حقوق الرفيق !!

،


الله الله الله الله الله

البارحه عديت نصف الليل في الضلع المويـق
ارعا النجوم الساريه واسامـر الليـل وحـدي
واكوسر الالحان مع صوت الهوى من مايليـق
من شعري وطرقي واهيجن للنسايـم واحـدي
ولا دريت ان الهوى يثر في الاحساس الرقيـق
وان الطوري تحدي المهموم للهمومـه حـدي
لاعادك ضلع شكّلـة انـت وهمومـي فريـق
لين انعمس بالي وضاق الخاطر وكـل جهـدي
والضيقه اللي دايماً معها مغير اغفـى وافيـق
جتني تسوق ركابه وتقول انـا حـان وعـدي
ياهاجس الافكار خذني من طريق ليـا طريـق
سهيل نجمٍ في السما لاغاب ماغـاب الجـدي
ولو ضاقت صدور الرجال الارض لايمكن تضيق
وان ملت ياراسي ماعنزتك على راحـت يـدي
ان كان مال الرجل في وقته عدو ماله رفيـق
وفي ذمتي مايجهل حقوق الرفيـق الا الـردي
والا العدو والله ما احسبّ له وجعله في حريـق
انا اجودي لكن بعض احيـان مانـي بأجـودي
وصديقي اللي دايماً يرسي معي مرسى طويـق
مغير واحد هو حزامي في اصدقـاي ومسنـدي
وقت الضروف القاسيه هذا هو اخوي الشقيـق
والله لـولا الله ثـم لـولاه يمكـن لا اغـدي
اغلا صديق اي والله وفي ذمتي واوفى صديـق
متعب ولد مسعد ولد سعدي راع الكف النـدي
معزّته في سد وجهـي دامنـي حـراً طليـق
وان مت اباوصي في ابو خالد اخواني وولـدي


والله يا مكانها انه الشعبي يا عبدالله ، صح الله السانك مدد مدد مدد يالشيخ ،

والله يديم الصداقه والأخوّه بينكم

،