؛ .. ملام ( حي ) !!

,

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
يـ محمد ولد مرسي بوسط ايران = ليه سلّمت روحك لابس الجبّه
كيف حنا وهم في الاعتقاد أخوان ! = ودينهم يجرح ابوبكر ويسبّه
ويتطاول على أم المؤمنين ازمان = ويعشق ابن المجوس الكلب ويحبه [/poem],,

,
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]

انا صادق معك بالذات = ولو قلبك يكذّبني
ومن يسمع صدى الآهات = يعرف انك معذبني
ليا قابلتني بـ .. سكات = اقول :_ الشوق غلّبني
واذا منك هرجت اوقات = اضيّع يامذوبني [/poem]

,,

,

[poem=font="Traditional Arabic,4,black,bold,normal" bkcolor="sandybrown" bkimage="" border="none,4,gray" type=2 line=0 align=left use=ex num="0,black""]
كل الكلام الحلو من وسط صدري =يقوله :- احساسك .. وحبك .. وعشقك
اليا نشدتك عنه لاتقول :- مدري = صحيح منّي بس فـ .. الاصل حقك [/poem]

,,

,

[poem=font="Traditional Arabic,4,black,bold,normal" bkcolor="burlywood" bkimage="" border="none,4,sandybrown" type=2 line=0 align=right use=ex num="0,black""]
الله يسلّمك ~ وآنا الله يسلمني = من نظرة عيونك ~ ومن جمرة شفاتك
كذا بـ .. زود اهتمامك صرت ظالمني = القلب مايحتمل همسك وبسماتك [/poem]

,,

’

[poem=font="Simplified Arabic,4,darkblue,bold,normal" bkcolor="burlywood" bkimage="" border="none,4,gray" type=2 line=0 align=left use=ex num="0,black""]
قلبي اللي وسط صدري من غنايم غيري =قسمة الله مع حبيبي قفله ومفتاحه
كل ماحاولت ارده يختلف تدبيري = ماشعر اصلا لاسترديته بـ .. طعم الراحه[/poem]

,


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


صباحُ الخير يا فجر العطاءِ= ويا وطنا يدوم له ولائي
صباحا ينتشي عطرا زكيا = ويسمو بـ الولاء وبالبرائي
أيا وطنا تسلّقت المعالي = على مرأى ومسمع من عدائي
تقلّب صفحة التاريخ فخرا = وترقى فوق هامات الإباءِ
وترفع راية التوحيد حقا = يراها كل من في الارض نائي
ايا مهدَ النبوّة طبتَ دوما = وطاب لك اهتماميَ وانتمائي
فأنت تُعدُّ للإسلام سيفٌ = يناظل بالعطاءِ وبالوفاءِ
ويعلو فيكَ صوتُ الحق ندّا = من الارض الكريمة للسماءِ
محبتك العميقة في فؤادي = وتجري فيه من مجرى دمائي
أيا وطني ألا ياليت شعري = يعبرُ في ابتدائي وانتهائي[/poem]
,,

.

[poem=font="Traditional Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نمتي وخليتيني اسهر على نار = مدري حلاوة شوق ولا مراره
بيني وبين الليل معروف واسرار = لكنك لوحدك كشفتي ستاره [/poem]
,,

