(( طعات )) احرجت اصحابها .. !! 3

^
^
^
^



هههههههههههههههههههههههههههههههههههههههه

هذي السالفه اللي طيرتنا من (( الشبيلي )) عشان نلحق الصلاه .. !!
<-- ابدن (( الجراذي )) مالهن دور .. !!

^
^
^
^


ههههههههههههههههههههههههههههههههههه

هات (( اقطار )) الكرة الارضيه .. !!
<-- يبا ينكبه .. !!

,

طعه جديده وفررررررررررش


كنت مداوم ليل ومعي ثنين مع العيال
جت الساعه 1 فالليل ولا جانا المسؤول

قال خويي ياعيال انا بنام ماعاد اشوف .. طبعا النوم ممنوع عندنا وممكن تفصل بسببه
قلت نام وان شاء الله محد بجاي .. فرش 3 سجادات 2 بالطول ووحده بالعرض ونام
بعد ساعه تقريبا فتحت الباب ابطلع عندي شغل برا المكتب لين السوبرفايزر توه مطفي موتره وجاينا يمشي
وانا ارجع واصيح لخويي يافلالالالالالالالالان قم قم قم المسؤول وصل ..!!
ساع قام خويي لين المسؤول فاتح الباب
ويخويي يتدارك الموضوع يوم انه وقف وتحته سجاده الصلاه قال ( الله واكبر ) يعني انا تراني اصلي
انا ماعاد اشوف قدامي واطيح جمبه من الضحك
والسوبرفايزر مع دربي
قاله يافلان رح البيت توكل على الله
انت مجنون


ومن يومها لا شفت خويي مايطري علي الا ( الله واكبر )

مره من المرات وانا رايحن لـ الحلال في الدهناء مريت نقطه ام سدره
وخابر فيها واحد من الربع و الرجال ما اعرفه الا بأسمه من سوالف الشباب
انه تعين في نقطه التفتيش وهو ما يعرفني خير شر
الاكيد اني وقفت عند النقطه وناسي رخصتي واستمارتي في المحفظه فـ البيت
جاني جندي شايل لوحه الاسم
قال لأزم أحرر مخالفه
وبعد الجدل شوي
قلت يا ولد انا ولد عم فلان
قال تعرفه
قلت ايه
قال انا فلان

؟
؟
؟

لا عاد تسئلوني وش صار

المشاركة الأصلية كتبت بواسطة فارس بن مرداس

مره من المرات وانا رايحن لـ الحلال في الدهناء مريت نقطه ام سدره
وخابر فيها واحد من الربع و الرجال ما اعرفه الا بأسمه من سوالف الشباب
انه تعين في نقطه التفتيش وهو ما يعرفني خير شر
الاكيد اني وقفت عند النقطه وناسي رخصتي واستمارتي في المحفظه فـ البيت
جاني جندي شايل لوحه الاسم
قال لأزم أحرر مخالفه
وبعد الجدل شوي
قلت يا ولد انا ولد عم فلان
قال تعرفه
قلت ايه
قال انا فلان

؟
؟
؟

لا عاد تسئلوني وش صار

هههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه

ياشين الموقف شيناه

8
8
8

لو اخذ مخالفه كان اشوى

^
^

اشوى بقوه

هذي طعه صارت قبل سنتين يمكن
كان عندنا مناسبه وعزمت اثنين من اخوياي وجا معهم واحد دايم انسى اسمه على اني مقابله فوق عشر مرات بس مشكلتي ما احفظ الاسماء ،
المهم قلطوا الريجيل وبالعاده نعرف بالاجناب وعاد انا عرفت بالاول واعرف بالثاني بكل صوتي في المجلس ويوم جاء الثالث وانا اسكت اتذكر فوق دقيقه ويوم فقدت الامل اني اذكره وانا التفت يم باب المجلس وانادي يافلان القهوووووووه وعلى وجهي ماشافوني الا بعد العشا

ههههههههه


ياكثر الطعات لكن شي يفرق عن شي ,,,


مره من المرات عزمنا واحد من الربع على غدا وجيت مقبل علاهم وهم فالمجلس الا واسمع صوت الضيف

يسولف وصوته ماهو غريب علي وودي اعرفه قبل ادخل علاهم ,, واقول ( هذا من هذا من ؟؟) المهم قمت افكر واستعيد الذاكره

وفكري مشغول بهالصوت منهو صوته ,, ويوم دخلت ألياني اشوفه في صدر المجلس , وابا اقول سلام

