جـاك يحـبي ..لك ..حـبي

لا اله الا الله





يالله سترك .








صلوووووو على النبي .


















[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياقصيدي وإن طلبتك قوم نفذ مطلبي= فيه للعشاق معنى ولشعر اسم جديد

وفيه للحسـاد عينٍ ماتصلي ع النبي=وفيه في الخاطر كلام ٍ لا ذكرته قال عيد

وأنتي اللي وسـط قلبي تمزحين وتلعبي=وإن بغيتي شي صرتي وسـط دمي فالوريد

ماقدرت أقول والله غير سمي واطلبي=يابعد كل العذارى يابدر في ليل عيد

هـاك نايف وإن بغيتي هاك شعره وأكتبي=لا يردك شي وانتي هالقصايد لك عبيد

اكتبي يامرحبا بك وإن كتبتي وش تبي=قلت لك عندي كلامٍ مايلينه الحديد

وإن طلبتي تسمعينه جاك يحبي لك حبي=لعن ابو من لام نايف راعي القلب الشديد

والله إني قبل اعرفك كنت افـتل فشنبي=في أمور الحب دايم لا أفيد ولا أستفيد

لين صرتي راس مـالي ثم صرتي مكسبي=وقمت أصوت لليالي وأنتخي لك ياسعيد

الشهيب ابن الثبيتي ولد عمي جد أبي=صاحبك غارق في بحر اسمه الحب الاكيد

البدور اللي يشـابه عنقها عنق الظبي=عينها حـمـر النواظر والهدب شبك يصيد

لا نصتني قمت أرحب أرحبي .. ثم أرحبي=والله أن الحكي منها أجمل أنواع القصيد

جاتني وقـامت تسـولف كنها رجل أجنبي=وسـقت بني في يديها كنـنا في يـوم عيد

يوم شـفت البن نادى قال ساعك و أشربي=عجـلي ودي بريـــقك أطعمه وأقول زيد

والله إني ماألومه يوم قـال الها أبي=مرّةٍ من بـعد مرّه أطعم الطعم الفريد

قالت أنت الحين تفهمْ أجنبي وألا عْربي=قلت لك في ما مضالك خلنا نبـعد بعيـد

قلت والله ورحمة أمي ثم ابويه والصبي=ماتركتك لو تقولي اشنقوا هذا البليد

كل ماقلتي تبّعد قلت جنبك وأقربي=خلني بعيش عمري في آخر العمر الزهيد

لا تقولي لي..حدودك مذهبك هو مذهبي=والرسول الي دعاني جيت له ساعي بريد

فرصتي وإن كان ضاعت بالله نادوني غبي=لا تقول الشاعر الي كان له ذاك الرصيـد

هاك قلبي وإن ضميتي هاك دمي وأشربي=لك وهبته وأن توفى قلبي لحبك شهيد

My life والله إني صرت في قربك Happy=يابدور مايوازي حسنها الفين غـيـد

يعلم الله وش بقالي فيك ياأعلى منصبي=لا ذكرتك قمت أغني وأنتظر حلم الوعيد

البدور الي مهرها مايكفيه ذهـبي=بنت شيـخٍ لانتخوبه حرر أرقاب العبيد

فزعـتك يابو محمد مأظنك برت بي=الليالي وش مداها مالقيت لها مديد

ساقني حظي وجيت بقلب كنه متعبي=في طريقٍ مابه الاّ سيف هارون الرشيد

لا ذكرت الليل جنبك قلت ياشمس اغربي=ولا سمعت الصبح نادى قلت قل لي وش تريد

قال بنتٍ ودعتني ثم ترْكت مركبي=روحت لليل تشكي تطلبه ياقف عضيد

قلت هاذي جنتيني وآخر عذوق ارطبي=لا يلينها كـلام ولا يـلينـها عنـيد

باسها الي مايطابق منسـّبه مع منـسّبي=ياأطيع الامر والا أتركه وارحل بعـيد

ياقصيدي وان طلبتك قوم نفذ مطلبي=فيه في قلبي بدورٍ كونت حبٍ جديد


[/poet]
وسلامتكم

نااايف بن عيفااان