,



[poem=font="Traditional Arabic,4,black,bold,normal" bkcolor="burlywood" bkimage="" border="double,4,gray" type=2 line=0 align=right use=ex num="0,black""]
راكب اللي لاتشطّر عن البلده زمر = زمرة القرم المديّن لاشاف مديّنه
او كما ظبي رميته على رجم حمر = يوم جيت تدوره ماش غير مكيّنه
سايقه طايش ولاهو من حبوب وخمر = قلّبه وقته على المر حتى شيّنه
عايشٍ له عمر قاسي ماهو بـ .. ايت عمر = نظرته في الكايده مايجيب الهيّنه
لاسرى يبرق قزازه تحت ضو القمر = جيب نادر في وصوفه ولا له عيّنه
اوتماتيكي غياره مايحتاج لـ .. نمر = ايتمايل كنّه ردوف بنتٍ ليّنه
ياصل اللي في صلاصل معه صفر قمر = وسطها العليا عليها الوسوم مزيّنه
خالد الروقي / دلاله منحرها الجمر = حلّته من رود الاجواد دوم معيّنه
فالك الترحيب والجود واطياب السمر = والنفوس عزاز بـ .. المكرمات حنيّنه
من رجالٍ دارهم بـ .. المعاريف تعمر = ان بدت للسلم والحرب جت بـ .. البيّنه
خيرهم من فضل ربي مفيد ومستمر = والعطى نعمة من الله عليهم بيّنه
لا صفا راسك من الكيف واقنعك التمر = خص ابو نايف كمني ماعاد اعيّنه
قول ابو عيضه يقول : الك عوّد بـ .. الامر = روحتك بالذود عنا ماهي بـ .. هوينه
طالت الشطّه علينا وخاطرنا شمر = والامور الله يعافيك شبه مطيّنه
والنظام اليا قرب من شريعتنا طمر = نعنبوا فكرٍ يعينه لابو من فيّنه
والبلاد بلاد وعباد خلق الله ثمر = مير كثّر فيهم ابليس بعض عويّنه
واختلط غصن الحماطه بـ .. عيدان السمر = والورود الطايفيه بشوك متيّنه
كنّهم ماهم من احفاد ابو بكر وعمر = ولا قروا من سورة الغاشية والبيّنه [/poem]

,,

،

من القديم .!

