تقديم شامل للقاء . منتخبنا السعودي والمنتخب الاسترالي .. بالتوفيق للصقور الخضـــر

.
.
عاجل | استقالة الأمير نواف بن فيصل رئيس الاتحاد السعدوي وحل اتحاد الكرة بالكامل




بعد ويش !!!

لافات الفوت ماينفع الصوت

المشاركة الأصلية كتبت بواسطة عبدالله الفرحان

الحل حل لجان الأتحاد السعودي كامله !
ألى متى هالمهازل !

/

وجهة نظر شخصيه قد لاتعجب البعض .

المنتخب صوره جميله رسمها لاعبين المنتخب السعودي عندما كانو كذلك وليس لاعبين المنتخب ( الهلالي ) السعودي ، المنتخب صوره عبث بها الأعلام الهلالي ولجان الاتحاد السعودي الهلالي !

المنتخب السعودي من 10 سنوات وسيلة أعلام هلاليه ومازال وقد يستمر.
ولجان الأتحاد السعودي وأدارة المنتخبات قامت بالواجب على أكمل وجه .
ولكن على حساب المنتخب وهذا مانراه من سنوات .


أكثر لاعبين المنتخب لازم يكونون من الهلال على مدى الـ 10 سنوات بل أن من المضحك فيه لاعبين مايلعبون مع الهلال وعلى الدكه ونشوفهم في المنتخب << مايقصد الغنام قبل اربع سنوات .
أشارة الكبتنيه لازم تكون مع لاعب هلالي لدرجة ولاتستغربون ان الحارس يكون كابتن << مايقصد حسن العتيبي واللي نعرفه في الكوره أن الكابتن هو اللي يناقش الحكم بس الحارس كيف يناقش ماله إلا يترك بابه ولازم الحكم ينتظره لين يرجع للباب أشياء مضحكه وفي نفس الوقت محزنه حتى المصيبيح في آسيا اللي راحت يقول لياسر القحطاني عط أشارة الكبتنيه هوساوي الكل شاهدها وموجوده في اليوتيوب كل شي مكشوف أستغرب من نواف بن فيصل أنه يتفرج على هالمهازل اللي دفع ثمنها المنتخب السعودي .
محاربة النجوم اللي مسببين للهلال عقده في الدوري أمثال محمد نور وضمهم للمنتخب وأستبعادهم ومن ثما ضمهم محاولة ضغط نفسي عليهم حتى ينعكس على أدائهم في الدوري ويكون المستفيد الهلال .
أعطاء أضواء للهلاليين وتأهيلهم نفسياً على حساب المنتخب ( ياسر القحطاني ، الزوري وغيرهم ) .
واللي أهم محاولة أكتساب أكثر جماهير خصوصٍ الصغار اللي مايعرفون تاريخ الهلال بمجرد مايشوف أكثر لاعبين في المنتخب والكبتن هلالي يجي عنده إنطباع أن الهلال أفضل نادي في العالم ويشجعه وهذا يعود بالفائده على الهلال مادياً وجماهيرين .
الكلام كثير لكن اكتفي باللي قلته .

نرجع لمباراة اليوم .


الشلهوب هل هو أفضل الموجودين في الدوري السعودي ! وين يحيى الشهري ولا ينتظرون بلنتي عشان الشلهوب يشوته ويحسب الفوز في حالة التآهل للهلال ولاعيبته . أنا أتحدى اي شخص يفهم كوره يقول أن الشلوب افضل من الشهري .
ياسر القحطاني هل هو أفضل من الشمراني وهزازي ولعلمكم ترى لو ماجاء أهداف ماراح يطب هزازي .
مستحيل يكون ريكارد غبي لدرجه أنه يدخل ياسر القحطاني وهو يعرف مستواه لكن ربما مدربين خلف الكواليس كانت التبديلات عن طريقهم .

اذا كان نواف بن فيصل يبي المنتخب السعودي يعتز يحل لجان الأتحاد السعودي كامله وأول مايبدء بـ أدارة المنتخبات .
آجل من المصيبيح ألى المعجل
اللي يبي يعرف أن المعجل لايملك فكر يأهله لقياده منتخب يشوف تصرفات الفريدي اليوم معقوله لاعب متقدم فريقه يستفز أسطوره أستراليا هاري كول على أرضه وبين جمهوره لهدرجه ماعند أداري المنتخب ثقافة من خلالها يتم توجيه اللاعبين بعدم أستفزاز الخصم على أرضه وبين جمهوره أقل تقدير في الشوط الأول . واللي شاهد المباراه شاف كيف أنعكس هالأستفزاز على هاري كول ودفعنا ضريبة هالأستفزاز اللي أعرفه الأستفزاز يكون آخر المباراه والفارق أقل شي 2 خصوصٍ في المباريات المصيريه لكن يالله الواسطات هي اللي لعبت في منتخبنا .
سؤال قد الكل يعرف أجابته !
ليه مانشوف أساطير النصر في المنتخب
ماجد عبدالله مايستأهل يجي في المنتخب .
يوسف خميس مايستأهل يجي في المنتخب .
معقوله كل هذولاء ماعندهم فكر أداري وخبره تجعلهم كفو لهذا المنصب << يناظر في القيصر

.
فكر المنتخب السعودي له سنوات وهو هو المدربين يتغيرون والسياسه ثابته .
لكن من يدري يمكن نواف بن فيصل ينتبه للشي ذا .

أنا أقترح أقتراح على نواف بن فيصل يغير لون المنتخب السعودي من أبيض ألى أزرق ويصير اللون ( أخضر أزرق )


هارد لك والقادم أجمل مع الأتحادي السعودي الهلالي .

وفر من ماء الذهب الذي تكتب به لأننا بحاجه أليه في الأعوام القادمه لأنني اتوقع ان الوضع ماراح يتعدل .

كتبت بقلم كل محب لهذا المنتخب

الله يعطيك العافيه ،

عساهم من هالحال واردى ,,


ماقلت لكم جميع الفرص تبا تروح ادراج الرياح ؟؟


يالله علاك الخلف ياحلالاه يالدرهمان اللي صرفت على هالوجيه


+ : ++

و الله يا الربع راحت عليكم و علينا معكم
و بعدين أحسن يقعدون لاعبينا عندنا لا يذبحونهم البرازيليين ههههه

تكفينا لبنان

خلون نروح نبارك لهم بالتاهل

بكل امانه مافيه مننتحب خليج يشرف الا عمان عسا الله يوفقهم

المشاركة الأصلية كتبت بواسطة محمد آل عبدان

و الله يا الربع راحت عليكم و علينا معكم
و بعدين أحسن يقعدون لاعبينا عندنا لا يذبحونهم البرازيليين ههههه

على قولة المثل

فضيحةً في بيتنا و لا بين الناس


هههههههههههههه