مجاراة لقصيدة ( بشار )

#1 06-08-2002, 10:49 PM

هذه القصيدة رد للشاعر خالد بن ناصر العازمي وهي مجاراة لقصائد الشعراء
ناصر بن عبيد المري , ووالده عبيد بن علي المري في قصيدة بشار

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مبداي باللـه منشي الغيث بغيوم=الخالق المعبود سر وجهارا
لعل امانه دايم الدوم ويدوم=وتدوم خوتنا كبار وصغارا
ومن بعد ذكر اللـه ابسبح وابا اعوم=واجاري اللي بالصقارة ندارا
سمعت ناصر يزهم ابوه مظيوم=من شان طيرآ مال فعله وقارا
ماقول فيه قصور والعبد محكوم=ماله عن صدور القدر لوه طارا
الفعل خصيته لبشار بالكوم=لكن غيره يالسنافي كثارا
فعل الجوراح بينهن حط مسهوم=ولون طيرك بس ما من صقارا
بيت الظليمه يابيض الوجه مهدوم=دايم ودايم صاحبه بإنحدارا
نسيت فعل مخرشات بهن زوم=تعجبك لاهديت طيرآ وبارا
لاجيتلك خدآ من الوسم ماسوم=لقيت جرتهن عليهن غبارا
هذي محبراهن من القشع بالسوم=ومقيالهم مابين ذيك البحارا
ان قالها اللـه بالهدد مانت محروم=ان كان ماصابك من اللـه غيارا
ياناصر الدنيا لها حق وسلوم=انا كلامي صدق ماهو عيارا
وشفيك حطيت الوكارا كما البوم=تلقى خبرها عند ناسآ كبارا
ياما صقر فيها من الناس مرحوم=يقنص بها فوق الابل والمهارا
ترى الصحيح يقال والكذب منقوم=والحر حر ويفتهم بالاشارا
يابن الودايع جعل يفدونك رخوم=جاك الكتاب موضحآ بالعبارا
اليوم دار الوقت والطير مظلوم=قام يتغير من بياض بسمارا
كلن على رايه من الناس ويشوم=حسب مزاجه ينتقي ماتوارا
ينقي طيور الصيد طيب ومذموم=تهجين ولا من فروخ الجيارا
اشعارها بين على الرجل برقوم=من كل ديرة تنعرف بالشعارا
وآخر كلامي كل ماقلت معلوم=والكيف مايصلح بليا بهارا
[/poet]

حررت بتاريخ : 4/8/2002م

06-08-2002, 10:55 PM

الغالي محسن المري

بيض الله وجهك

تابعنا القصائد الثلاث

وهنا الشاعر خالد ابدع كما ابدع الشاعرين ناصر بن عبيد المري , ووالده عبيد بن علي المري

مشكور اخوي محسن

وننتظر القادم

تحياتي