مركب بلا مينا ,, ومينا بلا مرسي ,,

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الفقد .. ليله لونها أسود ..وحالك = من هولها يمكن يشب الوليدي
ظلما ..وخوف..وغب صحرا مهالك=والريح ..وسباع الخلا ماتهيدي
حاولت ادور في غيابك ..بدالك=ومالاق لي غيرك..قريب وبعيدي
تدرى وش اللى في غيابك ..بقالك= عبرة هدب عيني ونزف الوريدي
وين انت تسألنى واجاوب سؤالك =واقول تكفي ..خل في ايديك قيدي
أبسط حقوقي من غرامك ..وصالك = وابسط حقوقك من غرامي.. قصيدي[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه ..غار المسا من حضورك = حتى القمر منك انكسف وجهه وغاب
والشمس لو هي فيه ذابت ..بنورك = لوجت مع الطاقه ..تغادر مع الباب
جيتى بحسنك والدلال وشعورك = واحيا السهر روح الغلا والسمر طاب
كان التواضع فيك قمة غرورك = من قدنا ..ليل وطرب روح واحباب
شفايفك من تحت خدك ..وحورك = نون ٍ يظلل ثلج بالجمر ماذاب
دايم ليازانت لوصلك ..امورك = أستقبلك شوق ومشاعر وترحاب [/poem]

ساحة الكونكورد

وأرصفة (المونمارتر)

و(الفاندوم) .. و( المادلين)..

ومطار (شارل دوغول)

و كنيسة نوتردام...

و(برج إيفل)

ونوافير (قصر فرساي)

وحديقة (التويلري)..

و متحف اللوفر

وانتى

كلها ذكريات جميله

ولكن متى تصنع قصيده

لله درك ياباريس

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
عقرب الساعه قتل صمت الثواني = والغياب المنتظر قرَب حضوره

قبل تتركنى على هامش زماني = اسمح لقلبي ..يعبر عن شعوره

كنت شي ..وصرت فجأه شي ثاني =دار دولاب الزمن فيك ..الف دوره

في حضورك كان للضحكه معاني = تخفي طيوف التعب لحظة ظهوره

يوم اجيلك في مكانك من مكاني = اسبق اشراق الضحي لاشع نوره

كانت البسمه ..تزلزلى كيانى = ما استمع فيها ملام ولامشوره

مركبي هايم .. وهى مرسي الامانى = وفي شواطيها بذر حبي بذوره

وابتديت ابدع لها الحان واغاني = ارسم الفكره على مليون صوره

ماعلي قلبي .. يغنيبه لساني = اسبر اغوار الهوى واقطع بحوره

لين ذاب الشمع وسط الشمعداني = وانجرف قلبك ورى نزعة غروره

يامساومنى على (عمرى) ..تراني = ما اطيح من الجمل لو طاح كوره

من شموخى ياخذ ..سهيل اليماني = والزهر ياخذ بعد خنة عطوره [/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من يوم قفلت الحقايب وسافرت =والضيق يرسل للمحاني فلوله

حتى الرياض بناظرى مالها كرت = صارت شوارعها الرحيبه ملوله

خليتنى مع ذكرياتك وغادرت = أسامر غيابك بعرضه وطوله

ماتدري بحالي ألي من تذكرت = والليل موحش والدقايق خجوله

اشتقت؟واعلنت الفراق وتحيرت = مقدر اضحي بالغرام بسهوله[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