ليت سـود الليالـي بـ غبرتْها تجـود
مـن لذيـذ النعـاس ..بـدون لذّاتهـا

وليت ياليت تعطي .. لو نسانيـس نـود
ميـر ماسلّمتـنـي غـيـر صكّاتـهـا

الله أكبر خلقها .. بيـن الأكـوان سـود
قامـت تشّـد فوقـي .. كـل شدّاتهـا

شلت فيهاهمومي طامـعٍ فـي الوعـود
والأمانـي نـجـومٍ فــي مجراتـهـا

بيـض الأيـام معهـا ماتـوّرد عـدود
ينكـف النـور لالـدّت بـ.. نظراتـهـا

كبّرتني .. وصارت بـالمصايـب ولـود
فـي ثـوانـي دقايقـهـا وساعاتـهـا

.طحت ماقمت منها .. ألاّ وانا اذكر سعود
هويكفّيـنـي العـالـم وفزعـاتـهـا

صاحبي في المواقف يطغـي الـزود زود
مـن رجـالٍ .. تهـزّ القـوم نخواتهـا

ايه ..!! عزالله انّه ..! مـاوراه امعـدود
لـو يعـدّون خـلـق الله صولاتـهـا

ايه تكفـى .وتكفـى ياسعـود السعـود
ضاقـت الأرض منـى .. باتجاهاتـهـا

دنيتـي كـل ماحاولـت ألـم الجهـود
ضيعتني ...!! مـع الطرقـه متاهاتهـا

جعل حالك يزود .. وجعل طيبـك يسـود
المراجـل تـأمـل فـيـك هقواتـهـا

جيتك وجيّتي لـك فخـر ماهي صمـود
منـت مـن نـاسٍ تقابلـك زفراتـهـا

لمّني في جناحـك وانـت رجـلٍ سـدود
تنثنـي دونـك الشـكـة وخطواتـهـا

صرت عندك دخيل .. ! وداخلك لايعـود
غيـر ناسـي شقـا الدنيـا وغراتهـا

لاتخلينـي لـ.. نـار النوايـب وقــود
تحطب ضلوعي الأحـلام بـ.. سكاتهـا

قوم وأنت بـ.. مقامك تكسي الجود جود
والشجاعـه .. تصـدّر منـك مدّاتهـا

فزعتك تاصل الحروه .. وتبري الكبـود
جمّـل الله حالـك .. هـذي أوقاتـهـا


،،

،


من المملكة ياذبذبه ودي الموجات
مع الجو بارسالك على ديرة اوباما

لـ عبدالله بن محيل غني لنا الأبيات
انا مبطيٍ ماشفته اليال واياما

ولد عمي ونعمين لن راحت ولن جات
رفيق ومحبتنا على الطيب تتناما

ألا ياقصيدي مرحبا وابرك الحزات
لفيت بهجوسٍ فـ المواجيب تتحاما

يوم ان الحقوق يصير معها حجج واثبات
ومن ضيّع حقوقه يغنون له ياما

صدور العرب تغلي من مقابل الغرّات
وعلى حزّة التقدير شفقين واحياما

وراع الوفى والطيب ندمح له الهفوات
لكن التمادي في الخطا يلزم الزاما

وعندك ودونك مابدعته على مافات
عقال البعير وعندك شداد وخطاما

وحنا قرومٍ نجرح ونكسح الشمّات
نجي لك على الميعاد صاحين ونياما

ومن ورّث رجال ٍتشيل العَلَم مامات
ولا في عيون الحاسد المبغض ألاّ ! ما

يجيبون راس العلم من غير هاك وهات
ماعاشوا على طابع يابابا .. ويا ماما

هل الطيب والناموس والجود والفزعات
لهم في قلوب الناس تقدير واكراما ..!

أنا من قبيله ماتجي دونها الهقوات
بطولاتهم ماهي بـ تزييف ودراما

ابا اقابل العاقل واسامح هل الطالات
ولا اصير انا والجاهل اعداء واخصاما
،،

الله اللي عطاني منك بسمة أمل
صغرت في عيوني سابع المستحيل
؛
حبك وجود روحك مثل ورشة عمل
تجعل القلب شعلة من هواك العليل
:
والله اني ثقيل وفـ المواقف جمل
مار سكرة غلاك يخف منها الثقيل
:
وان بغيت اتعذّر بالتواصل وامل
ارتمى طيفك بصدري سواة الدخيل
؛
واصبح بما ملكته من شعوري ثمل
وكل عرقٍ على شانك يحط ويشيل
؛
أنت غالي وحبك في فؤادي كمل
ما لـ حبك شريك ولا لـ عشقك بديل

,

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الليل مايمديه يعزف لي الحان =البارحه ساريه واليوم سارح
على همومٍ جتني اشكال والوان =تأثرت منها جميع الجوارح
ماكنّي الا شخص معميه الادمان = تساوت بـ .. عينه جميع المطارح
لا مالكٍ قلبي ولا عقلي معان = ماغير اقابل للعظايم واطارح
لو ماني بـ .. قاصر طويلين الايمان = يمناي من درب المواجيب قارح
لدّتني عيون العواذل على شان = بقيت لـ .. جروح المحبة مسارح
اذوب من حالي على مر الازمان = مجروح لكن في المواجيب جارح
ولا حسبت حساب من كاينٍ كان = من سيرة المنقود والسود بارح [/poem]
,,

؛
وخر بدون مجاملات .. ومناقيد
ماني على كيفك .. ولاني لـ كيفك
؛
مثلك يروح بعيد .. ويخرّب بعيد
لأن بذر الخير ماهو .. حليفك
؛
حياتك لـ ربعك نمايم وتنكيد
ولافيه سوّ .. ألا تحطه رديفك
؛
لارافعٍ قاله .. ولا طايلٍ فيد
ووجيهنا مما تشيله تعيفك
؛
هذي صفاتك بين جملة وتفريد
وان لمّعوك أهل الردى بان زيفك

؛

في حفل أخي عبدالله الجميلي ..!