عليكم , قلت سليمااااااااااااااااااااان بصوووووووت عاااااااااااالي :sniper56: والرجال يربع لياه

واقف يحسب ان فيه مشكله (( لانه هو حار ورجال عجل الله يذكره بالخير )) ,,, المهم والله اني مت محلي

مدري وش اسوي,,,,, واسلم علااه وهو يعاين في مايدري انا وش مصيبتي

موقف ما انساه وانا حي :sniper56::sniper56:

^
^
ههههههههههههههههههههههههههههههه

الاسبوع اللي فات طالع لنياق ولد عمي في روضة التنهاه وكنت معاهد نفسي اني اكون تكانه
المهم لقيت عنده غداء وانا كنت شبه مواصل واجي والريجيل متجمعين وفيه واحد من عيال عمي
اذا ضحك ماعاد يسكت المهم سلمت وجلست ويبدا موال كيف الحال وشلونك وشلون فلان وينقز واحد
ويقول لاتعبت ومن هالكلام ، عاد روضة التنهاه ماغير 200 كيلو وانا متجهد بوضح له ان مافيه مسافه ولاتعب ، قلت بكل صوتي لاندمت يابو فلان وابي اقول المشوار شيءً هين قلت المشوار ( هين شين )
وولد عمي يدق سلف ضحك وانا اطلع جوالي واقعد لعب لعبة التوتر هههههه << معطيه اللعبه طبيب نفسي هههههه

ابو حمد


موضوع جميل ورايق..



والطعات واجد لكن والله اني ماتذكر منها شي الان ..



لي عوده باذن الله..



لك فائق احترامي وتقديري ...!!

^
^
ابو جميل
عطنا سالفتك مع عبدالله المقبل ههههههه

هلا يابو محمد


ههههههههههههههههه الله يذكره بالخير


هذي من الطعات اللي طلع من وراها فايده

طبعاً عبدالله المقبل وكيل وزارة التربية والتعليم للشؤون المدرسية السابق تقاعد قبل كم شهر كان رجل متحفظ مع الاعلاميين بشكل مخيف وهو مايكره الفلاشات ولكن تبي منه تصريح في ذيك الفتره (انسى) المهم كنت في الوزارة في مبنى المعارف السابق وكل ماجيت بدخل قال سكرتيره عنده اجتماع اندبلت كبدي عقب ساعه ومشيت واروح لتعليم البنات من مبنى الوزارة لشؤون البنين قبل توحيده الان المهم وادق على راشد الغياض مدير شؤون المعلمات قلت يابو عبدالله الموضوع كذا وضروري محتاجين قال لاتجيني انا عندي اجتماع قلت مامنك فكه المهم الرجال قال شر لابد منه قلت الله الله قال : تعال لي مع باب مكتبي الخلفي المراجعين مالين صالة المكتب وانا معتذر عن لقائهم .. هو يقاله بيحسسني انه مزحوم يحسب بعذره المهم نشبت للرجال وجيته واسأله عن المووضوع اللي انا جاي له بنشره في الصحيفة قال هذي مقدر اصرح فيها لكن هي صار عليها كذا وكذا ولايجي شي على بالي ولا يقدر يصرح فيها الا المقبل وانت تعرفه ماهوب متكلم ..
المهم واتقهوى عنده وياذن الظهر وننزل نصلي واستاذن بطلع المهم يوم وصلت مواقف السيارات الا اشوف المقبل جاي يداوم في مكتبه الثاني وارجع ابي اخذ التصريح على لسانه ويواجهني واحد اعرفه واجلس اسولف المهم واجي وادخل عليه لا مايبي الا فرقاي قلت بالعربي الموضوع صاير عليه كذاكذا اعطيه المعلومات كلها واقدر انزله باكد مصدر مسؤول وانا متاكد مليون بالميه من المعلومات بس ابيك انت تصرح بأسمك افضل وانا ترى مرسلني عليك فلان صاحبني المذكور اعلاه قال متى ارسلك قلت توي جاي من عنده قال يافلان وينادي راشد اثره في المختصر ويوم جاء انا اجلس اضحك انحرجت منه وهو يجلس يضحك وتالي يصير لو يكح يعلمني ويصرح لي انا عدد من الزملاء ,, ونعدي عليه ويعفونه من منصبه عقب كم سنه

