الشيخ/جمل بن ناصر بن شري القحطاني,,,

السلام عليكم ورحمة الله وبركاته.


قصيدة ألقيتها امام صاحب الايادي البيضاء الشيخ/جمل بن ناصر بن شري.

في مخيمه الذي اقامه في دولة الكويت اثر مشاركته في مزاين الشهيد/فهد الاحمد رحمه الله.



صلوا على النبي




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


مدام قاعي مجدبه والحظ ماهو استريت=يامرحبا ياسادتي ياسادتي والليل طال
ماني بغني من زعل مير اسمعوا يأهل الكويت=ولا اتغزل في هنوفِ وصفها فيه الجمال
لكن على طاري العروبه شفتلي شي وبكيت=وليا بكيت وثم بكيت وثم بكيت الدمع سال
ابنفجر واحدث دوي ماهو بصوت الدانميت=مثل انفجار القمبله على هوروشيمه مثال
البارحه جفني معاند مايبي حلو المبيت=والراس مل من التفاكير الكثيره والثقال
على زمانِ فات لامني ذكرته ماقويت=كن الطفوله في خفوقي ذكرها عزم وشال
ياذيب ياللي من ورى حدب الضلوع أليا عويت=ياذيب ياذيب الحشا مالي على الصبر احتمال
لاصار بنت الحاس تضحك وش على بنت السبيت=هذه حداها الضيم والاخرى تمشى في دلال
بالله ياعوج السنين ان كان في وصلي جفيت=خليني اعيش العمر وانسي معي درب الوصال
من أولِ ابكي قفا واليوم ماكني دريت=ابكي اما الناس من صبحي أليا وقت الزوال
شاعر ولي منطق ولي اسلوب لامني حكيت=وجندل الشعار فالميدان يافن القتال
وان شفت راع الطيب والفزعات لبيته وجيت=غصبِ علي اني ألبي ياكرميين السبال
جمل بن ناصر بن شري ليامنك نصيت=شيخِ عزيز بشوفته نفرح ويفرح فالرجال
حييت ياشيخِ ليا شفته احس اني حييت=حللت اهلا مرحبابك بالتراحيب الجزال
وانا من رجالِ عريبيينِ لهم فالمجد صيت=من ساس هاجر من عبيده فقحطان وآل آل
من الهيازع من بني هاجر وفي شعري رقيت=رقيت في شعري من الابداع هماتِ طوال
يامرحبا فالشيخ واللي معه يوم اني لفيت=شفته واشوف ان العشا فعيون شيخِ له خصال
وافي شجاع وشهم متواضع كريم ولايبيت=الا على روس الاماكن فوق في روس الجبال
ياشيخ جمل مرحبابك لو ارحب ماكفيت=يامرحبابك مرحبابك عد حبات الرمال
وعد الفنادق والغرف واهل الغرف واهل السويت=عد المطر عد الشجر والريح لاهبة شمال
جمل بن ناصر بن شري وعزالله لقيت=شيخِ قوي الباس من قحطان صلبين الفعال
يالبرق يالرعاد يالرذراذ ياسيلِ جريت=يالعز ياجود الكرم يالجود جودك راس مال
يالنمر يالضرغام يالفهد الشجاع أليا غزيت=أليا غزيت بغزوتك كن الغنايم لك حلال
يالعز يالتقدير يالتشريف بالعليا مشيت=يالمجد ياراس الوفاء يالصدق ياذرب المقال
ياحبكة التصوير في مبداء القوافي لابديت=ياذروة افعال العرب ياقمت هضاب التلال
انت المطر لامن نزل وانت البحر لامن عطيت=وانت التراحم والتواصل والتواضع طيب فال
وانت الغيوم اللي سقت بالغيث ياغيم وسقيت=وانت الحليم انت الصبر وانت الفخر وانت المحال
وانت السحاب اللي يمر الجو يالمزن وغشيت=حتى يربع قاع ذاك الجو يا اصحاب الحلال
وانت الترابط فالاهل وانت الهقاوي لاهقيت=وانت التبين فالخبر لامن حصل قيل وقال
وانت الرماح الصايبه والله رمى ثمِ رميت=وانت السيوف الصارمه حلال لعقود الحبال
وانت الذي فالموقف المحرج ترى ماقلت ويت=وانت حكيم الراي لامن صار فالدعوه جدال
وانت الصراحه في قلوب اهل الصراحه وان نويت=انت النوايا الصافيه واصفى من المي الزلال
وانت الكتابات المفيده لاكتبت ولاقريت=وانت الجيوش اللي تفك الدار عقب الاحتلال
وانت السلام اللي مابين المسلمين ولابغيت=حاجه براسك جبتها لأنك من اهل الاتكال
وانت الذي لامن شرى تشري ليامنك شريت=وانت السماء وانت النجوم الساريه وانت الهلال
وانت النهار اللي على العالم يضيئ أليا ضويت=وانت الدجا اللي يبعد الهوجاس وانت بكل حال
وانت الثقه وانت الامين اللي مع ربك وفيت=وانته خيال الشاعر الواسع حقيقه لاخيال
وانتا ترى المغباش وقت الصبح أو لامن سريت=وانتا وريث المجد وانتا للكرم عمِ وخال
وانت التسامح وانت دمح العفوا لامنك عفيت=وانتا عمود الطيب ونتا فاللقا صعب المنال
انشهد انك للوفا والعز ياجمل حويت=وانشهدانك تنفعل للحق غيره وانفعال
ياشيخ فيكم ذالشعر يعجز ويعجز بيت بيت=منك السموحه والعذر ياراس وقفات الرجال[/poem]




