ماباقي إلا ندرس البنات في صف البنين=ونفتح مراقص فالبلد ونجيب بطل وباطله

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله تحمينا وتكفينا عواقيب السنين=في وقت ماصرنا نميز حابله من نابله
وفي مجتمعنا سادوا إضعاف البشر والتافهين=اهل الخنا وأهل الردى وأهل العقول الفاشله
العالم اللي ماتفرق باليسار وباليمين=اللي بخدش العرض وإهمال القيم متساهله
أوادم(ن) مثل البهايم والصحيح أردى شوين=تهكموا بالأخره وإستبشروا بالعاجله
وحنا بدينا نعتبر مايفعلونه شي زين=ونقلب على توجيه الإسلام الحنيف الطاوله
على دعاية مانبا نبقى كذا متحجرين=العولمه لازم نواكبها بدون مجادله
ولايابو متعب ياجلال ويا ملاذ ويا عرين=بعد الله اللي جالب(ن) رزق العباد وكافله
حنا بوجهك ياسلايل من يروون السنين=روس الملوك اللي مواقفها تعدل المايله
آل السعود اللي على مر اللليالي فاتحين=محكمين الشرع وإكعام النفوس العايله
عن فعل علماني تبلانا وحنا غاضبين=ياضع مابين الدين والدوله فراغ وفاصله
وأكبر دليل السينما تعرض بجده كل حين=واليوم بالطايف وغارات الفتن متواصله
شفنا الرجال مع النسا والإختلاط أصبح روتين=والإختلاط محرم(ن)بالدين محدن قابله
كل المصايب من هذا اللعين إبن اللعين=أصبح يبادلنا شعور المهزله ونبادله
ماباقي إلا ندرس البنات في صف البنين=ونفتح مراقص فالبلد ونجيب بطل وباطله
ويضحك حجاج الحاقدين المغرضين المرجفين=اللي علينا أخطر من أسلحت الدمار الشامله
ماكن حنا قادت الإسلام والحصن الحصين=أهل القيم وأهل الشيم وأهل القلوب الصامله
وحنا الشرف يفخر بنا بين الشعوب ويستعين=وفينا صفات الطيب وأجل الخصال الكامله
حنا سلالات الصحابه والعباد الصالحين=والعز أخير من الدناسه والحياه النازله
واليوم يومك يابو متعب راس مال وسعد عين=العاجز اللي شايله غبن العدو وناطله
لد النظر وجعل حبوب المعتدي ترجع طحين=المسأله ماتحتمل سعة صدر ومجامله[/poem]