{.. ذائــــقتـــي.. } ..!

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على درب القصيد الممتلي حسّ، وفكر، والهام=تمشا شاعرٍ لامن طرت له غربته يسها

تهزّه ذكرياته.. مثل ما اتهزّ الشجر لنسام=وتضيق عيونه بدمعاتها.. والصبر يحبسها

مضا حلم الطفوله.. بعد ما امضيت فـ رجاه اعوام=كنوز العمر ضيّع حظي العاثر نفايسها

وطويت شراع عزمي بعد هبّت عاصفة لالام=بسايسها.. وانا وش فيدي الا انّي أسايسها

خذيت دروس من كتب الحياة وجامعة الايام=دورسٍ ما خذتها اهل المدارس في مدارسها

عرفت انّ الأمل يرخي على وجيه الليال لثام=فياقلّ اللي يميّز بين ضاحكها وعابسها

وعرفت انّ الشجاعه رجعة القادر على الإقدام=لا بان الذلّ في وجه الفريسه.. شام فارسها

وعرفت انّ الفقر عذر الردي.. ولا الكرام كرام=يا وسع صدورها للضيف.. لو ضاقت مجالسها

وعرفت انّ النقي لا استغفلوه الناس ما ينلام=ما يفهم في حيالات الضعوف الاّ ممارسها

وعرفت انّ التنافس له تعاليم، وقيم، واحكام=لكارم ما ينسّيها مباديها تنافسها

وعرفت ان البشر لو تلبس الضافي من الهندام=بها عورات ماتقدر تغطيها ملابسها

وعرفت انّ الهوى كذبه.. واحاسيس الغرام أوهام=خرافاتٍ تزيّنها الشياطين بوساوسها

وعرفت ان كلّ نعمه لو تُقاس بنعمة الإسلام=تهون امام توحيد الإله بعين قايسها

وعرفت انّ القلوب المؤمنه لو تحصد الآثام=تجدّد مثل مجرى النهر.. ما شيّن يدنّسها

وعرفت انّ الدواير ما تدور الا على الظلام=غصون الظلم مايجني ثمرها غير غارسها

وعرفت انّ الشعوب ان كان طابت.. طابت الحكّام=مثل فعل المرايه.. تاخذ الصورة.. وتعكسها

وعرفت انّ الشعر .. مهما بلغ .. يبقى فكر والهام=ولا غير الفعايل ترفع الروس وتنكّسها[/poem]

مشعل الزعبي