قصائد موجعة

أخي=بندر العطاوي

مصيبة لاتردّت قيمتك فـي عيـن مـن قيّمـت
يشوفك بالسهل وأنته تشوفه بالسما السامي

ابن جدلان لحاله

ونص فاخر..ماادري وش بتسوون فيه بقسم الثقافه..لكن ماحبيت اطلع بدون مااعطيه حقه

صح لسانه مليون
وصحت ذائقتك الفاخره

لاهنت

سعدت بمرورك ....وأعتذر للجميع على ترتيب الأبيات ،ثقة فيمن طبعها ...لكن وجدت بعد قراءة النص أن هناك أبيات تقدمت على أبيات ،خاصة في نهاية النص ،وهذا تخريب في بناء قائم .
شكرا للجميع

ألا يالله ياللي تحـت هيبـة سلطنتـك أسلمـت
لك المسلم يسبّح لك بحمـدك وإلـك الإسلامـي
أحمدك ؛ وأشكرك ؛ وأثني عليك بما علي أنعمت
وزدني في وفا برّ العشير ووصـل الأرحامـي
ولجك الفجر ياليل الذهول اللي علـي أظلمـت
بعرضك واقع الماضي عليّه عـرض الأفلامـي
وولهتك يالنديم اللي على صافي وفاك أضرمـت
بصفحة ذكريات العام واللي مـن ورى العامـي
عطتني عزلة إخلاصي معك نسيان من نادمـت
كتبتك وإنطوت صحفي عليك وجفـت أقلامـي
بعد تقرير مشوار التجارب نجّحـك وأجزمـت
بأن السيف سيفي والعصـا والمحـزم حزامـي
أباهي ؛ لا أبالي ؛ وأتبيسـط كـل مـا قدّمـت
أشـب النـار قـدام العـرب وأشيـد خيامـي
نهاري : حرّ شمسه ؛يستحي منها لسان الشمت
وليلي ترجم نجومـه ملامـة كـل مـن لامـي
على ضو الكلام اللي كشف عنّا ستار الصمـت
وعرفت إن به وجيه باليمن ووجيـه بالشامـي
أحسب إنك تيمم باتجاهـي ويـن مـا يمّمـت
أثر لا أنته ورايه بالطريـق ولا أنـت قدامـي
وكثر ماحنّ صدري للونيس وكثـر مادرهمـت
فجر صدري حنيني وأتعـب الأقـدام درهامـي
مصيبة لاتردّت قيمتك فـي عيـن مـن قيّمـت
يشوفك بالسهل وأنته تشوفـه بالسمـا السامـي
مادام إن جانبي شام لجنابك وأنت عني شمـت
كثر خيرك ؛ وأنا لانيب لاجايـع ولا ضامـي
أشوف إنه علـي واجب؛إليـا مرّيتكـم سلمـت
مرور كرام تربطها الكرامـه عنـد اللإكرامـي
على شان الخفوق اللي على عرشه قعدت وقمت
وحجب عنك الدجا لين اشرقت لك بيض الأيامي
ختام السالفة ياطيب العشـرة كرمـت ودمـت
هذا حقك علي وحق شرهاتـي علـى أوهامـي
مصير الوقت يشرح لك ظروفه لاغفلت ونمـت
يصحيك الزمان اللي يصحي كـل مـن نامـي
وتذكرني ليا منها ضاعت أوهامـك بمـن وهمـت
وعرفت الفرق في حب الخشوم وحب الأقدامـي