ياهجوسي تعالي واقربي بيت بيت
وانتقي لي من الشعر الجزيل اجزله
؛
لاستويتي لبدع القافية وابتديت
مايصادق كلام الرجل غير عمله
؛
؛
شلت حمل المحبة في الخفوق وسريت
ودي الحق على زمل الوفا واصله
؛
جاتني دعوة الغالي ومن حين جيت
شفت ضحكة حجاج وطيب ومهيله
؛
عند فخري هل الطالات ربعي ثبيت
آهل البيرق اللي ماحدٍ يجهله
؛
كم دفعني غلاهم ولوفاهم وفيت
والله اللي حباهم فـ الصدر منزله
؛
الكرام الحشام الهم مع المجد صيت
مايمدون غير امن الجميل أجمله

جيت .. اي والله ابارك لـ نجد ولقيت
نجد كله يشاركني بـ فرحة هله
؛
جيت اسلم على ساس الكرم بيت بيت
وانتقي لـ الحضور امن الجزيل اجزله

سجيت رجلي في الديار العتيبيه
اللي رخصنا دونها الروح من داني

كم سيرةٍ فيها من العز مبنيه
يشهد لها التاريخ من ماض الازماني

يوم انها شلفا وبندق وجنبيه
وثارٍ مابين فلان وفلان وفلاني

قبل السياسة والامور الحكومية
ومنظمات العفْو وحقوق الانساني

المجد لو تنشد عنه في السعودية
بيجاوبك وجّه على نجد تلقاني

واخذت لي فـ .. ربوعها روحه وجيه
اذكر بها التاريخ وفعول جداني

كم ضيقةٍ لاقبلت يانجد منسيه
راحت مع ترحيب ربعي وحباني

يا حلو ترحيب الرجال الحماسيه
اللي على صداه غنيت قيفاني

البارحة ياطيب ليل الرشاوية
ماكني الا بين أبويه وعماني

الطيب فيهم ورث ماهوب عارية
يستاهلون النعم ذربين الايماني

اهل اليدين الطايلات الرهاويه
المدح تزهاهم بيوته و تشعاني

جماليه جماليه نارهم حيه
اطرف جميلي مثل واحد من اخواني

-
هاك صدري يـ هبوب الباحه
ابرقي في خافقه واسقينا
:
مالقىينا غير قلة راحه
والسموم اللي تولّع فينا
:
المشاعر زهرةٍ فوّاحه
مير تاخذنا ولا تعطينا
؛
والمودة صايره مرجاحه
ماتسلّينا تسلّت فينا
؛
والوجيه الباردة مدّاحه
لاتحيينا ولا تحيينا
؛
والملامح سارقه مزّاحه
من حرامينا ومن حامينا
؛
وحلمنا طايح بوسط جراحه
ومن يشوف الحلم لايبكينا
؛
وملكنا في السوق خسر ارباحه
وعزنا ماهوب ملك ايدينا
؛
والقوافل حولها نبّاحه
أزعجتنا واقلقت صاحينا
؛
وشيخنا لو. ظَلنا بجناحه
نستمع له كيف مايوحينا
؛
لن نقل طيره وطى ملواحه
ولو تلحقناه مايمدينا
؛

البدع : خالد الروقي

ترى السواط انسان واعي وفهمان
وعلى القصيد العذب عنده جداره
:
وصنديد فالهيجاء وروغات الاذهان
وشباب للضيفان ..ضوء المناره
:
ويضحك حجاجه .. للعرب كل الاحيان
ومكانته عند النشاما صداره
:
لكن .. إذا هوجس بخدرات الاعيان
يزيد عنده ضغط ..قيج الحراره
:
ويطلب من السنبوك .. قبقب وربيان
ويشرب عصير التوت وسط الغضاره
:
لوشافته مندوبة حقوق الانسان
قالت ترى محمد يباله خفاره
:
ولا مر من عقب العصر سوق جيان
كتب بعد يشري هديه .. عباره
:
(شابت لحانا ياطويلين الايمان
والحب طب القلب مدري دماره)

-


الرد : محمد السواط



الشعر تركيب ومعاني ووجدان
مبناه بين المعرفة والشطارة
:
ماهو بـ ثوبٍ يلبسه كاينٍ كان
اليا بغاه يزين سكّر زراره
:
وخالد يغني به على مر الأزمان
ويبهره بالطيب ويشب ناره
:
شاعر يقلّب في القوافي والالحان
ويغيّر الموضوع حسب اختياره
:
مرات تلقى له مع الذود ذيدان
وامرار معميته كبوس الحضاره
:
واحيان يقرأ للحطيئة وجبران
واحيان ابن لعبون يخلف مساره
:
وده يشارك في حوارات الاديان
لكن نصيبه فوّته عن قطاره
:
عنده ركوب البحر والبر سيان
يشوف علو الموج مثل الزباره
:
هو لو معه حيله تقسّم على شان
يلقونه العربان في كل حاره
:
وعندي على ماقول يالربع برهان
هذا الكلام وزبدته في اختصاره

