ليته ســــكت

المشاركة الأصلية كتبت بواسطة عبدالله الطلحي

[align=center]الأحبة الغالين

السلام عليكم ورحمة الله وبركاته

متواضعة أضعها أمام أعينكم
أستشفع بها من الغياب
وأحاول جاهداً أن أحوز على رضاكم[/align][poem=font="Simplified Arabic,6,#100145,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ماكل دخان في المجلس يجيله قبول=من قال دخان عود الطيب مثل البكت
ولاكل قافٍ سمعته قلت ليته يطول=قيفان ماهزت إحساسي ولاحركت
ولاكل راعي سوالف ملتزم بالأصول=كم سالفة من خيال الراوي تفبركت
يا مضحّك الناس مايطري عليك الفضول=الناس تضحك معك وإلا عليك إضحكت
إن كان منته بقايل شي يملا العقول=الصمت خير إلك من ترديد بعض النكت
محدٍ بقايل لراعي الصمت ليته يقول=لكن كم قيل للهراج ليته سكت
وياشاعرٍ صرت من دنيا الهوى في ذهول=دنيا الهوى شربكت دنياك وتشربكت
ماتهرج إلا عن الفرقى وظلم العذول=وقلوب تشكي لها وقلوب منك إشتكت
لو القصايد تقدم للقضايا حلول=ماكل ساعة نزف جرحك وعينك بكت
في سكة الوهم ماتلقى محطة وصول=كم ضيعت ناس قدامك وناس اهلكت
قبلك ترانا مشيناها طلوع ونزول=سقنا الركايب بدرب الجهل لين بركت
حتى وصلنا بعد مرت علينا الفصول=لنهاية الصيف وايام الخريف اوشكت
من هرجنا ويش مكسبنا بعد مانزول=ياما حكينا وياما الناس عنا حكت
والهرج من دون قال الله وقال الرسول=جسمٍ بلا روح لوإن العقول أدركت[/poem]

الأخ الأستاذ الشاعر

عبدالله الطلحي

بإختصار شديد

هذه القصيده أجمل قصيده مرت علي على الإطلاق

سأحاول حفظها . لأنها قصيده نادره نادره بكل ماتعنيه الكلمه من معنى

صح لسانك

تحياتي