دايم الجزلات تعشق كل وافي // حي والله ذا القبال وذا المحيّا

المشاركة الأصلية كتبت بواسطة هاجد بن شمسي

السلام عليكم ورحمة الله وبركاتة

هذه القصيدة قلتها في الأخ الأستاذ / ضيف الله بن بدر العتيبي
مدير جمرك منفذ البطحاء ..

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مايهيض الفكر وتزين القوافي=لين اغنّي فيك يا راع الحميّا
اتنقّى واترك الهزله خلافي=كنّي أزهم فالشعر وأقول هيّا
لا زهمته للـكفو جاك متقافي=وان حديته لأكثر العربان عيّا
دايم الجزلات تعشق كل وافي=حي والله ذا القبال وذا المحيّا
واحدٍ فيه الشعر ماهوب كافي=لو ابا اكتب من هناك ليا هنيّا
يوم قالوا لك ولد عمٍ سنافي=شاش رأسي لين علق بالثريّا
والله اني لأمدحه والقلب صافي=مدح ابن جدلان لذعار المحيّا
يوم ذكره بين(ن) ماهوب خافي=لكل من ينصاه قال ابشر و حيّا
ما طلع له صيت لو ماهوب يافي=مير دايم عادة الطيب كذيّا
يا مقر الجود وقفاتك تشافي=شفتها بالعين ما فيها كنيّا
تقف دون اللي مايحتال الوقافي=ما تقول من انت ولا انته من ايّا
لكل علم جزل ماعندك تنافي=للعلوم الطيبة كنك مهيّا
من سلالة روس قومنً ماتخافي=يوم ضرب السيف وصهيل العبيّا
اسمحوا لي يا مرويت الرهافي=كل رجلٍ وله عندي مقدريّا
ومايقل يدل والعلم اقتطافي=والسلام ورحمة الله والتحيّا[/poem]

هاجد بن شمسي

وستين نعم بالمادح والممدوح

بيض الله وجهك
ولسانك ماينلجم ويمينك ماتنشل

سجل متابعتي لك