يأهل الهوى مابقالي في هواكـم لـزوم

المشاركة الأصلية كتبت بواسطة سعد بن حبشان

[align=center]تحيه طيبه
قصيده متواضعه للتواصل
اتمنى ان تنال الرضى[/align]


[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
‘‘ ‘‘ ‘‘ ‘‘

لاضيّق الوقت صدري بين ليـلٍ ويـوم = وزادت عليّ الهموم وبانـت أعراضهـا

وأمسىَ بقلبي لصلفات الطواري وسـوم = والعين سامر نظرهـا بـارقٍ هاضهـا

وتاقت حيام الهجوس لصاملات العلـوم = اللي ورىَ الصدر مشتاهـا ومقياضهـا

ورّدتها لين تروى والخفـوق مخـدوم = من جمّـةٍ يصـدُر الـروّاي ماغاضهـا

يأهل الهوى مابقالي في هواكـم لـزوم = خربَت قلوب العباد وكثـرث أمراضهـا

عُقب الوفا والصراحه والطرب والسلوم = شدّت طوال العلوم وحلّـت اعراضهـا

واليوم يأهل انفتاح التقنيـه والرقـوم = ماباقي الاّ رسـوم الحـب وأنقاضهـا

الحب مايتبع الموضه وطـرز الهـدوم = ويخلف مذاهب طيور العشق وألفاضهـا

والحب ماهوب رسمة قلب فيها سهـوم = مابيـن هاذيـك زعّلهـا وذي راضهـا

اليوم كل ٍ يصيد وكـل طيـر ٍ يحـوم = وكم صيدة ٍ شاع ماقعهـا ومنهاضهـا

لين اصبح الحب حربً مثل حرب النجوم = واللي ماتِرخِص شيمها تِهتَك أعراضها

والعز مأحد ٍ لبس ثوبـه بليّـا كمـوم = جعل المنايا تقـود الـلاش لحياضهـا

تصحى القلوب الجَبانه في الحلوم وتنوم = والليل يضحـك براضيهـا ومغتاضهـا

وتكتُب حكايات عشق ٍ من خيال الرخوم = وتجارب ٍ ماتبيّض وجه مـن خاضهـا

لكنّ لـولا التغيّـر والفتـن والسمـوم = ماكان جفّت ريـاض القـاع وفياضهـا

واللي تغيّر ماهو بس الهوى والسلوم!! = اليوم حتى الصداقه كثـرت أغراضهـا



‘‘ ‘‘ ‘‘ ‘‘

وسلامتكم[/poem]

سعد


واللي تغيّر ماهو بس الهوى والسلـوم!!اليوم حتى الصداقه كثـرت أغراضهـا



صدقت



وابدعت




صح لسانك




وسجل اعجابي




لاهنت