, , [ . . عناويني ! . . ] , ,

( محاولة 2 )

,

[ ياللعجب ] !!

حكي البنادم فضّه وصمته ذهب ؟!

يعني تجاره مابها كدح وتعب

ولاني بحاجة راس مال

احكي سنه

واسكت سنه

واستثمر لساني مثل هالالسنه!

[poem=font="Traditional Arabic,4,orangered,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
فكره مثل مليون فكره على البال=تطري ليامن ملّ فكري ومليت
مادام ماني من ذوي روس الاموال=مانيب متزوج ولا بانيٍ بيت[/poem]

[ ياللأسف ] ..

طيّب انا شاعر

وانا عندي رصيد ..

عندي مشاعر

بكّت عيون القصيد

يعني من احسن مايكون

واغلى كثير من العيون

بالمختصر

يااهل الفلوس الزايده

كم تدفعون ؟!

[poem=font="Traditional Arabic,4,orangered,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لحظه قبل يعتق لسانك ملامك=ياللي تقول ان المشاعر ثمينه
والله على عيني وراسي كلامك=بس الفقر حالٍ مرير وغبينه[/poem]

[ ياللقهر ]

يانافذة حلمي تعبت من الوقوف

ذبلت عيوني

مابقى فالشوف شوف ..

مدري مخاصمك النهار ؟!

ولا ان شمس الحلم دايم في كسوف ؟

ويمكن بعد حلمك كبير ؟

يالشاعر الفذ ّ الفقير

معقول !!

تتصوّر فراشٍ من حصير

فجأة كذا يصبح حرير ؟

ياخوي طيييييييير !!

[poem=font="Traditional Arabic,4,orangered,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يامستظلّ بشجرة العمر بتروح=وغيرك يجي ويصير هالظلّ ظلّه
لكن قبل ماتلفظ انفاسك الروح=موت بكرامه لاتموت بمذّله[/poem]

,