( * امّا قبل * ) !

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]

ليه قلبي ماقدر ينسى غلاك = ليه .. وانتي عن عيوني مبعده ؟
ليه كل اللي قرب مني سواك = ينجرح قلبه .. ولاتسلم يده
جاوبي شخص ٍ عن الناس اصطفاك = لين صرتي حلم عمره .. وبلده
ليه ماخانك .. ولا مل ّ ونساك = ليه مع طيفك تعيش الاورده ؟
اشهد ان اللي حرم غيرك عطاك = شي ٍ اتعب كل رجال افقده ![/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
صوتك عجيب ونبرته مالها حل = تطرب لها اسماعي..وتنصت ضلوعي
ما زاد منك بداعي الشوق مادل ّ = وماقل من غيرك يكفي سموعي[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]


من علمك كيف تسرق خاطر انسان = نسى .. يعلمك كيف تعيد روحه
لاوّجه ( الوقت ) احاسيسه لـ .. نسيان = ولا اقنع ( الصبر ) شئ ٍ من جروحه !
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
غلاك مايحتاج في الواقع دليل = شعري تحدث به وصوتي به جهر
لو كنت تتأمل بفكرك كل ليل = ادركت مايدفع عيوني للسهر
لولاك ماحاولت اطول المستحيل = ولا.. تعبت وراحتي كانت مهر
ولا .. وسمت الشوق بالصبر الجميل = ولا..ظمت روحي ..وقدامي نهر[/poem]

..


[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
اهدار دم اهل القنوات الفضائيه حرام = وشلون يقتل من ينادي بالرذيله والفجور?
مايكفي ان ابداعهم بالذات في شهر الصيام = يدعو لـ تنصير القلوب من السحور الى الفطور!
القتل وحده باب للرحمه .. وتأكيد احترام = ولا يطفيّ شي من غيظ الجوارح ..والصدور[/poem]

..


[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
لاتعتبر مافعلته موقف انساني = الحزن مايستحي .. والناس لمّاحه
خذ خصلة الصبر .. واحفظها من لساني = لو دمعة العين في محجرك فضّاحه
حاول تشوف التعب من وجهه الثاني = لولا التعب ماشعرت بقيمة الرّاحه[/poem]

..


[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
اشتقت لك يالسكر الحالي .. والشوق في حالي = من وين ماوجهّت له بيّن .. رغم الجفا بيّن
نار اشتياقي مالها تالي .. لكن من تالي = اجتاحت القاسي مع الليّن .. واااخصرك الليّن
العام كنت بوضعك الحالي .. لشخصي لحالي = واليوم كن البعد متحيّن .. ويقول مت حياً
لاواهني الخاطر السالي .. واديه ماسالي = لو عاش متغربل ومتديّن .. يموت متديّن
في غيبتك غصن الغلا مالي .. من يحيي آمالي = اغصان غيرك عنك مافيّن .. طالن ولافيّن
ماعاد بارض العشق ماطى لي .. والوصل ماطالي = والخاطر اللي يرفض الهيّن .. ماقلت له هيّن[/poem]

..

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]


غرد لحالك بالغلا خارج السرب = وامراً .. لافضلاً لاتكرر سؤالك
سبق وقلت لحضرة احساسك الذرب = المبتدى والمنتهى في الغلا لك
يفعل غيابك .. مثلما تفعل الحرب = لاصبر .. لا اطمئنان .. لاغيرذلك[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]


ياخوفي ان الزمن غيّر مفاهيمك = وادخلك بعد انتصاف العمر في كمه
امست مغاتيرك بذمة .. مجاهيمك = واصبحت ماعاد تلقى شي للذمه[/poem]

..


