(( سالم حمد )) عضو جديد يستحق الترحيب !

ماهو عشاني غير عن باقي الجيـل
ولا.. كبـر ولا غـرور وتعـآلـي

تدرين ليه اجزم على القول بالحيل؟؟
وضامن رجوعك ترتجين لـوصالي

لنُك يا روح امك شربتي من (النيل)
ومن يومها عفتي القـراح الزلالـي


من أبياته في قصيدة دخل بها عبر الباب المشروع .. مرقاب التسجيل والزوار ..


طلبنا منه المزيد ..

ما قلت احبك عبث وإلا عن الشكّه
تبينـي اقسـم؟. قسم بالله حبيتك

انا تولّـعت بك ما عاد لي فكـه
مدري البـلا منك وإلا إني تبليتك


.
.

ابشـرك عقـب صدك زالت همومي
كنت احسبك خيـر واثر فراقك الخيره

هالحين حتى انت تحسدني على نومي
فـي ذمتــي تبت لا حبك ولا غيره


.
.

بان الصحيح اللي ستر عيبه الطمس
ومن بعدها يالوقت هاك اعتــرافي

ما جارني الا عبااتي من الشمــس
ولَـ ادفاني فـ برد الشتا إلا لحـافي


ما قدمه لنا .. كفيل بتسجيله .. شاعر يستحق التقديم والترحيب

ونتشرف بإنضمامه مع أخوانه الكرام في هذا الصرح المميز ،


بإسمكم جميعا نقول ..

هــلا ومسهلا يا (( سالم حمد ))

والله يحييك في مرقاب الجميع ،