اعمار

[align=center][poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياأللي تحز القلب من غير منشار=لو صار حبك مثل ربح التجاره
ربحت لي تسعه وتسعين مليار=قدام ليل الكون يبدا نهاره
كل الهوا عند العرب شعله ونار=وانته هوى قلبك خصيم الحراره
بنيت لك بالشوق في خافقي دار=دار"كبير"والمحبه اجداره
دار"طوال الوقت ماهوب ينهار=لو قالو ان اسهيل خلا مداره
من هيكله لو شافته شركة اعمار=تكتب على اللوحات كبر الخساره
وطيار قلبي فوق طيارته طار=يبغي على قلبك يحصل مطاره
طيارة"ركابها بس طيار=وذخيرته شوق"يهد العماره
دايم على جيش الوفا يطلب الثار=وعلى عهود الصدق مامات ثاره
ابرز اوصوفه لاسمع صوت الأنذار=يرسل على الخاين ثمانين غاره
واليوم قلبك لايقدم لي اعذار=العذر للعشاق زند وشراره
قلبي لفالك والوفا داخله حار=والشوق ينبض فيه تاره وتاره
ارجوك ابعلمك بالعلم واختار=لاجاك قلبي لاتنقص وقاره
اما الا من جاك تفرش له ازهار=والاتعذر له ورده اللداره[/poem][/align]