[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
كيف اقتل الشوق في صدري وكيف الخلاص = من هيبة الذكريات الماثلة في الشعور
ماعاد للنفس عن درب المواجه .. مناص = تعبت من كثر ما اترجم غيابك حضور !
امّا اني ارتاح وآخذ في الجروح القصاص = والاّ اني اودع الراحه بقلب ٍ جسور

[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
ياليل لو ماثمنت روحي جمايلك وعطاك = ماكان من بدري تقاسمنا البساط الاحمدي

ياليل يوم ابدي عليك اسرار قلبي من غلاك = لاتنتحي عني وتتركني للامر بمفردي

انت الوحيد اللي له الحق يتمتع بأنتهاك = ماطاب له من زاكي آلامي .. ومن فيض جهدي

معك اقتل شعور الخجل .. واغتال عمر الارتباك = واجرّ صوتي لين احرر كل قيد ٍ في يدي

الله عطاني من مفاتيح الكلم .. والله عطاك = رحابة ٍ تملا مقام سهيل في عين الجدي

على جبينك كل ليله ودّي افض اشتباك = جوارح ٍ بالوجد تمشي بي .. وبالهم تعدي

مالي ملاذ امرر اوجاعي على متنه سواك = وانت اجودي .. لكن ضيق النفس ماهوب اجودي

يضفي علي من العنا مايملك الحال امتلاك = في حينها بدءاً بروحي .. وانتهاءً بجسدي

اصبحت مابين التعب والضيق كني غصن راك = اقلّ شي يبيّن اوراقي .. ويخلف مقصدي

لله ياقلب ٍ كثر ما اعطيت من صدق اعتراك = جرح تهادى بك على درب الغياب السرمدي

في ظل عاتية الرياح .. الصبر مايقوى الحراك = والعين عيّا دمعها للحزن الامثل يهتدي

مافيه شي ٍ يجعل الانسان عرضه للهلاك = الا الشجاع ليا استطاع ..وخانه الحظ الردي[/poem]

[aldl]http://www.mlame7.com/vb/images/smilies/14.gif[/aldl]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
ياوازع الحزن لاتطرق للاحساس باب = اتركني اواجه اقداري بعذر ٍ سمين

لاتدفع الروح في لحظة غضب لارتكاب = ما يجعل الخوف يملا مقبلات السنين

تعبت من غلظة الواقع وصوت العذاب = مامل ّ ميسوره الاسماع في كل حين

مدري لاني توقيّت الخطا .. بالصواب = ولا لاني عن الشك .. اعتليت اليقين

لا الوصل يقدر ينسيني حديث الغياب= ولا اجمل الصبر يقتاد المعاليق لين

القى لقيمة سؤالي عند غيري جواب = يعطيني الحق في بيع اعذب الصمت دين

غريب واحاول اكسر حاجز الاغتراب = في كل مايدحم الواقع بجمب ٍ متين

عن ساير الركب من بدري عقلت الركاب = واخترت بعد النظر مذهب .. والاخلاص دين

وش ذنبي ان طالت آمالي حدود السحاب = او فكري اناخ رحله في ذرى الفرقدين

ياما على قسوة ايامي بسطت الجناب = وياما على الجرح مررت احترامي بلين

حتى اصدق ظنوني الي طاح دوني وخاب = ادليت له دلو ماء .. ما ادليت له دلو طين

ياوازع الحزن خذ مالذّ لأمرك وطاب = الله على ماامتلكت من المشاعر يعين

لوان في النفس حيل ومتّسع للعتاب = صنعت للعذر وجه .. وللمشاريه عين

صعب اني اظما واشوف الماء وريث السراب= والاصعب ارضي غروري في كلا الحالتين[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
طرفّ الليل بإحساسي وطوّل وقوفي = لا قدرت استريح .. ولا قدرت اتعنّا
آه يوم اذكر اني كل ما ابديت خوفي = قلتي انّا بخير .. ولا على الغير منّا
طيّب ليا سمح وقتك مع الوقت شوفي = كيف صرنا وحنا قبلها كيف كنّا ![/poem]