موضوع راااااايق جداً ولا (غرو) في ذلك دام ابو حمد صاحبه

الطعة : مره وانا تقريباً ابو تسع او عشر سنين وفي صلاة الفجر .. من يوم قال الإمام الله اكبر وانا نايم ولا اصحى الا اذا قال الله اكبر .. سمع الله لمن حمده ، المهم يوم جلسوا للتشهد الأخير غفيت واسمع اصواتهم قلت شكل الصلاة خلصت واسلّم واطلع ويوم وصلت عند الباب الا الامام يقول السلام عليكم ورحمة الله .. السلام عليكم ورحمة الله .. اثرهم يقرون التشهد ، واصحصح واقرط في ثوبي وانحاش ههههههههههههههه

,

ههههههههههههههههههههههههههه

متابعين لـــ(طعات الشباب)

والله عندي (طعات) لكن غير صالحه للنشر . . .

موضوع رائع ,

يعطيك العافيه على الأفكار والمواضيع الراقيه يا ابو حمد , , ,

محبتي ,

,

المشاركة الأصلية كتبت بواسطة محمد بن رشيد

ههههههههه


ياكثر الطعات لكن شي يفرق عن شي ,,,


مره من المرات عزمنا واحد من الربع على غدا وجيت مقبل علاهم وهم فالمجلس الا واسمع صوت الضيف

يسولف وصوته ماهو غريب علي وودي اعرفه قبل ادخل علاهم ,, واقول ( هذا من هذا من ؟؟) المهم قمت افكر واستعيد الذاكره

وفكري مشغول بهالصوت منهو صوته ,, ويوم دخلت ألياني اشوفه في صدر المجلس , وابا اقول سلام

عليكم , قلت سليمااااااااااااااااااااان بصوووووووت عاااااااااااالي :sniper56: والرجال يربع لياه

واقف يحسب ان فيه مشكله (( لانه هو حار ورجال عجل الله يذكره بالخير )) ,,, المهم والله اني مت محلي

مدري وش اسوي,,,,, واسلم علااه وهو يعاين في مايدري انا وش مصيبتي

موقف ما انساه وانا حي :sniper56::sniper56:

ههههههههههههههههههههههههههه
هههههههههههههههههههههههههه

وربي مووقف اليم

[align=right]

<جايب دلته ومتكي في الموضوع
.[].

[/align]

المشاركة الأصلية كتبت بواسطة بندر العطاوي

[align=right]

<جايب دلته ومتكي في الموضوع
.[].

[/align]

ههههههههههههههههههههههههههههههههههههههه

ومتى بيجيب (( طعته )) .. ؟؟
<-- كنه روووع بندر وانتثرت الدله .. !!

[align=right]

8

والله اني مرتاع صدق من طعاتكم:Icon29:
ثم
والله ثانيه اني عقب قريت طعاتكم
شفت ان طعاتي طعات خكري.. (لذا) خلها تستتر أحسن



.[].

[/align]

استلموا

وانا في المتوسط ماكان في الحاره مسجد

ماغير (( بورتبل )) وايام الصيف نصلي المغرب والعشاء برا بدون " مكرفون "

وفيه مسجد بعيد شوي لكن من قوه المكرفون كنه عندنا

المهم مره وحنا فالتشهد الاخير انا خاش جو مع المسجد البعيد (( الامام ماشاء الله على صوته .. ماودك يسكت ))

يوم قال (( ولا الضالين )) وانا جيك مطفي النووور " آمييييييييييييييييين "

ولا سمعت الا اللي جنبي يوم كر الضحكه ويسلم الامام الله لايوريكم

اللي فالمسجد كلهم يطالعون في وانا اسبح كن مانيب يم احد .. لكن على مين

المشاركة الأصلية كتبت بواسطة عبدالرحمن حمد العتيبي

^
^
^



أنت بالذات لاتأخر .. !!
<-- خابر ان الكوارث حوله واجد .. !!

ياسر فيها شي لو قلت (( أحبك )) .. ياخي أحببببببببببببببببببببببك .. !!

إنتا أؤلها بس

:in love:

يا كثر الطّعات يا بو حمد

خلني ارتبها و ياااااي ولد عمي

الحياه نصفها ( طعات )

في المدرسة : واحد من الزملاء يبغى يسأل عن النقل الداخلي متى ؟؟
فداخل علينا في المكتب ويسأل بحماس متى ( الدخل الناقلي ) ياشباب

عاد شف الردود .....