سلامتك,,,,

صح لسانك ياسعود

ويستاهل جمل بن ناصر بن شري المدح ...

..

يستاهل ابن شري

ولاهنت يايبن هديان

ياسر العتيبي.









صح بدنك يالقرم







اشكرك على المرور.

ارحب يابن عصيدان.









صح بدنك.







اشكرك على المرور.

يستاهل جمل بن شري



وصح لسانك يا سعود بن هديان

سعود الهاجري :

صح لسانك وجمل بن شري رجل فية خير ويستاهل المدح والعلم الغانم وانت كفيت ووفيت

تحياتي وتقديري

ناصر مناحي.








صح بدنك اشكرك على المرور.

الله الله يا سعود

يستاهل ابو ناصر عزالله المدح اللي على اصول

محبتي ومتابعتي ياغالي

اخوك

صح لسانك ياسعود

ويستاهل جمل

غازي المغيليث.







صح بدنك يالقرم.







اشكرك على المرور.

ارحب ياعبداللطيف.





صح السااااااااااانك.






اشكرك على المتابعه والمرور.

وان شفت راع الطيب والفزعـات لبيتـه وجيـت
غصـبِ علـي انـي ألبـي ياكرمييـن السـبـال
جمل بـن ناصـر بـن شـري ليامنـك نصيـت
شيخِ عزيـز بشوفتـه نفـرح ويفـرح فالرجـال
حييـت ياشيـخِ ليـا شفتـه احـس انـي حييـت
حللـت اهـلا مرحبابـك بالتراحيـب الـجـزال
وانا من رجـالِ عريبييـنِ لهـم فالمجـد صيـت
من سـاس هاجـر مـن عبيـده فقحطـان وآل آل
من الهيازع من بني هاجر وفـي شعـري رقيـت
رقيت في شعـري مـن الابـداع همـاتِ طـوال


اررررررررحب ياسعود

حيه وحي ماجاب


صح الله لسانك مدد

وافي وجزل

ومدحت من يستحق


تقبل تقديري

الغالي سعود

صح لسانك يالغالي

ويستاهل ابن شري المدح والعلم الغانم كله

تحيتي وتقديري

صح

لسانك


ونعم بالشيخ وربعه


ولاهنت

اخووك