ما كل من وصْل الصداقة سلامات .. يقدر معك ياصل " حدود الأخوّه " ..!!

[align=center]مسّاكم الله بالخير ..[/align]










[poem=font=",5,darkblue,bold,normal" bkcolor="transparent" bkimage="" border="none,4," type=2 line=0 align=center use=sp num="0,black""] ما كل من وصْل الصداقة سلامات = يقدر معك ياصل " حدود الأخوّه " ..!!

بين الصداقة والأخوّة مسافات = من دونها ضلعٍ شمخ في علوّه ..!!

أمّا رقى عاليه ذيب المنيفات=يقنع .. ويلقى في طرفه المروه ..!!

لن العرب فيهم أكابر وسادات = وفالنّاس أبو ما أقدر . . وفالنّاس توه ..!!

والخير إله رايه وللشرّ رايات=وكلٍ يرز اللي يناسب لـ / جوه ..!!

ومواقف الدنيا سواة الإشاعات=تكشف لك المستور طيبه وسوه ..!!

وعقب اغتشى عرض السّحاب السماوات=يا خير برّاقه ويا خير نوّه ..!!

الذيب يسري ما يحسب المتاهات=" ولا بالثعالب " ع المساري جروّه ..!!

ولا خير في رجلٍ نهار المهمّات=محدٍ يميز فـ / أسفله من علوه ..!!

للأجنبي ظل / وبراد / وعطاءات = وعلى ( بني عمّه ) مسوي فتوّه ..!!

وقت السّعة يصرف لك الهرج شيكات = ووقت الفعل غاب الخطيب المفوّه ..!!

علامته من بين كل العلامات=يمنىً بلا مدّه .. ووجهٍ مشوّه ..!!

هذاك لا تكثر عليه التلفّات=حطّه تحت كمّ الليالي وطوّه ..!!

ولا يمنعك في ساع عرض الشعارات=لا قدّموا لإسمه بحضرة سموّه ..!!

الدين واحد .. والنبّوه كرامات=ويامن يصدق مدّعين النبوّه ..!!

يغنيك عن قوم تحسب الصداقات=جسرٍ تمر إبّه وتعلن خلوّه ..!!

قرمٍ كثر ما هو يعدّك من الذّات = أصحابك أصحابه .. عدوّك عدوّه ..!!

وباق البشر نظره .. وراي .. وقناعات=وكلٍ حسب عرفه يربي فلوّه ..!!

[/poem]

.


.

.

[align=center]وسلآمة الجميع[/align]

الرائع عايض بن زوير

نص شامخ حضور اول للاحتفاء لي عوده ..!

صح قلبك يا عايض

نص رااائع ومعبر

لا هنت

لله درك ياعايض

ابداع منقطع النظير

صح لسانك صح لسانك حتى ترضى

..

فرج الدهمشي / صح بدنك .. وحيّاك الله


.

..

صح بدنك يالغريبة .. ويا حياك الله


.

..


صح بدنك يا محمد .. ويا هلا والله وغلا

.

.

عايض بن زوير..

هذا المتصفح يضج بالشعر...

ويملأ اركان هذا الصرح نوراً...

ما كل من وصْل الصداقة سلامات
يقدر معك ياصل " حدود الأخوّه " ..!!
بين الصداقة والأخوّة مسافات
من دونها ضلعٍ شمخ في علوّه ..!!
أمّا رقى عاليه ذيب المنيفات
يقنع .. ويلقى في طرفه المروه ..!!


الله عليييييك..

هنا نص..مدهش يعرف مايريد..

نص..منهمر لـــ لاعلى..وغارق في الجمال حد التماهي...

ولا خير في رجلٍ نهار المهمّات
محدٍ يميز فـ/ أسفله من علوه ..!!
للأجنبي ظل / وبراد / وعطاءات
وعلى ( بني عمّه ) مسوي فتوّه ..!!

الله..

هنا حضور...ثري وشامخ...ذو تجربه واضحه..

وكان اسهاب الشاعر غارقاً بصوت شعوره..

محكماً...وافراً...مثرياً بالعبر...

دمت في سمو يارائع

الشمالية

..

شمالية / صح بدنك وشاكر لك هذا المرور

.

.



تقديري

الله الله الله

اتشرف وافتخر بهذا النص وشاعره

نص قوي محمل بحكمة الشعر وجماله وابداعه ..نص يعد من افضل النصوص الشعريه

السهله الممتنعه

هنيئا لنا بهذه الشاعريه

وفقك الله

..

اخوك / عبدالاله بن شلواح

لله درك

هنا شعر

هنا رجوله

هنا إبداع

هنا تميز

هنا شاعر يسجل اسمه في خارطة الشعر الحقيقي


لن يكون المرور الاخير من هنا



حتمًا سنعود




ايها المبدع



تقديري

..

عبدالإله بن شلواح .. يا حي والله هالتواجد
صح بدنك ولا خلا والله ولا عدم

.

.

..

القدير جدا / أبو فيصل .. يا حي والله هالتواجد
صح بدنك ويا هلا ويا غلا

.

.