وقتٍ يشيب الورع في سن الفطام ...كيف الرجال اللي جزال اعلومها

كيبورديه أمل أن تحوز على رضاكم
[poem=font="Simplified Arabic,5,black,normal,normal" bkcolor="transparent" bkimage="" border="none,4,black" type=2 line=0 align=center use=ex num="0,black""]

البارحة والناس في حلوالمنام=عيني سهيرة ماهنت في نومها
أجاذب الونات وضلوعي حطام=تشب فيها النار حسب اهمومها
وأنا همومي زودت في السقام=ماغير أحايلها على منظومها
ماهوب من خلٍ ذبحني بالغرام=وأركا على كبدي وزاد اوسومها
من هالزمن يومه عرض لي بالسهام=شف حالتي من صكته مالومها
وقتٍ يشيب الورع في سن الفطام=كيف الرجال اللي جزال اعلومها
تغيرت فيه المفاهيم العظام=وضاعت تقاليد العرب وسلومها
شوفوا معالم وقفتي مثل الغمام=اللي رياح الوقت ضد اقدومها
تلفها لفه وتودعها ركام=وتغيب مايبقى ولو ارسومها
وقتٍ رياحه ضد عالين المقام=تنفض جزيل العرف لين يرومها
من برق بوقته ويطمح بالسنام=يعذر منه من عقب وقع اسهومها
ماهيب إله للي يخالف فالنظام=ونفسه على درب البلاسه هومها
حزنت لجل اللي طموحه للأمام=اللي على الطاله لحم ملحومها
واليوم في وجهه تعكر وانقسام=بعد الخلايق غيرت مفهومها[/poem]وسلامتطك