،
،



توافد الشعر من طيب المقام وزان طاريه
يزيد فـ الماقف الغصّاب فخر ومعنويه
:
وانا على العز والنوماس والعليا مخاويه
عن لازمي ماقصر ولا احتزيته لـ الرديّه
:
سيفٍ واسلّه ليا جاء واجبه في انحور اعادية
وآقدمه مع هل الطالات بن وشاذليه
:
أطرب معه وابدعه واسج بـ لحونه ولاحيه
شرد القوافي رفيقة دربي وتثّر عليه
:
يامرحبا بالقصيد اللي يبيض وجه راعيه
من فكر من يحبكه ويقدّمه فـ الاولوية
:
سرّيتهاا يوم سرّتني من البارح قوافيه
فـ الليلة اللي كستها بالوقار القابلية
:
والحين في لازم مجاهد ولو مابـ حتفي فيه
والله لسجّل على التقصير في حقّه قضية
:
قرمٍ مقدّيه ابن حجلي ولا خابت مساعيه
الاصوك اللي يعدّونه من رجال الحمية
:
ابوي ضلع الحجاز اللي مبادينا مباديه
كفٍ قويّه على المخطي وكفٍ حاتميه
:
لو قلت ما قلت : فـ الاوصاف ما والله اوفيه
الفارق اللي مواقيفه مع العالم مديٌه
:
ماهو بحاجة شهاده جعلنا فدوة مواطيه
الله يديمه لنا في ظل دنياه الهنيّه
:
باسمه نرحب على سلمٍ نموت ولا نخليه
هذي مواريثنا وسلوم أهلنا الاوليه
:
اللي لفى مرحبا به ياهلا والله يحييه
كرامة أهل الوفى نفرح بها والنار حيه
:
انقدّم الود والتقدير حيٍ بين أياديه
والعود الأزرق على عطر الورود الطايفه
:
حنا لا جانا الغريب اللافي نفزّ ونسليه
امن البشاشه وطيب النفس واليمنى النديه
:
لا حدّه الحال و ايامه تشابه مع لياليه
و جاء له من الوقت ما فرّق خويٍ عن خويه

نسوق ما نملكه دونه و نبذل جاه و وجيه
لين يتباشر ويبسط خاطره صبح و عشيه
:
وش لون عادالصديق اللي على الغالين نغليه
لو ياخذ المال كلّه ماحسبناها عطيّه
:
حنا ورى هقوة اللي يمّنا وجّه هقاويه
يفرح بها طيب وان ماجات توخذ عنجهيه
:
حنا لنا الحاضر و ( ماضي ) مجمّلنا بـ ماضيه
اللي على المجد والتاريخ يضرب له تحيه
:
من نسل ألاد السواط وعزّهم هذي مبانيه
اليوم ولا من أوّل في سنين الجاهليه

،،

،
،


‎الروح مجهولة .. حتى نرى الجسد ونسمع الصوت
‎والجسد لغز .. حتى يتكلم صاحبه .!

‎الجسد شكل والصوت ولوجٌ محدود داخل هذا الشكل
‎الروح كنزه وأعمق مافيه
‎عندما تصل الى روح شخص .. فإنك قد عرفته تمام
‎المعرفة ..

‎فإن اعجبتك روحه قيدك حبه
‎وإن لم تعجبك فلن يجذبك إليه إغراء جسده ولاعذوبة صوته

‎من يصل إلى الروح وصل إلى الحقيقة الكاملة
‎إن الروح لاتتغير ولا تتبدل حتى تُنزع
‎أما الجسد فالأيام كفيلة بتغييره والصوت كذلك

‎انتهى

،،