي حياتـه غنـاوي
و إن قلت وفّر ياعميلـي نصايحـك=قلـت النصايـح جابهـا كـل راوي
و اعرف تراني يا عميلـي مبايحـك=ولا يجتمع وبّـال هـو والشـواوي
[/poem]

,
,,
,

مرسى
رقم 272

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ليا غاب هوجاسي عن الشعر ويش اقول = يلفّ المدار ويجمع من الفضا شعوره
اهجرس واعنّ الطرق في الدار عرض وطول = ولا يكتمل عقد اللآلي بمنظوره
و احاول يجي للشعر مع هاجسي مدخول = و رفض كل مرسى ويعشق الموج وبحوره
اغوص لغزير الجم يوم اتنقى اللول = ويرف الجناح وياخذ مع الفضا دوره [/poem]

مرسى
رقم 273

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

أنا الأسير اللي بلا سجن وقيود = أسر القلم وحروف شعري تباكا
بيني وبينه موثق الأسر بعهود = وعهودنا ما عاد منها فكاكا
لو طال صمته ما يجي منه منقود = ورعشة يدي مع دمعته للمحاكا
يكرم أسيره كل ما يطلبه زود = وريحة مداده كنها ريح راكا
[/poem]

مرسى
رقم 274

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

شفت القمر بين السحاب المراديف = وفي خاطري نوره يشابه نحرها
له صورتٌ في الذهن ما اضنها زيف = هذا وانا ماشفت حتى صورها
و إن قيل كيف بوصّفه يقول ما شيف = قلت الطيوف تجيبها من ديرها
و إن قيل شاعر بس بالكذب حريف= قلت ظلموني , طيفها ما احتقرها
و أنا عشقت ولاش طيفٌ شبه طيف = ولي قدره من طيوفها اقص اثرها
[/poem]

مرسى
رقم 275

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

اوردتني سهوم العين حوض المنيه=وانت عني بعيد ديار ما نيب حولك
نظرتك من غضب والا لها جاذبيه؟=اربكتني خيال , ولا تسبب ذهولك
انت في المحكمة قاضي وغيرك رعيه = رف بحكمك على من هو عجز لا يطولك
لا تجور بقرارك في حلول القضية = التمس رأفت القاضي وعادل حلولك

[/poem]

مرسى
رقم 276

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا تل قلبي تل ميق ٍ منصّـاه=بحمول إبادة وجّهت للمعادي
ءليا شلعها كبتنٍ غلّه ابـداه= على عدو الدين وقت الجهادي
قصف بها الاهداف ماخاب مرماه = ناوي على الخصم اللدود النفادي
وفي رجعته سرب المعادي تقفاه = وشلّع بميق الصنع في الجو آحادي

[/poem]