شوارد الفكر

[align=center]مقتطفات من ابداع الشاعر المعروف هتاش منير الهروال[/align]

[poem= font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياصافي النيه ترى الوقت مقلوب=خافيه بان ولابقابه غرابه

وقتٍ هواه وماه مهوب مرغوب=وجّه قبيحه والمليح اللتهابه

ماعاد فيه اثنين بخلاق وسلوب=وجل الشكوك تثور بين القرابه

وحبل الوصال يجذ بيدين جاذوب=مستخدمٍ للسانيه والحطابه

يلقون فالماضي مناقيد وعيوب= والحاضر ادها لوشافو عيابه[/poem]

[poem= font="Simplified Arabic,5,royalblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كل ماقف للسعاده فالقبول=لليمين تروح وابقى فالايسار

عشت في حضن الندم عشرين حول=ماكتبلي في مغازي انتصار

درت بلدان العرب عرضٍ وطول=اتنقل من مطار الي مطار

في طلب هيماً على مثلي جفول=ترتكب عني اليا اقبلت الفرار
ودللت غيري بزينات الدلول=تختصرله طايل الدرب اختصار
وفرشة له عقر داره بزلول=وجعلة له مع هل الاشوار شار

واللبستهم فوق زين البس للول=واشعلة له في سواد الليل نار

وارخصة مقدار ذربين الفعول=ماتعاينهم بعين الاعتبار

لعنبوها مالهاطرفٍ خجول= سعد منهو من بلاويهامجار

مارمةبه في المزالق والوحول= كل مايرقا تذبه بنحدار

واهني منهو بعشرتها جهول= اوتركها مع قصيرين العمار

ماشكى منها على حاله ميول=ولاحجز فيها على الدور انتظار

مل منها صاحب القلب الملول=حارفيها واختنق والدم فار

مثل حالي كم شكى منهازحول=الرجال الي الهم قدروقار

مامشة معهم على حسب الاوصول=عاكستهم بالوقوف وبالمسار

ولبستهم من قديمات السمول=وحذفتهم بين غار وبين نار

فرقة بين البدايد والشمول =واخلت والاوكار من شقر الحرار

واغلقة من دونهم صم القفول=وتركة بعض المراسم والاثار

ذكرياتٍ للنواشي ماتزول=مثل جزلات السوالف والاابار

بس اظن عيون بعض الناس حول=مايهمه لوتعداه القطار

كنه الي ضاربٍ كاس الكحول=ضاع بين المشترا والمستعار[/poem]

[poem= font="Simplified Arabic,5,red,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماتشيب النواصي قبل سن المشيب=كود من حسةٍ تلحق بركب الشباب

لوبعض المواقف فيه شيً عجيب=يسعد الروح مره والف مره عذاب

اّمنً في رجوعه وادري انه صعيب=يالله انك تحل الي وراه الصعاب

يمكن الله يحل المشكله عن قريب= ويتبين محياً سد ذاك الاحجاب

اتحرى شروق الشمس عقب المغيب=والخطايا خذتني لين ضاع الصواب

كل مارمي حبالي مع ورودالقليب= يقصراً الحبال ولاحصلي شراب

واتحمل ضماى ولاطلبت الشريب=فزعته لواصدر ماسقيت الركاب

والله ني تعبت ولاحصلي نصيب = اذهبتني هويدا جعلها بذهاب

صوبتني صوابٍ قص عظمٍ صليب=بس من حمد ربي مالحقبي عياب

وجرحتني جرح فالضماير عطيب=واعرضة عن سوالي ماعطتني جواب

واوقفتني لاودي واوقفتني لااجيب=واحرمتني طلوعي فوق شم الهضاب

قضبتني على ماقيل بطن الشعيب=واحجبة عن الرؤيا كتام وضباب

لاتشوف العيون ولالصوتي مجيب=كود في خرمسي الليل صوت الذياب

بس انا ماعلي لوعوى كل ذيب=مال سرحان عندي غير حد الحراب

حربتي في يميني ماغدربي حريب=والاعداء ماتهاب منازلت من يهاب

ومن نصب لي كمينه ماحسبته صحيب=حتى لوكان ذاك الشخص حضرة جناب

مايروم المعالي من دناله حضيب=كود من لايحسب للتوالي حساب

واحدٍ مايخلي حجة لطليب= فايزٍمادخل في جولة الانتخاب[/poem]