إحـسـاس مُـطـلَـقْ ..!!

[align=center]


[align=center]عند هروب الشمس لملاذها .. خلف جبال الأمس

نتذكر .. وكم هي مؤلمه الذكرى ..!!

سأكتب الذكرى .. :

عند أحتدام الغضب .. طلبت الفراق منها

وأستسلمت لقراري الظالم حينها

ولكنها ذهبت بغير علمي لتقبل ملابسي .. ظنا ً منها أنها لن تعود مره أخرى إلي وكنت أناديها لأستعجلها للذهاب لمنفاها الجديد البعيد ..!![/align]



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ليت الوداع اللي بلا معنـى يجـي دايـم قصيـر=هاتي يمينك .. وأرجعي .. خسران منهو زعلـك
عزالله أني من رحلتـي حالتـي ماهـي بخيـر=من يـوم حبيتـي ملابـس فاقـدك وأستعجلـك
رحتي وأحس أني بعد غيبتـك بالدنيـا (فقيـر)=وأنا بوجودك يالاميره كنت أظـن أنـي (ملـك)
أشتاق وأحزن وأحبس العبرات وأتأمـل وأحيـر=وكثيـر وأنتـي غايبـه ودي أجيلـك وأسئلـك
ترضين ؟ أدور حظن يحظني ؟ وأجيلك وأستخير؟=وترضين؟ أحطك في عيوني وسبّة الحزن أهملك؟
عودي أنا كلي ندم / أسـف مـع نفسـي كثيـر=وأقول : يا باب الزعل عطني قفولـك و أقفلـك
حبيبتي هاتي يمينك .. وأفرش ضلوعـي حريـر=والشوق من قبل الوصال يعن لـك ثـم ياصلـك
أنتي حياتـي المقبلـه ودروب تقريـر المصيـر=وأنا حبيبك وأجمـل أيامـك وأنـا حتـى هلـك [/poem]




[align=center]ولم تأتي .. ياليتني قبلت ملابسها أنا أيضا ً..!!


<< بل ليتك لم تقرر فراقها يا ظالم ..!! [/align][/align]




.

[align=center]ج
ر
ح

ثلاثة حروف .. تستر ورائها .. معاناه ..!!

بغفله من ذهني الهائم بالغرام .. المخدّر بالهيام

بعد ما ((رجح)) ميزان حبه فيّ جرحني ((جرح)) عميق ../ بقلب ٍ من ((حجر)) وأمسى قلبي وضعه ((حرج)) .. بين أهات الأسى .. والسهر الطويل ..!!


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الجرح .. مو شيٍ جديد = عندك خفوقي .. وأفتحه
بس الجديد .. أنه يزيد = جرحي وحلمي يذبحه
خوّان .. وأحساسه جليد = يكتب هواي ويمسحه
مفقود .. باليوم الشديد = موجود .. عند المصلحه
يجرح .. وسكينه حديد = والهم فيني ..يفرحه
لا زلت من عقبه .. وحيد = أضم حزني .. وأكبحه
والحزن .. في دم الوريد=وأحيان .. دمعي ينضحه
يا صاحبي .. صبحي بعيد = عجزت أشوفه .. وأصبحه
متى يجي عشق ٍ جديد = وأسعد فؤادي .. وأفتحه [/poem]

( قلـب مغلـق للصيانـه ) [/align]

[align=center]أضناني الأنتظار .. وليل يأتي .. وليل يغيب .. وقلب يسأل بلا مجيب ..!!

وفجأه بأحدى ليال الأنتظار .. جائني خبر فاجع .. وأعلمت أحد الأصدقاء / الشاعر محمد بن رشيد عنه وقال تأكد من الخبر اليوم ..!!

وقلت :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اليوم هيّن نوم ما عاد به نوم = بنشد عسا كل الحكايه تجي كذب [/poem]

قال :

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
افزع ودور من حواليهم اعلوم = عن كامل الاوصاف والمبسم العذب[/poem]

قلت :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من يوم راحت والعمر يقبل السوم = العرس هيّن لكن الموت ابن ((..))[/poem]

قال :

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الحب كم جاء فيه ضالم ومضلوم =واللي كتبه الله قسمه من الرب[/poem]

قلت :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عل وعساني من عنا الحب مرحوم= مليت أعيش بقلب ميّت من الحب[/poem]

قال :

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مبغى من ادروب الهوى يلحقك لوم = لن طعتني عن ماتبقى منه تب[/poem]

قلت :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مقدر مدام القلب بالحب مرغوم = هذا مرض مزمن وما عاد له طب [/poem]

قال :

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ماعاد يبقى الا علامات ورسوم = والعمر مطوي والاجل قام يقرب[/poem]


وجل رب الجلاله ..ويكمل الأنسان أرتحاله .. في رحلة حياته

حتى يعقل راحلته هناك .. بين يدي الرحمان .. وكما قال صديقي أبو مالك : ما عاد يبقى الا علامات ورسوم ../ عسا رسومي تطلق وجهي .. يوم تعديد الرسوم ..!!

