الهجوس الطاغيه

مع التحيه والتقدير والمحبه لكل العابرين

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

هبايب لك ذرا وانتي هبايب لك ذرا وحجـاب=مشاعر تلطم العابر وتعطـي حجـم وتبـدّي


منازل هيبتك وسط العيون ومهبـط الاهـداب=تمادى با الحدود وتلمس الشريان وتهـدّ ي

رحات الفكر تطحن والولاعه تزرع الاسبـاب=وانا برض الهجوس الطاغيه يدّي على يـدّي

زماني فيه سويتي صدا في هامـة المرقـاب=وجذبني للصدا صوت الصدا , ودي ولا ودّي

ورا يا منبع الهيبه ذراكي هو ذرا الاعجـاب=وانا اللي ما لبست لباس ما فصل على قـدّي

مناديب الولع ترسل ولعيونـك تـدق البـاب=ولا غير العبـاره وش تبـي ردو لهـا ردّي

واذا ودّا مع النسمه هبوب العاشقين وجـاب=تجيبك لي هبايب نجد حلم وطيـف وتـودّي

مداهيل الصدر ساحه ويسبح في سماه اسراب=وانا ما اخالف الاسراب لو حضي وقف ضدّي

انا ما همني جرح الزمان وحرقت الاعصـاب=تحملت الجروح النازفات ولا انكشف سـدّي

بنيت من الهيام خيام وضلوعي هي الاطنـاب=ولا هز الكيان الخوف وسهومه على حـدّي

عتابك لا وانا كلي عليكي با الخفوق عتـاب=وانا اقول العتاب ازمه تمـر البـال وتعـدّي

مادام انتي شبيه اللي غيابه للوضوح غيـاب=غيابك مـا يبعدنـي ولا صـدك ولا صـدّي

ترا ما جيت يمك ريب لو كل البشر ترتـاب=رضيتك لو معاي الوقت متهـاون ومتحـدّي

رضيتك والرضا من خاطري لسلوبك الجذاب=امانه يا هبايـب يـا غـلا ردي علـي ردّي [/poem]

احساس جميل
ومشاعر تستحق المتابعة



صح لسانك
وتمنياتي لك بالتوفيق




.

مع التحيه والتقدير




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا فاتنـه مـا تجاهلـت وتجاهلتـك=ياهيبة المعركـه والرمـح والرامـي
بعت الخطا والجفا من يـوم قابلتـك=ماكنّـك الا مـلاك ٍ حــل قـدامـي
حتى شعرت الوهم من ارض شايلتـك=انه تميد وحصاهـا يلمـس اقدامـي
مدري من الشكل والا كبـر منزلتـك=والا من الهيمنـه والهـول وهيامـي
روحي تهاوت وانا با الحيل جاملتـك=من سطوة الليل فوق الشمس والنامي
زايمت الاثقـل وشاكلنـي وشاكلتـك=المس ضلوعي واحسه تضرم اضرامي
وكنت احسبنّي اسولف في مغازلتـك=واثري ليالي سكوتي تسبـق ايامـي
لو هي على الكيف ارضيتك وزعلتـك=لكن وقوف الضمى يثر على الضامـي
كل البها ملبسـك والمـوت راحلتـك=ومن الهوا موقعك با الموقع السامـي
كن الحلا لـك لحالـك ورث عايلتـك=وانا وريث الذهول وجرحـي الدامـي
تدرين اسهـل مصيبـه يـا تخيلتـك=انسى غلا الاصدقا واحقاد الاخصامـي[/poem]


ولكم شكري وتقديري

جميل أنت يا مرزوق
وشاعر ذو حس شعري راقي

صح لسانك كثيرآ

صح لسانك يـ الشاعر

ولاهنت على هـ النص الفااخر

تقديري لك’,,

،


شاعر مبدع وقصيدتين الاولى رائعه بتفاصيلها وموضوعها والاخرى بعذوبتها وسلاستها
صح لسانك يالرمالي ،،


تح ياتي

ليس للجمال حدود هنا .

الرمالي
شاعريتك أكثر من رائعه

مرحبا بحضورك الممتع والمثري

,

صح لسانك يالرمالي . .

شاعر قدير والله يوفقك لكل خير . .

تحياتي

,

..


صح لســـآآآآنك .. ،






نصّ مفعم بالشاعرية ..

الله
الله
الله

صح لسانك × صح لسانك