حب الشرف والطيبين

السلام عليكم
للتواصل مع المواهب
متواضعه أتمنى مرورها وقبولها ،،،

/

يامعشر العشاق عندي كلمتين
أحلامكم وآمالكم ( مثل السراب)

الموت شفـته في حياتي مرتين
من واحد(ن) فرقـاه ووصـاله عـذاب

شفته بعـد ماقلت حلم النايـمين
واللـه ماكـنه (ثمان سنين) غاب

له صـورتن سـبحان رب العـالمين
صـورة مـلاك في سويدا القلب ذاب

في قـلبي الذكـرى ورسم العاشقين
مكتوبه في خافقي كـتب الكتـاب

في عيني اليمنى حجاجه والجبين
وفي عيني اليسرى (جروحي) والصواب

من شوفته نسيت كـل الحاضرين
لحظه لقاه وشوفته بعد الغياب

ذكرت ذكرى باقيه لــــلاولين
القلب (بلقع دار) والذكرى (سحاب)

من يوم كنا صغار دار (الدارسين)
ماخط لي شارب ولالبست حجاب

كتمت (حبي) و(إشتياقي) و(الحنين)
لين إمتلاء صدري غلا والرأس شاب

تعاقب الأيام في وجه السنين
نكبر ويكبر حبنا والإنجذاب

أثر الغلا يبني وحنا غافلين
بنا الغلا في صدونا كبر الهضاب

ياللي تحسب إني سليت أخذ اليقين
أطرد ورى (الأمال) وأسج الركاب

أحبها (حب الشرف) والطيبين
حبي لها ماهو مثل بعض الشباب

اللي محبتهم (كلام) مراهقين
وقلوبهم شتاء وجمعاهم خراب

أحبها حب(ن) على تقوى ودين
وسلم العرب والخوف من يوم الحساب

واللي يقول أصبر وتنسى قلت : لين
تنسا كفوف الغيد من نقش الخضاب

والا أسمع .. أسمع زين وأنظر لي بعين
تدري متى أنساها ؟؟ ليا شاب الغراب

لها بقلبي رسم (ود) مايبين
ألا لها وألا معي تحت التراب

أموت ماضيعت (سر) المومنين
الغافلين لباسهم مني ثياب

ماني بحبل في (يدين) عن يدين
ولاني بوجهك ورد وإن قفيت داب

أنشهد إني ماسمعت الحاسدين
ولاهرجت إلهم ولا أعطيهم جواب

أنصحت في حبي لناس" غايبين
وهرج الحسد قفلت دونه كل باب

وصبرت صبر ويامعين الصابرين
الله كريم ومن رجاء ربه ماخاب

يالله ياقابل صلاه الخاشعين
ياواحد(ن) تخضع لهيبتك الرقاب

يارب تهديني صراط المهتدين
وأنا دخيلك من حسابك والعقاب

وتختار لي خيرتك يامعط الثمين
أنت الجناب اللي يعز إبك الجناب

إن كان ما أنته جامع {شمل الثنين}
غيرك مايبغى للثنين إلا الذهاب

أنت المعين اللي بعطفك نستعين
ماغيرك أحد نرتجي منه الثواب


وسلامتكم ،،،