مطبّات (2)

لو اتصل عليك واحد من ربعك وقال يابو فلان قلت سم
قال : فيه مباراة نهائي في المكان الفلاني
و نبيك تحكم المباراة وانا طالبك تقول تم
قلت انت من رداة الحظ : تم
المهم رحت انت ورفيقك و بدت المباراة و خويك مشى
و كان المباراة بين صاحب الارض و الجمهور و فريق من منطقة بعيد
المهم ان المباراة من يوم بدت و هي حامييييييييه وشد اعصاب و الجماهير تصيح و العالم اكوام جايين يتفرجون من كل اقطار الدنيا
المهم واحد من الفريق صاحب الارض تسبب في فاول و صكيته بكرت اصفر و هو يجلس يحتج ويتكلم عليك و يسب وانت تصكه بالاحمر
قال انا بطلع لكن ( والله لو ما نفوز ان تشوف شيء مابعد شفته )
و من هنا بدت الشراره الاولى

طلع الرجال وانت تشوف ويوم بدت المباراة وانت تشوف الرجال يكلم بالجوال و كل شوي سيارة واقفة مليانة ( عتاوده ) كل واحد اكبر من الثاني و ماتمر خمس دقايق الا وسيارة ثانية وراها
وشوي ويوم انتصف الشوط الثاني الا وانت ما عاد تشوف آخر السيارات من اولها .!

و النتيجة تعادل
و يوووووووووم جت آخر الدقايق وواحد من الفريق ( الضيوف ) يشوت الكورة فالباب و يقوم واحد من الفريق الخصم و يصد الكورة بيده قدام الله و خلقه .! ( عيني عينك )
يعني بلنتي ..
و انت تسوي نفسك ما شفته و الحكم الرابع يناديك و حكم الراية رافع يدة يأشر لك
و الفريق الضيف يوقف يحتج ..
وانت متردد تبي تشوف سيارتك قريب و الا لا ؟
الا والرجال (راعي الكرت الاحمر) هو وربعه (اللي مالهم حد) يأشرون لك ( بالجنابي والعصي ) من ورى السيارات ..

والمباراة هالحين واقفة وينتظرون قرارك
وش السواة ؟؟