مســ **ْْ~ شعـــور ~ْْ**ــــــاحة

،


[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ساقك ردى حظك و جابك لـ / الفشل = يابلشة العقال من جهالها
مالك ومال اللي جرا واللي حصل = لا أنته بعاقدها ولا حلالها
مادام مالك ناقةٍ ولا جمل = خلك بـ / حالك والعرب في حالها
لا تاقف بوجه البعير الى زمل = وتضيع بين خفافها وثقالها
قد قلت لك لا عاد تاقع بالزلل = لين سقطت نفسك بسو أعمالها
غروك بالضحكة ودقوا لك طبل = قومٍ جذبك إلها لحن موالها
ماتدري انك عقب سالفتك خبل = كلمة وعيبتها على من قالها
خابرك من عادك بـ / حضن امك طفل = لليوم وانت مجودٍ بـ / جلالها
خل المناطح عنك يا قرن الوعل = مالك معشى فالدير وجبالها
شفهم بعينك ذا جبل وذا جبل = تبطي عظم ما وقت روس طوالها
صم الجبال الشمّخ عزوم و ثقل = لا كبرت حمول العرب تشتالها
ذولا الزحول اللي وحدهم لا صمل = يفري الكبود وينتهي سلالها
قول وفعل والا انت قول ابلا فعل = تبي المراجل مير ما تحتالها
كسبك شرايد فطّرِ جرب وهمل = على المراح مخالفة وبالها
ليت الرخوم اللي سواتك تعتدل = وتجوز من بعض العلوم أشوالها[/poem]


,