جناب الــود ..

ليّـن جنـاب الـود يـا ليّـن العـود
وألطـف وأساليـب المحبّـه عديـده
ل القسـا لاهـبّ تستـاقـه الـنـود
وأحـذر بعـد مـا ساقتـه تستعيـده
بإسم الوفا والحب والطيـب والجـود
الصـح عيـده والخطـا لا تعـيـده
عليك حـلّ الحبـل والحبـل معقـود
تعقّـدت روس الحـبـال الجـويـده
وراك ساكت والسما بـروق ورعـود
والليـل موحـش والهبايـب شديـده
مدري حداك الصمت وأصبحت محدود
وألاّ أنّ صوتـك فيـه نبـره جديـده
تنقل كـلام شفـاك بعيونـك السـود
وفي كل نظره منك .. جملـه مفيـده
كم قلت لك مأمـون والسـدّ مسـدود
والشـك زايـل والهقـاوي بعـيـده
خوفي من اهل الرقص والنقص والزود
وبثّي يا إذاعه وأنشري يـا جريـده ‍
قلبي لهـد كبـدي وعبـرّت ملهـود
وأنته حجر قلبـك وكبـدك حديـده ؟
خليّتني فـالشعـر حـاوي ومـردود
وعلّقتني فـي بـاب بيـت القصيـده
وأزريت أغنّي فيك يا باشـة الخـود
مما بدالي .. مـا بقـا لـي شريـده
جوارحـي لرضـاك مقتادهـا قـود
تقـول حاكمنـي بشـرع وعقـيـده
لاشك حكـم العشـق ماعنـه منشـود
وحكومـة العشّـاق ماهـي رشيـده
أنت اعتبر ما صار ماهوب مقصـود
وأنا أعتبر ما صار فرصـه سعيـده
وسلمتوا






صح السانك ياسدااااح


والله انك مصيبه


الكبير كبير

قصيده في ذروة الابداااااع


رااااائع


ولو بتكلم بعد ماني موفي القصيده حقها

سجل اعجابي

انتظر جديدك يالمبدع


اخوووووووك
.
.
.
.
نواف ناصر