هوى نفسي !

كنت احاول نسخ بيت أو بيتين للاستشهاد ..

ولكن بلاشك ياخالد الحصيّن لم أجد بدا ً من نسخ الابداع كاملا بحذافيره :-


على ويش اتعذّب في هوى نفسـي .. واسـلّ الحـال
ونفسـي ماهـي (ا) بمحـدوده .. ولا الله مكلّفـهـا
يكفّينـي ويقنعنـي مـن الاربـاح .. راس الـمـال
وترضينـي طموحـاتٍ علـى غـيـري .. مغلّفـهـا
لساني رطب .. يا (ف)الذكر .. والا (ف)ارحبوا يارجال
وصمتي .. يلْجم اللـي كـل مـا سولـف .. يهدّفهـا
وقلبي .. قلب من عاصر زمان الطرش .. واليـا مـال
وهـو دون الخـوي القـرم .. لا يسهـى ولا يفهـى!
يجوز ان الظروف تلوفنـي .. لكـن علـى مـا قـال
سـلام الله علـى اللـي يفهـم اوضاعـي ويعرفهـا
الا يا خـال انـا مـا جيتـك .. الا والقصـار طـوال
لكـن وشلـون ابشـرح لـك معاناتـي .. واوصّفهـا
وانا ما بيني وبينك سـوى ضحكـه .. وحبّـة خـال
وشموخٍ .. يربك اقوى سالفـه .. لاجيـت اسولفهـا
بغيـت .. ولا قـدرت اعـدّل .. الا عقالـي المـيّـال
وعجـزت ازاحـم رجـال المواقـف فـي مواقفـهـا
سنه مرّت .. ودار الحـول .. مـن شـوّال لا شـوّال
ومخاليبـي تجـوّد فــي جناحيـنـي .. وتنتفـهـا
لو ان الحلم يقدر يجعل من الرجـل .. رجـل اعمـال
قضيـت العمـر كلـه نـوم .. ليـن الله يصرّفـهـا
لكن يا خال لو لا البـرق .. مـا جـا للخيـال خيـال
ولا جيتـك .. وعينـي تحبـس الدمعـه وتذرفـهـا
يا خال ابيـك تثبـت للخصـوم .. ان للبناخـي خـال
وانا بثبت علـى سمعتـك .. واحماهـا .. واشرّفهـا




شاعر لحضورك أكبر الرتب الشعريه واعلاها ..
ولجمهورك ( وانا احدهم ) عليك حق فلاتبخل علينا بإبداعاتك المشهوده يابوفيصل ..
مع يقيني المسبق بأنك لاتكتب شيئا من اجل الكتابه فقط .. ولكن تأكد بأننا ننتظرك في كل موقف بكامل اللهفه


مودك ومعجبك

سلامي عليكـ ..