مصافحه اولى !

المشاركة الأصلية كتبت بواسطة ناصر السبيعي

السلام عليكم ورحمة الله وبركاته



مصافحه اولى ..كـ / عضو .. اتمنى ان تنال بعضا ً من الرضا ..



.

.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فمان الله يالغالي عسى ماجـاك منـي قصـور ؟=على درب الهوى مدري من المخطي على الثانـي !

تعبت اجاملك واخفي ملامح حزني المستور=وانا لو اكتم شعوري يبان بداخل اعياني

اخذت من الهوى جرحك ومن ضيمه شربت بحور=وانا اللي بداخل اعماقي يبين بزلة لساني

ماعاد احس بـ احساس المحبه من ثلاث شهور=تحدتك الظروف اللي على وصلك تحداني

عسى ذكراك لا مرّت تسلي خاطري المكسور=وتجمع من شتاتي مابقى لي وسط وجداني

على دربك وقف نبضي وعيا فـ الوريد يدور=وانا من وقفته مدري وش اللي صاب شرياني !

توكل وانت في قلبي ( عزيز ) و ( غالي ) و ( معذور )=عسى ربي يسهّل لك طريقك لين تنساني

واذا مريت في بالك .. امانه لاتجي مذعور=تعال اقرى القصايد ثم ( دورنـي .. وتلقانـي ) ![/poem]

.

.

جميل يا ناصر ، مصافحة أولى تخليني أنتظر الجاي بـ كل شوق ..
نص عذب جداً ، وفيه شجن أحبه أكثر مما تتخيّل ..
اعتبرني واحد من جماهيرك وسجّل إعجابي بالنص وبالتوقيع ..
ولا تبطي بالجديد يا صديقي ..
تحيّة ومحبّة ..