يطربنى النايح على الدوح لاناح = أجاوبه وابكي واغني لحونى

اسامر احزاني لفلاج الاصباح = مالي ونيس الا عباير عيوني

الناس ماخلونى بحالي ارتاح = حتى على شح الزمان احسدونى

حتى محبيني غدوا مثل واشباح = ياماخذوا منى ولا قد عطونى

صدقت يامن قلت كان الجمل طاح = كثرت سكاكينه ..وشف قطعوني

وانا سواة الجمر بالعود لا فاح = افوح شعر ..ولا أشاور طعونى [/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
استسلمت حورية الذوق ..للنوم = يابخت مفرشها ...وبخت الوساده
سريرها ..يحسب متى ..آخر اليوم = عشان يحضنها .. بشوق وسعاده
مدري تحس ؟؟بضيق واحزان وهموم= والا الفرح ..حول رقبتها ..قلاده[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الـبـارحـه قـابـلـت طـيـفـه فـــي مـتـاهـات الـخـيـال=جالس تحت غصن شجره بين الدروب المظلمه
مـريــت صـوبــه مـاســأل فـيـنـي ولانـــادي تـعــال=غـارق مـع التفكيـر وعيـونـه لسـاعـة معصـمـه
وراه حاير في زمانه منتهى السحر الحلال = ماحب اشوف عيونه الحورا كذا مستسلمه
مـــــدري يـــــدور لـــلامـــل والا يــــــدور لــلــظــلال=والا يــــدور حــلــم وردي فــــي زمــانـــه يـحـلـمــه
يحـق لـه يطـلـق عنـانـه فــي فـضـا حـلـم اللـيـال=يـبـي يعـيـش ان قـالـه الله فــأي حـلــم ٍ يـرسـمـه
ربـــي وهـبـلـه مـايـشـاء ومـايـريـد مـــن الـجـمـال=من هامته حسن وجمـال وتيـه لا اطـراف قدمـه
الله واكبر منه ابو شامه عليها حب خال = يقدر يجيب اللى على باله بضحكة مبسمه
والله واكبر من هدب عينه لياسلهم وقال = وين القلوب الهايمه وين القلوب المغرمه
والله واكبر من غوي عوده لياهب الشمال = اقسى طعونه قاتله وابسط طعونه مؤلمه
ماكنه الا عود موز ٍ لاعبه ساقي ومال = الري قسم في لحنه والريح قسم في نغمه
يمشي وهو لابس ثياب من التواضع والدلال = سبحانه اللى جاد له من فيض جوده واكرمه
لكن بعد ماصال زوله في فضا فكرى وجال = اخاف حظه يخذله واخاف طيبه يهزمه
يمكن تفارقنا ولكن طيف حبه لايزال = اغلي الضيوف اللى يجيني في محلي واحشمه[/poem]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] علقتني فـي وهـم حبـك وسافـرت=وخليتنـى بيـن الرجـا والامـانـي
صبرت واخفيت المواجـع وكابـرت=.وحفظت هيبة غيبتـك فـي المحانـي
ياليتـك انهيـت العلاقـه وغـادرت=عشان اعيش الحب .. مع شخص ثاني [/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
سلام من قلبي ... وصادق شعورى = ولو مرحبـــا ماجات ماني بخسران
عفيف دارى لو بها غاب نورى = غيبة شرف على معزه وبرهان
يوم اتذكر فيه ماضي عصوري = اهل صاف الدمع من موق الاعيان
شاعر على قدي واساير امورى = ما جامل فلانه ولاجامل فلان
مع كثر زلاتي وكثرة قصورى = استغفر الرحمن في كل الاحيان
جاملت من جاملت فاول ظهورى = وكسبت لي ربع ومعارف وعدوان
ولاني بعالم ما تكن الصدوري = في دبرة المعبود ماجا وماكان
واليوم يادنيا على الكيف دورى = والله مافي شعري سنان وعنان
ماعاد لي بال صبور وجسورى = يقدر علي بدع المعاني والالحان
ماني بشايب مير ماعشت دورى = مشغلني الواقع بهمه والاحزان
وصح الله لسانك ... تقبل مرورى = ماراح اقدمهـــا .. على حشو الاوزان
اما قريت ابداع يرضي غرورى = والا مشيت بدون بصمه وعنوان
الشعر امانه والتواضع ضرورى = ومن لارضي بالنقد .. ماجاب برهان
ولاصرت ما افرض في حروفي حضورى = الصمت خير( وزبدة الهرج نيشان)
[/poem]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]

راحت تراجع فالرياض لتعبها = الله يعافيها ويرضي عليها
من شافها عند الالم لاغلبها = يعرف كيف ايمانها مكتسيهـــا
ادعي لها واقول يارب جبها = واقدم سنيني هدايا اليها
منها دموعي حايره في هدبها = من كثر ما اسال واتصل واحتريها
اللي وجودي فالحياه بسببها = لو تنشري الصحه لها بشتريها
ظل ظليل لربعها ولعربها = وتفرح بكل ضيوفها اللى تجيها
لامن تباطتني يجيني عتبها = بالضحكه اللي بالحياه افتديها
امر مجلسها واعانق ركبها = واشم شرشفها واقبل يديها
اخت الرجال اللى عريب ٍ نسبها = ليت التعب فيني ولاهوب فيها
ابوي يومنه تخير حسبها = ماخاب يوم اتعب ركابه يبيها
الله يرحم جدي اللى نجبها = ومن الغلا... ادعي لوالدا والديها
[/poem]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
ياصاحبي والزمن هجري وميلادي = والشخص ماله عن المكتوب واقداره
تعال بايح خفوقي واطلق قيادي = واعاهدك مايبوح القلب با اسراره
(نسم علي الهوى من مفرق الوادي ) = وماني بمختار شي ٍ مالله اختاره
اللي مضي بيننا ماراح ينعادي = الحب ماتت حروفه وانطفت ناره
احساسي انك تخون الملح والزادي = اجبرني انهي هوانا واسدل ستاره
ابعد ونبعد وحسب سلوم الاجوادي = كل ٍ يعذر المفارق با اجمل اعذاره
بعيش بين الحروف وجوها الهادي = واخلي الشعر عود ٍ تعزف اوتاره
لادق هاجوس فكري يقدح زنادي = وطبيت بحر القصيد وجبت محـاره
وغزيت بالعود كل عيون حســـادي = اللي ورى جرتي بالعين سبَاره
واللى براس الجبل ويصيح وينادي = اوحيه تاره واسوي ما اسمعه تاره
ياحادي العيس سر العيس يالحادي = شكرك على راعي المحراف واشعاره
اعيش غربه وانا في داخل بلادي = استوحش اهل البلد والحي والحاره
مغير اسولف علي دله وبرادي = واكتب عباره ..واعود وامسح عباره
[/poem]

تقول يامبدول ماتفهم الشوق

واقول ياخبله مغير اتثيقل

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

واجفني اللي ما اهتنى في منامه = مير الله اللي يرحم الحال ويعين
كله من اللي دوبي افصح كلامه = البندري كل الغلا قرة العين
تقول يابابا متى اشوف مامه = واقول بكره يصلح الحال ويزين
واصد وامسح دمعتي بالعمامه = واضحك وحملي مثل حمل البعارين
ربي يقومها لنــا بالسلامـــه = وترجع لنا بنت الرجال الميامين
دام المرض من عند ربي ! كرامه = واللي يجى من عند ربي هو الزين
[/poem]