انا وابن خربوش ومقحم دحيم

السلام على الجميع

ارسلت قصيدة الى الشاعر محمد خربوش العضياني

وجارانا الشاعر الكبير مقحم دحيم الغنامي

ماجد النصيف

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الي هواها ساكن(ن) في الشرايين.......ومن دونها جاء كم حاسد وغابط
صادفتها في السوق عقب اربع سنين.......معها وليد(ن)لابس(ن) لبس ضابط
وساعت تواجهنا وجت العين في العين......قامت عرقتي يابونايف تخابط
واخذتلي ساعات مدري انا .......ياسكري هابط او الضغط هابط
وراحت وراحوا كل من في الدكاكين......وانا ادرج في السوق كني مرابط

[/poem]

محمد بن خربوش

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

حي الذي من عام خمسه وعشرين......ادور بيوته على كل رابط
يسوق له وضح سهاف مزايين......وغيره ما معه من المغاتير خابط
قصايده تبهج صدور الميامين......يومن في الاعلام خابط ولابط
لكن يانسل الرجال المسمين......لارحت يم السوق بعدين هابط
صد النظر كله عن الزين والشين.....كم واحد(ن)ناظر وعود يخابط
ان اما حصل من نظرة العين ثنتين.....تواصل(ن)دايم وحب وترابط
باق الامور اوهام وامال بعدين......بوضع(ن)فـ مل يضبط ولاهوب ضابط

[/poem]

مقحم دحيم:

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ان جاء مجال الشعر شعار ياثنين....منكم جزيلات المثايل تنابط
ابياتكم تمشي على العسر واللين.....حصن(ن)على نظم القوافي تعابط
بغيت اجاريكم ليا العلم علمين.....لكن احس الوضع ماهوب زابط
من الهوى ماجد طوى حاله البين.....ويراوده من نوع الاحباط حابط
يروح يم السوق بين الصلاتين....تلقاه في حيد الزوايا ملابط
مايوقفه عن شوفهن سور برلين.......ولولا رجال الدين حصل المشابط
يبي يحوس الناس حوست فلسطين......يامحمد اشرح له اسلوب المضابط
ولا انصحوا ماجد يلازم هل الدين......وللدين يامحمد شروط وضوابط

[/poem]