اختصرها قول شالح واختصرها ابن طواله

قصيدتي في حفل محمد بن خالد بن محيا
19 / 10 / 1435 هـ

[poem=font="Simplified Arabic,5,black,bold,normal" bkcolor="transparent" bkimage="" border="none,4,darkred" type=2 line=0 align=center use=ex num="0,black""]

يوم جاء للشعر درب ودار للافكار طاري=ارتطم بحر المشاعر واطلق الشاعر خياله
هاجسي وقت المهمه فالمهمات انتحاري=مايصيد الا الجزيل ولا يحب الا الجزاله
كنه اللي في هداده معطبٍ برق الحباري=حرن اشقر من صقور الكنق ولا من عياله
ذاخرينه فاللزوم وفي لزوم القوم ضاري=وكل مافكو سبوقه مايجيب الا الجماله
ياقصيدي جمل الميقاف والماقف جباري=فز مثل الحر الاشقر لانواله شي ناله
لأجل قومٍ بالفعل ماتلبس ثياب العواري=من مكاسبها المراجل والمعزه والشكاله
عزوةً يوم الزمان الشين جاري له جواري=والمعارك طاحنه قبل المحاكم والعداله
احتمو حد المناطق واحتمو سفن الصحاري=بالسيوف الحدب ورجال الشجاعه والاصاله
من قرب طمعان فيهم مالقا مخرج طواري=يحتمل ضرب الهنادي و المشوك واشتعاله
يكفي اقوال الشيوخ لفعلهم وقت العزاري=اختصرها قول شالح واختصرها ابن طواله
عزوة الاد المحيا وافتخر فيهم واماري=كاسبينً كل عز وكاسبين كل طاله
والله اني لو ابمدح من قصيدي واختياري=القصايد ماتوفي ، قدرهم في كل حاله
وليلة افراح المحيا فرحتي والكل داري=اعتبرها اغلا ليال العام ومن ابرك لياله
كيف ماافرح مع رفيق فيه للطنخه مواري=لابدا الميقاف قام ولابرك للحمل شاله[/poem] محمد النخيش

.
،
.

محمد النخيش ..
صح لسانك حتى ترضى ..
قصيدة شامخة .. في ربعاً علومهم طيبه قبل وبعد ..
لا هان راسك ..
تحياتي ..

صح بدنك ياعبيد

والشامخ حظورك لاعدمناك