ذيب يقول لمستور(عتيبه صداقتها تجينا على دفعات..!!)

[align=center]هذه المحاوره حصلت في مهرجان بن لعبون في الكويت قبل اكثر من 5 سنين..تقريبا..
وكانا يتكلما عن موضوع خاص..وانتم تعرفونه..
أليكـــم الطاروق[/align]
[poem=font="Simplified Arabic,4,black,bold,normal" bkcolor="darkblue" bkimage="backgrounds/20.gif" border="groove,6,darkblue" type=0 line=0 align=center use=ex num="0,black"]
البدايه من العلم والمخضرم ذيب الشمري حين قال:
يقول المعزب مرحبا وابرك الساعات=يدوم التعاون للشعوب الخليجيه
الا يالعصيمي عندي علوم محفوظات=من اشهر وعندي لك دروسٍ خصوصيه


رد مستور قال:
يدوم البقا والله يصلح لنا النيات=اغني بها بسمي وبسم السعوديه
انا اعرف علومك خلها همزةٍ بسكات=ويحتار فكرك بين هذي وهذيه


رد ذيب الشمري:
بعد جالك الفنان واعطيته الابيات=قصايدك غنوها(فواااااصل)موسيقيه
تكلمت بالاحياء وشهرت بالاموات=كلامٍ يسبب ضغط وامراض نفسيه


رد مستور:
نصحت الولد عن ذي السوالف عشر مرات=لكن في راسه راسه ثلاثين جنيه
انا معك وانته معي لاتلحق اللي فات=وربي شرّع لعباده احكام شرعيه


رد ذيب الشمري:
تبي تنصح الرعيان بالدبلماسيات=ولاعند رعيان الغنم دبلماسيه
ضروري من الماضي نطوّف بعض صفحات=ولا كل صفحه يالعصيمي ضروريه


رد مستور:
جميع الرجال ارجال مير العقول افوات=بعضهم يروح ولايجيب الاماريه
عسى الله يبعدنا عن الشر والنكبات=والارواح ماموره والارواح منهيه


رد ذيب الشمري:
اذا نترك الواقع ونمشي على الرغبات=تضيع الكثير من الحقوق الجماعيه
عتيبه صداقتها تجيان على دفعات=ثلاثين بالميه وخمسين بالميه


رد مستور:
الا ياصحيبي ضم صوتك مع الاصوات=ومن يعمل الحسنات ما يعمل السيّه
ياذيب الذيابه صرت عله من العلات=نجهّز على الاصحاب قوات حربيه


رد ذيب الشمري:
الا ياعتيبه رشوا الارض بالخيرات=ينام الغبار اللي يثير الحساسيه
عفا الله عنكم خففوا حدة النعرات=نقول القلم مرفوع والصحف مطويه



وشكرا...[/poem]

جراح

كل الشكر

لك


على كتابة هذا الطاروق...


تحياتي وتقديري...

محاوره جميله بين شاعرين قديرين


لاشلّت يمينك ياجرّاح

ودمت

وليد ذيب الشمري


مرحبا فيك





لا شكر على واجب

محمد صالح العتيبي



يسلم حضورك



تحياتي