قصائد من ديوان الشاعر الكبير/ صحن بن قويعان

المشاركة الأصلية كتبت بواسطة حسين ضيف الله الدوسري

ياالله عسى من طالنا منه معروف
يطول عمره في حيـاة السعـاده

وردانا في كنة القيـض هفهـوف
بمكيفـاتٍ نلتحـف عـن بـراده

الناس يلهبها الظما بوسط الجوف
وحنا أسود الما مالنـا فيـه راده

وأنوارنا يجذب سناها عن الشوف
من شافها وقـع لقولـي شهـاده

من مال من يعطي قويين وضعوف
مسيارهم من كـل ديـره مـراده

ليا ضاق ديوانه مسايير وضيـوف
هذا طرب قلبـه وهـذي عيـاده

مل المقهوي بين مقعاد ووقـوف
فـي متبعـاةٍ مابـيـذر قـنـاده

خلافهن كبش ليا جيـب منسـوف
على فقاره مثـل قطـن الوسـاده

بندر ليا زادوا هل البنك بولـوف
يزود مـن غالـي حلالـه نفـاده

لولا هروج مكذبة كـل مشيـوف
ابديت مـا كنيـت عنـدي زيـاده

ببن الذي يمن ذراهم عن الخـوف
ليا جاهم المطلوب هم راس مـاده

دوشان مقطع حقهم ببـو حنـوف
عنهم سيوف الهند تعطي الأفـاده

يشهدلهم بفعالهم شلـف وسيـوف
وقبٍ لهم في ماقف الضيق عـاده

عاداتهم دقمت شبا كـل منحـوف
من شيـخ قـومٍ مايسنـد جـواده

اجيب عن تاريخهم رمز وحروف
والهرج يكفي عن كثيـره وكـاده



الله الله الله ياسلام
الاخ سعود


دائمآ كعادتك تقدم مايثري هذه الصفحة من سير شعراء أعلام

الله يعطيك العافية ياسعود

ويبيض وجهك

تقبل تقديري
اخوك حسين الدوسرى

هلا والله بأستاذي حسين الدوسري

انا كلي امتنان لمرورك الكريم وشهادنك افتخر بها لاعدمتك

وبأذن الله سترى اللي يعجبك من دواوين شعراء مطير

تقبلي عاطر التحايا

اخوك سعود