بوح المشاعر..!حديث الذات..!

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
تاريخنا في صفحة الوقت مذكور = على سنام المجد في كل دوله

عيال وايل لاعتزى كل منعور= هم فزعة المضيوم لامن عنوله

زبن الدخيل اللي من اعداه مقهور = اليا انتخى بالوايلي من يطوله..؟

والمنذريه يوم صاحت من الجور = في معركة ذي قار رمز البطوله

ستر الهنوف اللي خذاها بلا شور = قبل الظليمه ما تحقق ميوله

من دونها صفوا ثمانين طابور = يوم اعتزو بالطيب ثم اوقفوله

من عزهم يرضخ لهم كل مغرور = ومن ذكرهم يسرج بقايا خيوله

عاداتهم كسب الثناء ساس وجذور= والناس تشهد من قبل لا تقوله

ادناهم اللي بالمواجيب مخبور = واقصاهم اللي طيب ساسه فعوله

مافيهم اللي عند الاجواد محقور= صغيرهم يفهم علوم الرجوله

ان قامت الهيجاء لهم يرجع الشور = الخيل تصهل بين صوله وجوله

احرار نسل احرار والماكر صقور = على مدار الكون عرضه وطوله

شمس الحقيقه ماحتوى نورها زور = تاريخ مجد وعز ماحدن يطوله

هذا وانا ماقول بأهل الوفا قصور = والغانمه في كل طيب حموله[/poem]