مواقف (( خيالية )) .. !!

مرحبا يابو حمد


موضوع جميل جداً


نكبة (( الشبة )) .. !! :
- يوقفك أحدهم في الشارع .. ويناديك بغير اسمك ويتشبث فيك ويقول :
أنت وينك أهلك يدورونك من سنتين ويبكون عليك ويصر على انه يأخذك لهم ..
وش تسوي معه .. ؟؟



اذا هو فقري يابو حمد بقول غلطان ياخوي وإذا نشب قلت تعال ابيك ورى السياره واذا هو ولد نعمه ببكي الين ادوخ وبجلس على الرصيف واقول الدنيا صغيره صار لي فتره ادورهم وبروايه ابحث عنهم << حاط يده على جبهته و(يبكي ) واول شي افكر فيه لا جيت العائله الثرية ادور لي دكتور يشيلك انت وحامد البراق من ذاكرتي لو ادفع 20 مليوون ..



بخيل (( متذاكي )) .. !! :
- تقف عند محل وجبات سريعه ويلتفت لك أحدهم ويقول عطني 20 ريال سعر وجبتي ..
لأني بصراحة مامعي الا (( 500 )) ولاودي اصرفها .. بماذا ترد عليه .. ؟؟


اقول معك سلف 50 عشان يغسل يده .


سياحة خلف القضبان .. !! :
- تفوز برحلة سفر مجانية الى اوربا لمدة شهر على حساب شركة سياحيه ..
وعند وصولك هناك تقبض عليك الشرطة كمتهم في عمل ارهابي ..
وتودع في السجن وبعد نهاية الشهر يكتشفون انه تشابه اسماء .. ماذا ستفعل .. ؟؟


ماهيب اول الحظوظ الرديه .. لكن حسب الافلام سجونهم زينه اقل شي في سراير فالتوقيف ماهو مثل عندنا بحسب الروايات 10 متر في 10 متر وفيها 150 نفس الله يعيينهم لكن وخالقك لاجلس الشهر الاجازه .. في هالبلد لانشب للشركة لين يتوبون عن الجوائز ..


المتهم برئ حتى يقرط في عمامته .. !! :
- وأنت خارج من أحد الاسواق تتفاجأ بشخص معه رجال الشرطة يأشر عليك ..
ويقول هذا هو الحرامي أمسكوووه وسيارتك اقرب لك منهم .. تنحاش او توقف او عندك تصرف أخر .. ؟؟



لا بالله بجيهم واقول وش الموضوع وافهم واحل الموضوع ودي والا بالطرق النظاميه ..


وقفت على (( الأسم )) .. !! :
- بعد بحث مضني عن وظيفة تجد وظيفة على مؤهلك وتناسبك ..
وقبل تعميد التعيين .. يرفض المسئول بحجة أن (( اسمك )) الأول على اسم واحد مايحبه ..
ماذا تقول للمسئول .. ؟؟


يمكن اغير اسمي مثل خوينا مرزوق بحطه هيثم ..



حفلة (( القرد )) .. !! :

- تذهب الى محل الهدايا لشراء صندوق لدرع عملته كهدية ..
لشخص تحبة وتحترمه وتريد تقديمها له في حفل ترقيته ..
تختار صندوق مناسب ويغلفه صاحب المحل وتحضر للحفل وتقدم الصندوق وتهم بفتحه امام الحضور ..
وتتفاجأ عند فتحه بـ (( قرد )) صغير يقفز منه ويحوووووس الحفل ولاتجد الدرع .. كيف تتصرف .. ؟؟
عقبها شرهتك على اللي بيجي محل هدايا والا بيسوي برستيج واذا الموضوع يترقع رقعته واذا انها فاتت الشكوى لله لكن اعتقد برجع لصاحب المحل اشوف وش الموضوع يمكن يكون جايه بالغلط والا لعميل اخر وفيه عامل مرجوج وشال الهديه دون انه يدري..<< بيحسن الظن فالرجال ..




ابو حمد موضوع والله مميز وكثر لنا من هالنوعية من المواضيع ..



لك فائق احترامي وتقديري ...!!:Icon24: