مالقيت إلا حبيـب ومصلـح ماعـلاه

محاورة جمعت بيـن الشاعريـن
مصلح بن عياد وعبدالله بن عتقان
.
.
مـصـلـح بـــن عــيــاد
.
.
مرحبا في حلةٍ ضيفهـا يلقـاء غـلاه"="لو مكانه داخل العيـن ماضاقـت منـه
قالها اللي مايزعـل ضيوفـه وزمـلاه"="والعقل نعمه من الله على مـن ثمنـه
.
.
عـبــدالله بـــن عـتـقـان
.
.
البقا والله يعز القصـر واللـي حمـاه"="الكريـم بدلتـه والمراحـب وصحنـه
ياحليل اللي مع الناس عالـي مستـواه"="مايحـب الميسـره مشيتـه فالميمنـه
.
.
مـصـلـح بـــن عــيــاد
.
.
ياولدعتقان جو العـرب غيـم سمـاه"="والرحى شـيٍ تكبـه وشـيٍ تطحنـه
من هو اللي يعرف العلم وجهه من قفاه"="وأستحي من لحيته يوم وأضحك له سنه
.
.
عـبــدالله بـــن عـتـقـان
.
.
السماء صافي لكن المشاكـل بالرحـاه"="والمشاكل ماهي اليوم يعنـي مزمنـه؟
الشجيع ليا مشـى مايبـا يرجـع وراه"="والضعيف ليـا لقيلـه شجيـعٍ يزبنـه
.
.
مـصـلـح بـــن عــيــاد
.
.
ياطبيب الجرح منتـه خبيـرٍ فـي دواه"="وأنت في دفترك مليون سيـه وحسنـه
ياجبل ورقان مأهتز منـك ولا حصـاه"="سير مضمونٍ حسابـه وسيـرٍ ندهنـه
.
.
عـبــدالله بـــن عـتـقـان
.
.
أسلمي ماتقبله لو ماشي فـي سـراه"="وشلوي وألا عـلاوه سريـع أتعينـه
البلكه والحجـر تختلـف عنـد البنـاه"="الحجر صعب الكسـر والبلكـه هينـه
.
.
مـصـلـح بـــن عــيــاد
.
.
العلاوه قصري اللي جنوبـي فـي ذراه"="وأنت قصرٍ فيه بـابٍ خطيـرٍ مضمنـه
خفف السرعه ليا شفت ضلعان السراه"="لين تبني لك قصر بالسـراه وتسكنـه
.
.
عـبــدالله بـــن عـتـقـان
.
.
هيه يامصلح تجيك العلوم مـن الـرواه"="والله إنـا مامشينـا بـذل ومسكـنـه
لا توصيني وأنا أبوي معطيني وصـاه"="ماطلبت الغالـي إلا وأنـا قـد أثمنـه
.
.
مـصـلـح بـــن عــيــاد
.
.
أدخل المسجد ليـا قـال حيـا للصـلاه"="وأضبط التوقيت وأحفر لسرك وأدفنـه
لا تعاين فوق وجهك على كـم العبـاه"="لا تحنحن صاحبـك مايحـب الحنحنـه
.
.
عـبــدالله بـــن عـتـقـان
.
.
ماتركنا فرض ربـي ولا حنـا عصـاه"="خاف ربك وأعرف أسليم والظن أحسنه
ياولد عياد ذيب الفـلا يجـزي عـواه"="لا تدنـدن صاحبـك مايحـب الدندنـه
.
.
مـصـلـح بـــن عــيــاد
.
.
جابك المقسوم بين الرياجيـل الدهـاه"="والرياجيل الدواهـي قلـوبٍ واللسنـه
ياولد عتقـان مـن دور الغالـي لقـاه"="كان تملك لك ذهب فالموازيـن أوزنـه
.
.
عـبــدالله بـــن عـتـقـان
.
.
مالقيت إلا حبيـب ومصلـح ماعـلاه"="مثلنا منتم سلاطيـن وإبليـس العنـه

تسلم يا علي بن مبارك


وعبدالله عتقان السلمي & ومصلح عياد الحارثي


من الشعراء الكبار




قاف مميز وثمين



دمت بخير وشكراً على الاختيار الجميل

لاهنت وجعلك تسلم يااامناحي



انت هنا اعتبرك شايبنااااااااااااااااا

واشكرك على متابعتك يااغااااااااااااااااالي


وتراك طولت علينا نبغي جديدك..

سلمت يبو مبارك على النقله الطيبه

شعراء ولعب صح


لاهنت

عز الله محااااوره قمـّه فوق القمـّه


الف شكر لك يا أخ علي لقاء ما قمت به من جلبها لنا !


اخوووكم

محمد صالح العتيبي

اخوي الغاالي لاهنت على مرورك

سلمت يا بومبارك

إختيار جميل ومحاروه طيبه

وشعراء غنيين عن التعريف



تحياتي لك ،

عبدربه اشكرك على مرورك والرائع هنا

توقيعك وكلامك الطيب