.. النهر الخالد ( شعر مرئي ، مقروء ، مسموع ) ..

[align=center]
يا جــر قلبي جــر لدن الغصوني

من أشـهر القصائد وأكثرها شـعبية

شـاعرها العملاق الراحل :

دخيل الله بن مرضي الدجيما الروقي رحمه الله الشهير بـ ( الدجيما )





استمع للقصيدة وقصتها ..



[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياجر قلبـي جـر لـدن الغصونـي =وغصون سدر ٍ جرها السيل جرا
وأهله من أول بالـورق يورقونـي =على غدير ٍ تحتـه المـا يقـرا
على الـذي مشيـه تخـطا بهونـي =وعصير من بين الفريقين مرا
لا والله اللي بالهـوى هوجرونـي =هجر ٍ بها الحيلات عيّت تسـرا
لا مبـعـد ٍ عنـهـم ولا قربـونـي =ولاعايف ٍ منهم ولانـي بمـورا
واكثر عذاب القلب يـوم سنحونـي =بيـّح ابصبري لو بغيـت اتـدرا
لاضاق صدري قمت اباري ضعوني =كني غريب ٍ بالدلوهـة مضـرا
وقلبي عليه اشفق وتبكي عيونـي =والحال من ود الحبيـّب تبـرا
ياعزتا لي مـن تفـرق اشطونـي =ياعزالي ارمي بالسلب واتعـرا
ان مت فـي خـد ٍ بعيـد انقلونـي =على هدي الزمل مشيـه تـدرا
ان مت في دافي حشـاه ادفنونـي =في مستكن الروح ماهو ببـرا
ياليتهـم بالحـب مـا ولعـونـي =كان ابعدوا عني بخير ٍ وشـرا
ولا انهـم يـوم انهـم قربـونـي =خلوني اقضي حاجتي واتـدرا
وياليتهم في الـدرب ما واجهونـي =وياليتهم مازادوا الحـر حـرا
وياليتهم عـن حاجتـي سايلونـي =يوم ٍ اني اقعد عندهم واتحـرا
الخد بـرق ٍ فـي علـو المزونـي =تقول براق ٍ من الصيـف سـرا
وقفـت عنـده شابحـات ٍ عيونـي =كني غريـر ٍ باللهاوي مضـرا [/poem]




[/align]