حينما اراك ..
اشعر بأن الكون بأسره بين يديّ
وعندما اقرأ تفاصيلك .. المح في كل قراءة ٍ نورٌ يُنير آفاقي ,
صوتك وملامحك ..لهما مفعول السحر .. ومشاعرك سحرٌ من نوع ٍ آخر
لك ِ ..تغدق مشاعري اطهر الحب ,
وبك ِ ..يعشقُ قلبي الموسوم بحُبك .. تراتيل الحياة ,
كل لحظة ٍ .. يُأطِرُني بها .. شعورك / حرصك ..
ترتسم ُ فصول ٌ من الخجل على محياي
ذات يوم اقسمت ُ على ان تكون ِ مولاتي حُبا ً..
وكنت ُ باراً بأيماني لك ِ اينما تجافا جنباي ,
احُبك في عتابك .. وأُحِب حبك ِ ..
وأُحب غيرتك المحفوفة ُ بوابل ٍ من عشق ,
كل ُ شئ ٍ منك اراه ُ بعين الرضا ..
ولو اثقل كاهلي جنونك ,
وكم أعشق سبرك لاغواري ..
حينما يعتلي اوداجي الغضب ,
يا آسرتي بأغلال ٍ من الاحتواء ,

أُحِبُك !

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
وراك تعطيني امل وصل وتغيب = وانا منول في وصالك مأيّس
يممّت راسي للغلا واشتعل شيب = كبوة جواد .. وسوء تقدير كيّس[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
ارجوك لاتسأل عن آخر قصيدي = سؤالك ان حرّك قريحه .. كسر قلب
انا تعبت من الغرام .. وجديدي = ماعاد لي قلب ٍ بعد صاحبي صلب
عرفت بعد اللي حصل في وريدي = ان الغلا ملعون .. والحب ابن كلب[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
ليت الايام عنك بغيبها علمتني = قبل لااعشقك صوت .. وقبل لااعشقك صوره
كان ماسمّت جروحي علي وآلمتني = واعتنقت الغياب .. الاّ لوقت الضروره[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]


تقهقري يادموع العين منسحبه = لاتفضحين الجروح اللي ورى بالي
لو كل جرح ٍ سكن في الروح اصرح به = من يضمن اني بصك حلوق عذالي
مناكب الارض رحبه .. والسماء رحبه = وانا اعلم الناس عن حالي .. وفي حالي[/poem]

..






..




[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
الشوق لو ياقف بحيله على طوله = يمديه من غيبتك ياصاحبي واقف ![/poem]

( الاهداء .. لعبدالرحمن بن حمد )
/
وصفوا الحُب َ
وأغرقوه بالشعر ,
قالوا :- عن أثره ..
وحكوا عن تأثيره ,
البسوه ثياب ٌ من خام ِ مشاعرهم ,
وصفوا .. لذّة الفوز به !
و مرارة ..الحرمان .. منه ,
تحدثوا عن كل شئ ٍ عنه !
لكنهم .. حتى هذه اللـحظه
لم يجدوا .. تبريرا ً واحد ً لتشكُله ٍ في قلوبنا
( دون سابق انذار ) !
وكأن الحُب .. بهذا التحدي
يُثبت ُ بأنه ُ [ لغز ٌ]
و
سرُ .. جماله ٍ في ..( استحالة حله ) !

[ الغياب ]
( ذلك الشعور المُرهِق )
في ظل الغياب ..
الاشياء التي حولك .. لاتبدو كما كانت
وكيف تكون كذلك .. وهي فقدت لونها وطعمها في آن ٍ واحد ؟

يصبح وجهُ الحياةِ ..
شاحبٌ / قاسي / جافٌ .. تكسوهُ التجاعيد !
يسكُنُ الضجر كُل الاشياء ..
ويخنقُك بحبله المتين ,
يمزقك من الداخل ..
ويرْسمُ على محياك .. وجهٌ لايُشبِهُكْ
وإن كانت :-
ذات التقاسيم موجوده ,
قسوة الضجر قد تكون..
ألين من الحرير .. ولكن متى ؟
عندما يكون ثمن الاطاحة برأس الغياب ..مصروف ٌ من .. بنك كبريائك !
عندها فقط ..
يُصبِح ُ
حبلُ الضجرِ المتين
ونصلُ الغيابِ الحادْ
( أرحمُ من وردة ِوصال ٍ نُزِعت من حقل ِكبريائكْ )!

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]

اسمع رعاك الله .. ياسيّد الشعب = العز باقي .. وآخر الدرب توّه
الناس مما صار لك وضعها صعب = يا أول ملك يحكم وطن بـالأبوّه[/poem]