ســـوق الغـــلا

اخواني واخواتي اعضاء وزوار منتدي المرقاب

كل عام وانتم بخير ومبروك الشهر الكريم

ارجو ان تجد هذه القصيده ولو بعض القبول منكم

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

والله ما اشوف اضيَق على راعي الطيب=من مجلس اللي يبتنيه ويخونه
اللي ورى بيبانه الشك والريب=واهل الردى مثل السلـَق في ركونه
حتى ايش لو راعيه لحيه واشانيب= (جزمه) ورى بابه وثنتين دونه
يا الطيبين الطِيب عالي مراقيب=تتعب قدم راقيه نظرة عيونه
ماهوب جهل وهدّةٍ بالمشاعيب=أخلاق دِين وقوّ باس وليونه
والرزق ما اخلفه اختلاف الأساليب=كنزٍ ملايكة العزيز يحمونه
والعبد يسعى في نصيب ومكاتيب= والناس فالثنتين ما ينفعونه
يا الآدمي وش لك ببعض المطاليب=تطلب بشر.. رب البشر يطلبونه
مولاك ما ولّى النصيب المناصيب=واللوح حرفٍ فيه ما يخلفونه
شف من يحوش الشاة ..والشاة للذيب=وشف من زرع واسقى وخابت ظنونه
يا الآدمي ما فالمكاتيب ألاعيب=النفس نزّهّا ومنهجك صونه
دام البياض أكبر عداه المغاريب=العز اكيد اكبر عداه المهونه
واكبر كلافه للنجيب المواجيب=واخطر سلاح النذل ضحكة سنونه
والدَّين قضّاي اللوازم مهو عيب=العيب سبّ مدوّره في حتونه
وثلاثة ارباع الهناديب اكاذيب=ناسٍ يحَفظون الحكي ويحَكونه
لا يخلفك من يحفظ الناقصه غيب=نصيحة اصحابك تراها معونه
والنصح ماهو مسكةٍ بالتلابيب=الناس نوش الهوش ما يقبلونه
ون عنّدوا منتب طبيب الأصاويب=لا تحرم العالم من اللي يبونه
جنّب ويبدي لك على الطِيب أصاحيب=سوق الغلا لابد يبدي زبونه

[/poem]

وسلامتكم جميع

محمد الدهيمي