وأن شاء الله أني (مطلق) ..!! [/align]

[align=center],
.
,






[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ما غيرهم ../ حزن وقصيد وزقاير = من يوم غبتي ../ والثلاث أخويايه ..!!
بين الهواجس صرت داير وحاير = حتى صباحي صار يشبه مسايه ..!!
ماسك قلم وأرسم بصفحه ../ دواير = أدور فيها .. دون علم ودرايه ..!!
لا مرّت الذكرى أفك الزراير = من ضيقتي ../ خالط ونيني غنايه ..!! [/poem]

,
.
,
,
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

أشرب زقاره .. وأتذكر ما مضى / قبل الفراق = وأقول يا هم الندم فك الخفوق وفكني ..![/poem]




عشق لأخر .. مزّه ..!! [/align]

[align=center]


شُرفة جولييت

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الله يا حب الشَـرف اللـي بـدا فـوق الشُـرف=كانت مشاويري لها من الخريف إلـى الخريـف
كانت ليالـي هالمدينـه فـي سكينتهـا سـرف=الكل نايم / بس أنا ساري مخاوينـي الرصيـف
أوصل / أوقّف / التفت / وأحذف حصاتي بالطرف=وتظهر علي وكنني مـن قبـل أقابلهـا كفيـف
كانت سوالفها / عطر / وأشواق / وثياب / وترف=وسوالفي كانت قساوة كيف أحصل لـي رغيـف
كان التلاقي له طعم وألـوان والهمسـه طـرف=والحب عصفوره تغنـي لكـن الواقـع مخيـف
القلب من دمه نزف والشوف مـن دمعـه ذرف=عشنا بساطة عشقنـا بـس أنتهينـا بالكليـف
رحنا ولا كنا هنا / جذع ٍ مـن السيـل أنجـرف=قصه تسولفهـا دبـي وأحيـان تبكيهـا جنيـف
صرنا مثل لأهل الهوى / منا عرف من لا عرف=جولييت ولا روميو هذا الوليـف مـع الوليـف
متنـا وقصتنـا بقـت / كـل ٍ كتبنـا وأحتـرف=وحنا لك الله في هوانا من نزيـف ٍ فـي نزيـف
الله يا حظ الشٌرف بقـت مثـل ماهـي شٌـرف=جولييت ما طلت بعـد وأنـا تركتـك يالرصيـف [/poem]








أسطوره .. لم تكتب على قلبين بأرض الواقع .. ولو كتبت لجفت أقلامها وأحترقت أوراقها ..!!

لأن ../ الأحلام .. تموت حين تحقق ..!! [/align]

[align=center]شخابيط في جدار العقل ..!!

:: :: ::

الشـهره الشعريـه

الشـهره .. الشرهـه ..!!

تبديـل أماكـن الحـروف .. تقلبهـا لوضـعهـا الجـاري

ولكـن كلمـة الشرهـه لهـا معنيين :

شرهـة الرجـال / وتعنـي العتـب

شـرهـة الفلـوس / وتعنـي إهداء النقـود


لذلـك الشهـره متصلـه بالشرهتـان ألان

شرهـة الرجـال تأتي عنـد التهريـج وأصطنـاع الإثـاره بالحضـور والنصـوص ..!!

شـرهـة الفلـوس تـأتي عنـد النجوميـه ووصـول الشاعـر للطبقـه المخمليـه وأصحاب النفـوذ وذلك لتلميـع من يستحـق ومن لا يستحـق والنظـر إلى الجيـوب ليـس إلى العيـوب ..!!

والأغلبيـه .. شـوهة صـورة الأقليـه

وبعض الأقليـه .. لكـي تعيـش برفاهيـه وتحافـظ علـى النجوميـه سلكـت طريـق الاغلبيـه

وإذا كانـت الشهـره .. شـرهـه / فـ الحمدللـه إن الشعـر .. ليـس الشـرع ..!!

وأول الأمـر و أخـره يبقـى هـذا الكـلام :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لأحد ٍ يعصّب على الثاني=وجهة نظر مطلق الجبعاء ..!! [/poem][/align]

[align=center]لا زالت هناك .. حروف تكتب بلغه ((سوداء)) ..!!




/
؛؛
/
؛؛


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أيه ألتمس في ظلامي نور وأشعر به = ولا زلت أقرّب وأقرّب .. لين يحرقني
يا بعد هالنور عن عيني .. ويا قربه = أحيان يهدي أمل .. وأحيان يسرقني
كتمت أمسي ألم .. وأنفقعت القربه = خذاني النور .. وأغربني ولا أشرقني
حاربت سلمه .. ولا قاومت في حربه = عن باقي أهل الظلام .. بهمّه أفرقني
هذا ظلام السنين .. وداره الغربه = سبحت سبع البحور .. ودمعي أغرقني [/poem]



؟[/align]