استفسار إن امكن ذلك..

اسمع خلال هذين اليومين و بكثره .. عن موقعين يتداولهما الناس
و يتادولون أخباره ..

الموقعين هما :

تويتر

و

وِت وِت


و الحقيقه اتمنى ان يفيدنا احد المهتمين بالمواقع عن شخصية هذين الموقعين و ما هي انشطتهما..

و لماذا هما اصبحا حديثا المجالس و الناس..


لمن لديه معلومه كامله اتمنى اسعافنا بها مع التفصيل الممل...


تحياتي للجميع

والله ودي افيدك يابو مهنا مير الموضوع طلع من ايدي

بدو وحده من السعيّره وجاي <<<<< وش ملقفّك ياناااه


ماغير ابى امزح يالغالي وانتظر اهل الخبره



سلام

يارجال , قريب من الفيس بوك ,

التويتر يستخدم للتدوين , و التواصل مع اصدقائك , يمكنك من خلاله إرسال رسائل قصيره لـ أصدقائك ,

وهذا تعريف له من ويكيبيديا ,

تويتر (بالإنجليزية: Twitter‏) هو موقع شبكات اجتماعية يقدم خدمة تدوين مصغر والتي تسمح لمستخدميه بإرسال تحديثات Tweets عن حالتهم بحد أقصى 140 حرف للرسالة الواحدة. وذلك مباشرة عن طريق موقع تويتر أو عن طريق إرسال رسالة نصية قصيرة SMS أو برامج المحادثة الفورية أو التطبيقات التي يقدمها المطورون مثل الفيس بوك و TwitBird و Twitterrific و Twhirl و twitterfox.


<<-- لي عضويه فيه لاكن للأسف , مالي أي تواصل فيه ,

وأنشد أبوسعيد ههههههههههههه
الـ وت وت نسخة قريبه منه لاكن عربيه ,

وأسبانيا , ضائعه , سويسرا 1

,’

إضآفة لرد اخوي "مصلح" رغم اني مآهتم بالموآقع لكن بعد سؤال "قوقل" يقول:

"تويتر" هو موقع للتدوين المُصغر يعني تكتب كل صغيرة وكبيرة تقوم بعملها يومياً.
وتقدر تضع فيه رآبط لموضوع أعجبك أو تسال سؤال أو تصف حآلتك مثلاً لو ذهبت للمقهى، تكتب أنك ذآهب للمقهى الآن. لو ذهبت للمطعم تكتب أنك ذآهب للمطعم الآن.
لو خرجت للعشاء تكتب ذلك. وقبل أن تذهب للنوم تكتب ذلك ليعرف أصحابك ماذا تفعل الآن
وبإمكانك وضع تصويت او رفع فيديو أو صورة وتقوم بمشآركته طبعا الكل يستطيع مشآهدة صفحتك الشخصية إذا انت لم تقم بمنع ذلك
حيث لايستطيع أحد مشآهدة صفحتك إلا بعد مصآدقتك وقبول صدآقته
لأنه في حال لم تضع الحماية سيتسنى للجميع متابعتك دون إذن منك طبعا أنت
ويوجد موقع عربي جديد يقدم الخدمة نفسها، واسم "وت وت" تآبع لشركة الأتصآلآت "زين"

ابو مهنا خلني انا اشرح لك حسب عرفي ومعرفتي وبما اني احد مستخدمين هالتويتر

من اول العالم ما كانت تعرف غير المنتديات والا الشات ، وطلع بعدها المدونات والمواقع الاخبارية الالكترونية

وبعدهم طلع جيل يسمى جيل ( الشبكات الاجتماعيه ) وهي المواقع الي تخليك تقدر تتواصل باخبارك مع اصدقائك ومعجبينك او حتى مع الناس الي ما تعرفهم من هالمواقع الي تسوي هالخدمة المواقع التاليه :

1- الفيس بوك < < شاغل الدنيا ومالئ الناس وهذا تقدر تتشارك فيه بالصور والكلام والفيديو وغيره
2- تويتر << ابي اجيك بشرحه تحت
3- نت لوق << مثل الفيس بوك
4- فورمسبرينق << موقع يخلي العالم يسألونك وانت لك حرية الاجابة او حذف السؤال وبعطيك صفحتي عشان توضح الفكرة
http://www.formspring.me/Fai9al

طبعا المواقع الي على هالشاكله واجد وكل شوي وطالع لك موقع يا عربي يا اجنبي والعالم طايحه فيها من الفضاوة ^_^


لكن انت تبي ( تويتر و وت وت ) الاثنين مثل بعض لكن واحد اجنبي والثاني عربي يحوي نفس الفكرة
فكرتها باختصار انك تسوي لك حساب وتبدأ تنشر اخبارك للي معك او للي تبيهم يعرفون اخبارك
او تقدر تنشر اي اخبار ثانية مو شرط تكون اخبار شخصية على شاكلة ( متى صحيت ، وين رحت ، وش اكلت )!
يعني فيه بعض الشركات الكبرى عندها صفحات مثل موبايلي - تويوتا - جوزيف بلاتر - فيفا -قوقل - بيل غيتس - فيصل الجعيد

يعني ممكن تسوي لك انت حساب ولا تكتب فيه شي اللهم انك تتابع بعض الاشخاص الي انت تهتم لأخبارهم او تستفيد من الاشياء الي يكتبونها لأن بعضها تافه وبعضها مفيد

ها عاد احس اني طولت لكن اتمنى اكون افدتك ولو بشيء يسير

لو ما لقيت الربع مجاوبينك جاوبتك << ايقون ابو غمره



تقديري

بندر.. رجاءً لا تزاحمني في مواضيعي اذا كان ما عندك سالفه


مصلح بن نميان.. ما قصرت على قل الكلافه.. لكن هذا قريته انا في قوقل بس ما فهمت الصوره بالضبط..


ريمانا.. ما قصرتي على البحث و الجهد اللي قمتي به.. و انا عملت نفس الشئ قبل احط موضوعي
و حصلت اجابتك اعلاه عند عمنا قوقل.. لكن ما فهمت وش المقصود بالضبط..


فيصل الجعيد.. عز الله ما قصرت في توضيح الصوره خاصه بعد ان وضعت صفحتك لتكون مثال
عما ابحث عنه و اسأل عنه... صراحه التويتر و الوت وت ما يستحقون الهاله اللي تتحدث بها
الناس عنهما.. طلعت لا شئ .. على الأقل في رأيي انا .. << راي بدوي لا يمكن يتطور


عيسى الشاطري.. زين انهم سبقوك ... و الا كان يمديني ضعت الضيعه اللي ما وراها رجعه


الف مليون شكر لكم جميعاً.. و الله يعطيكم العافيه مودمي مودمي..


اخوكم..

وصلت ألاجابه ولا باقي اذا باقي شي راح اعلمك

بصراحه ماقصرو اتوقع عطوك ألاجابه الكافيه


ودي وتقديريِ

مرحبا يا ابن سبهان..

لا وصلت الصوره .. و ليتها ما وصلت..

ما تحمل من ينزل عنها موضوع و يسأل و يزعج البشريه..


و اللي عندك محفوظ لين نعتازه..

تحياتي لك

اخوكم