الحفلة اللي دعاني طيب راعيها

الاعزاء في المرقاب ،،،


قصيدة القيتها في حفل زواج الأخ/ نواف بن نويّر الشيباني

اتشرف بوضعها أمامكم .. وأن كان من تقصير ... يشفع لها مقام من قيلة فيه


صلوا على رسول الله ...



[poem=font="Simplified Arabic,5,darkblue,bold,normal" bkcolor="transparent" bkimage="" border="double,4,darkred" type=1 line=0 align=center use=ex num="0,black""]
الحفلة اللي دعاني طيب راعيها = من قبل لا تاصل الدعوه ومرسوله
حقّن علي اجتهد فيها والبيها = وأعذاري لمثلها ماهيب مقبوله
يمناي لمصافح أهل الطيب أبديها = لكن عن غيرهم للعنق مغلوله
واعرف دروب النقا والعز وامشيها = وعن الطريق الردي رجلاي مشلوله
حضّرت من نقوة افكاري وغاليها = فرايدن صغتها ماهيب منقوله
منقية من بنات الفكر ناقيها = من فاخر الشعر منقية ومسموله
تشبه لشعلن (ولد صمدان) قانيها = في ساحة العرض فازت بأول الجوله
هدية فاخره والطيب كاسيها = لعلها تستحق المدح وتنوله
وحضرت اشارك بني عمي واهنيها = في حفل من ساروا الركبان بفعوله
اللي فعوله تعدت ماقدر احصيها = على المعالي تجره طيب اصوله
شرف حروف القصيده يوم نلقيها = وتاج الفخر لابسه والناس شهدو له
سلايل اللي جزال المدح زاهيها = قمة جبل شامخه للطيب مجبوله
من روس قوم بعيدات هقاويها = وثايق للعرب ماهيب مجهوله
تاريخهم فاول الدنيا وتاليها = سيرة ملاحم شرف وانجاز وبطوله
وتاريخ نجد المسمى ما يخليها = يسجل الاد مشيب في أول فصوله
شمس الحقيقه محد يقدر يخفيها = والزور عينه بكحل الصدق مكحوله
ركن من عتيبه الهيلا نسميها = ماهيب عن باقي اللابه بمعزوله
قبيلة طيبها من عند واليها = قولوا لمن يجهل التاريخ قولو له [/poem]



وسلامتكم

كفو ونعم بلاشك

عبدالعزيز
صح لسانك ونص رائع ومنبري جميل
مودتي لك .

أرحب طال عمرك



والله لايهيينك



صح لسانك




وعساك سالم

يا سلامي عليك يا عبد العزيز

صح لسانك مدد والله ولاهنت

عليه افضل الصلاة والسلام


ونعم بكل طيب الله لا يهينك وصح لسانك

المشاركة الأصلية كتبت بواسطة عبدالرحمن السمين

كفو ونعم بلاشك

عبدالعزيز
صح لسانك ونص رائع ومنبري جميل
مودتي لك .

ما عليك زود يالسمين


وصح بدنك ولا هنت على مرورك



كل التقدير

عليه افضل الصلاة والسلام


ونعم بكل طيب الله لا يهينك وصح لسانك

المشاركة الأصلية كتبت بواسطة عبدالله ماجد بن سنيد

أرحب طال عمرك



والله لايهيينك



صح لسانك




وعساك سالم

مرحبا ياعبدالله



صح بدنك والله لايهينك


كل التقدير

صح لسانك يا عبدالعزيز // ويستاهل النعم ابن نوير،،


محبتي .....

،’
عبدالعزيز

كفو ويستاهل المدح من يفعل الطيب
صح لسانك ، قصيدة يقصر الحكي من دونها

تح ـياتي

المشاركة الأصلية كتبت بواسطة سلطان العطاوي

يا سلامي عليك يا عبد العزيز

صح لسانك مدد والله ولاهنت

مرحبا ياسلطان


مجرد مرورك هو تكريم


لا هنت والله وصح بدنك يالذيب


كل التقدير

ابو مشعل


وجودك بحد ذاته شرفنا كثيرا



ولا عليك زود في ماقلت يالغالي




نشمي ورفيق جنب

المشاركة الأصلية كتبت بواسطة بدر ناصر العجمي

عليه افضل الصلاة والسلام


ونعم بكل طيب الله لا يهينك وصح لسانك

نعم حالك يابدر


صح بدنك ولا هنت



كل التقدير

عبدالعزيز الدلبحي

قصيده جميله لها مناسبتها الخاصة

وقد ابدعت فيها و عبرت من خلالها عن شاعريتك الفذه

تحياتي لك