// (( ... أنــواع الحــب ... )) // !

الســلام عـلـيـكم ورحـمـة الله وبـركـاتـه

هـي قصـيدة وجدتـهـا فـي أحـد المـنـتـديـات ولا أعرف مَـن صـاحبـهـا

وأحبـبـت أن أشـاطـركـم الإعـجـاب بـهـا


[poem=font="Simplified Arabic,5,black,bold,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black"]
حبٍ يشيّب صاحبه ما بَعَدْ شاب = وحبٍ يشيب وصاحبه في شبابه

وحبٍ يغيب وصاحبه ما بَعَدْ غاب =وحبٍ يدوم وصاحبه في غيابه

وحب يذوّب خافقٍ ما بعد ذاب =وحبٍ يداوي صاحبه من عذابه

وحبٍ يتوّب خافقٍ ما بَعَدْ تاب =وحبٍ يزيدك رغبةٍ في الكتابه

وحبٍ حياته كلّها لوم وِعْتاب =وحبٍ حقيقي ما يضرّك عتابه

وحبٍ بلا معنى وحبٍ بلا اسباب =يبدا غريب وينتهي في غرابه

وحبٍ ضعيفٍ مثل حبرٍ على كْتاب= تمحيه دمعه في ثواني كآبه

وحبٍ قويٍ مثل قصرٍ له ابواب =لو هبّ عاتيْ الريح ما اهتز بابه

وحبٍ بداية رحلته نظرة اعجاب = واخر مطافه مثل يومٍ بدا به

وحبٍ يعيش بداخل قْلوب الاحباب= وحبٍ يشيع وكل حَيٍ درى به

وحبٍ مقامه في ضلوع الصَدِر طاب= وحبٍ يعدّي مثل مرّ السحابه

وحبٍ على قبره نعق بوم وغْراب=وحبٍ تغنّى به لحون الربابه

وحبٍ بمقدارٍ وحبٍ بلا حْساب =وحبٍ بمعروفٍ وحبٍ نهابه

وحبٍ يعيش أهله وسط داره اغراب =ويموت قهر ويندفن في ترابه

وحبٍ غدا سرّه سوالف للاجناب =وحبٍ يموت وصاحبه ما حكى به

وحبٍ يشيب وصاحبه ما بَعَدْ شاب=وحبٍ يشيب صاحبه في شبابه [/poem]

ولــكـم تحـيـاتـي وَ ودّي

أخاكمـ ....

وحبٍ على قبره نعق بوم وغْـراب
وحبٍ تغنّـى بـه لحـون الربابـه

..


وحبٍ غدا سرّه سوالف للاجنـاب
وحبٍ يموت وصاحبه ما حكى بـه


..

اخوي سعود النفيعي

تسلم ويعطيك مليون عافيه علي نقلك لهذه الرائعه



تحيتي لك بكل الود


..



شوق

الله الله

اختيار اكثر من رائع

كل ابياته معبره جدا وجميله

قرأت مره أن شاعر القصيده قحطاني .. والله اعلم


جزيل الشكر والتقدير لك يا اخوي

نقل اعجبني جدا

لاعدمنااااك