انا اعرف رجالً هرجهم ياكل الرجال / واذا جاء نهار الفعل راحو ولا حاجه

[poem=font="Simplified Arabic,5,black,bold,normal" bkcolor="transparent" bkimage="" border="none,5,darkred" type=2 line=0 align=center use=ex num="0,black""]
الا يالزمان اللي على كل حال وحال=لياليك تمشي .. بين عدله ومنعاجه !!
ومع دورة ايامك ... ومع دورة الاحوال=احد يضحك حجاجه واحد يعقد حجاجه !!
توضح لنا الايام الاجواد والانذال=ومنها نعرف نحدد الجرح وعلاجه !!
يجي فالرجال رجال ماغير بس ازوال =ويجي فالرجال رجال .. نيران وهاجه !!
ولاتنخدع في مظهر الناس والاشكال=ترى الرجل شكله غير ، طبعه ومنهاجه !!
بعضهم مايعرف غير وينك وكيف الحال=ماحده زمانه يضرب ، البحر وامواجه !!
ولا راح في درب المراجل وصال وجال=ولا ينحر جماله ،،،، ولا يذبح نعاجه !!
وهاذا وشكله لو يجي ،، معك راس المال=من أبسط طلب واتفه سبب يكثر ازعاجه !!
عسى الله يفكك منه لاشفت ضيمك طال=ماودك بحزات ،،،، المواقيف تحتاجه !!
لكن الرجال الوافيه ،، فاللزوم جبال=نهار الشدايد كنها الكون وابراجه !!
ومع اهل الوفا والطيب والمجد والامثال=تبي تعرف اللي ،، لابسً درعه وتاجه !!
تشوف الدواهي للحموله ظهور جمال=ولاهيب تشكي من عنا الوقت واحراجه !!
وانا اقيس بالافعال مااقيس بالاقوال=ولا الهرج مثل الفعل في مجمل انتاجه !!
اميز ضعيف الراي واعرف وسيع البال=ولانيب رجلً يخلفه ،،،. هرج هراجه !!
هروج العرب ماعدها حسبة الافعال=وحسب التجارب ،، كلً يعد ماواجه !!
انا اعرف رجالً هرجهم ياكل الرجال=واذا جاء نهار الفعل راحو ولا حاجه !![/poem]

محمد النخيش

الله الله
صح لسانك واعتلا شانك


قصيدة رائعة

ياسلام عليك

يـجــي فـالـرجـال رجـــال مـاغـيــر بــــس ازوال

ويـجـي فالـرجـال رجــال .. نـيـران وهـاجـه !!

ولاتـنـخـدع فـــي مـظـهـر الــنــاس والاشــكــال

ترى الرجل شكله غير ، طبعـه ومنهاجـه

صح لسانك مبدع لاهنت