بس !!

السلام عليكم

والله مدري وش طرى لي ؟؟

لكن قعدت افكر في كلمة مدري بعد هي كلمه والا حرف جر والا ضمير مستتر المهم انها بس .. مو بس قطو لا بالفتحه .. بَـس ..

لها اكثر من معنى سبحان الله طبعا في لهجتنا العاميه اما بالفصحا زابني الله هي فصيحه والا لا ؟؟

اللي عرفته انها كلمه من اصل هندي !!

استخدامنا لها ..

احيانا يكون .. بس مابي .. مثلا (( البيلوت .. اول .. بس ))

واحيانا بس خلاص .. مثلا (( تقهو .. بس )) والا (( اذا احد قلت له صب نص بيالة شاهي وملاها عاده يصب تقوله .. بس بس بس بس ))

واحيانا بس يعني ودي او بصري او كيفي .. مثلا (( ليش سويت كذا ؟؟ .. بس ))

واحيانا بس يعني صح .. مثلا (( لما واحد يعطيك اقتراح تقوله : بس عيّنتها ))

واحيانا بس لكن ... مثلا (( كنت بروح بس جاني شغل ولا رحت )) <---- ولا تعبت

ومن الاستخدامات الاخرى

مثل لما واحد يهايط واجد وتبي تفشله تقوله .. وبـــس ؟؟
ولها استخدام في الحقران .. يعني تقريبا نفس الاستخدام السابق لكنه يمرض اكثر



هذا اللي استطعت ان اجرده الحين لكن عاد لها استخدامات اخرى بحاول اجردها


وبس